Aug 20, 2017

ရိုးရိုးရှင်းရှင်း ရှူးရှူးရှဲရှဲ



ရုံးပိတ်ရက်မနက်စာက အရွက်များတယ်။ ပဲသုပ်ထဲ ကန်စွန်းရိုးထည့်ထားတော့ ကြည့်လို့ကောင်းသား။ အသုပ်ထဲ သံပုရာပါလို့ အနံ့အရသာ ပိုပြည့်စုံသွားတယ်။
အပေါ်မှာ မြင်ရတဲ့ပုံက မှိုနတို။ သတ်ပုံမှန်က မှိုနားတိုလို့ ဆိုတယ်။ အစိမ်းစား။
ကရင်လိုခေါ်တဲ့ဟာကို မြန်မာပြန်ရင် ... ခွေးလေးခြေရာ တဲ့။

ပြီးတော့ .... ငါးဖယ်သုပ်။
အစပ်သီး နည်းနည်းထည့်တယ်။
အစပ်ကြမ်းတော့ ရေကူရတယ်။

ဒါပါပဲဗျာ။

မှိုနတို၊ ငါးပိရည်၊ မုန်ညှင်းပြုတ်နဲ့ ပရုပ်ရွက်ပြုတ် ရောထား၊ ပဲဟင်းရည်၊ ပဲသုပ်






ပလပ်စတစ်ခေတ်


ရန်ကုန် မင်္ဂလာပွဲတခုအပြီး တွေ့ရတဲ့ အမှိုက်ခြင်းတွေပါ
ရွှေပွဲလာတွေ ဖက်ပေါ် ထမင်း ဟင်း ပုံကျွေးဟန်တယ်။
မစားခင် ဖက်ကိုသန့်ရှင်းရေးလုပ်မယ်၊ စားပြီးရင်တော့ အဲဒီဖက် တောင်းထဲပစ်ရုံသာ။
ဖက်တွေကြားထဲ အများအပြားတွေ့ရတာက ရေပုလင်းများပါ။ ရွှေပွဲလာ ဧည့်ပရိတ်သတ်ကို ရေပုလင်းနဲ့ဧည့်ခံပုံရပါတယ်။
သာပွဲ နာပွဲ ဆွေးနွေးပွဲမျိုးစုံမှာ ရေပုလင်း ပါဝင်မှုက မနည်းမနောပါပဲ။
ကမ္ဘာတဝန်းမှာ တရက်ကို ရေပုလင်း အသုံးပြု လွှင့်ပစ်မှု သန်းတရာလောက်တော့ ရှိမယ် ထင်တယ်။
ရေပုလင်းစက်ရုံတည်ခြင်းဟာ အမြတ်သေချာတဲ့လုပ်ငန်း ဖြစ်ပါလိမ့်မယ်။
ဒီခေတ် အသုံးများ ရေပုလင်းက ဧည့်ခံရေးအတွက် သက်တောင့်သက်သာဖြစ် လွယ်ကူပါတယ်။ သို့သော်.. မြေကမ္ဘာနဲ့ သတ္တဝါတွေအတွက်တော့ ဒီပုလင်းတွေက ဒုက္ခပေးပါလိမ့်မယ်။
တခါသုံး ပလပ်စတစ်ပုလင်းသုံးကြမယ့်အစား တခါသုံးစက္ကူခွက် သုံးသင့်တယ်။
သုံးဖို့ တိုက်တွန်းသူတွေ လိုမယ်။ အသုံး တွင်ကျယ်အောင် လုပ်ငန်းရှင်၊ အာဏာပိုင်၊ ပညာပေးသူ၊ မီဒီယာ စသဖြင့် စသဖြင့်တို့က ဝိုင်းလုပ်သင့်ပါကြောင်း။

May 27, 2017

စားပြီးရင် ပန်းကန်ဆေးပေးရတဲ့ဆိုင်

မြောက်ဒဂုံ နာရေးကူညီမှုအသင်းရုံးထဲ ဖွင့်ထားတဲ့ထမင်းဆိုင်မျိုး ကမ္ဘာပေါ်မှာ ရှားလိမ့်မယ်။

ဆိုင်နာမည်က ... ကံကောင်းကျော် (ကိုလိုရာဒို) မြန်မာထမင်းဟင်း နှင့် ထိုင်းရိုးရာ စားစရာများ။




ကိုလိုရာဒို ဆိုတာက အမေရိကန်ပြည်ထောင်စု ပြည်နယ်တခုရဲ့ နာမည် ဖြစ်ပါလိမ့်မယ်။

နာကူရုံးမှာ နေ့စဉ် အလုပ်ဝင်သူ လုပ်အားပေးသူ ၁ဝဝ ကျော် ရှိတဲ့အတွက် သူတို့ရဲ့ ဝါးဒီးအတွက် ဆိုင်ဖွင့်ထားရခြင်းပါ။ ဒါက တတိယမြောက်ဆိုင်လို့ ဆိုတယ်။ မဟုတ်ဘူး... ဆိုင် ၃ ဆိုင်ရှိတာကို ဆိုလိုတာ မဟုတ်ဘူး။ ဆိုင်က ၁ ဆိုင်တည်းပါ။ အဲဒီဆိုင်ကို အုပ်ချုပ်သူ/ပိုင်ရှင် ၃ ကြိမ် ပြောင်းခဲ့ပြီးပြီလို့ ဆိုလိုခြင်းပါ။
 




ငါးကြော်ချက်နဲ့ အရွက် ၂ မျိုး။ ရောင်းဈေး ၁,ဝဝဝ။
စားပြီးရင် ဇွန်း၊ ပန်းကန်တို့ကို ကိုယ်တိုင်သိမ်း၊ ဆေးကြော။

သက်သာဆိုင်ဆိုတော့ ဒီလိုပဲပေါ့လေ။

စားနေကျ ဖောက်သည်တွေကတော့... ဈေးနည်းနည်း တက်တယ်... ခါတိုင်း ဈေးနှုန်းက ၈ဝဝ လို့ ဆိုတယ်။



ဒီဆိုင်းဘုတ်ကတော့ ခုမှ ရေးထားပုံရတယ်။
ဆိုင်းဘုတ်ကို ကြည့်ညပီး ကတ်သပ် ပြောရရင်... ပန်းကန် မဆေးလည်း ရပါတယ်... သူက ပုဂံလို့ ဆိုထားတာ မဟုတ်လား)




ကလေးတွေ လူငယ်တွေအတွက် သင်တန်းမျိုးစုံလည်း ဖွင့်ထားတယ်၊ သုခကုသိုလ်ဖြစ်ဆေးခန်းလည်း တနေကုန် ဖွင့်တယ် ဆိုတော့ တချို့ရက်တွေမှာ ဆိုင်လူကျလွန်းတယ် တဲ့။ လူကျတဲ့နေ့ဆို လက်မလည်အောင် ချက်ရ ပြုတ်ရပေါ့။ ဆိုင်ခွဲတွေ ရှိလားလို့ ဟင်းထည့်ပေးတဲ့ အမျိုးသမီးကို မေးတော့ ... ဒီဆိုင်တခုနဲ့တင် အလုပ် ပိနေ ဆိုပဲ။ ကိုလိုရာဒို ဆိုတာ ဘာလဲ မေးကြည့်တော့ ... ဟိုဝိုင်းကို သွားမေးကြည့်လို့ ဆိုတယ်။ ကံကောင်းကျော် ဆိုတဲ့သူက အဲဒီဝိုင်းမှာ ရှိမယ် ထင်ပါရဲ့။ ဒါနဲ့ပဲ ထမင်းစားရင်းနဲ့ အဲဒီဝိုင်းကို တချက် ရိုက်လိုက်တယ်... အဝါရောင်ဝတ်ထားသူ ထိုင်နေတဲ့ဝိုင်းဗျ။
 


အဝင်ဝမှာ ရေးထားချက်အရ ဆိုရင်... ဟိုတုန်းကတော့ ဆေးစရာ မလိုဘူး... သတ်မှတ်ထားတဲ့နေရာ သွားပုံထားရုံပါပဲ။

ဒီနည်းနဲ့ ပန်းကန်ဆေးကြတော့ ရေပိုကုန်တဲ့ဆိုးကျိုးတော့ ရှိသပေါ့... ရှိသော်လည်း ... ကောင်းပါတယ်လေ ... ဒါမှ တန်ဘိုးသင့်နေ့လယ်စာဖြစ်တော့မှာ။    

မနက် စောစောဖွင့်တယ်... ညနေဆို ၄းဝဝ အထိ ဖွင့် ဆိုပဲ။     ။

Oct 30, 2016

စိတ်ကူးကောင်းနာရီ



တောင်သူလယ်သမားဂျာနယ်တိုက် ဧည့်ခန်းမှာ တွေ့ရတဲ့ နာရီ။
တော်တော် ကြီးတာပဲ။
နာရီအတွက် စက်ကို နံရံထဲ ထည့်ထားရမှာပဲ လို့ ရုတ်တရက် ထင်ချင်စရာ။ စက်က သေးသေးလေးပါ။ လက်ဘက်ရည်ဆိုင်က ပလာတာနဲ့ နင်လားငါလား။

ဒီနာရီမြင်တော့ နာရီစင်တွေကို သတိရတယ်။

အမြို့မြို့ အနယ်နယ်က နာရီစင်တွေမှာ နာရီတွေ ရပ်နေတာ ထုံးစံပဲ။
နာရီစင်က မျက်နှာ လေးခု ရှိတာ များတယ်။ နာရီလေးလုံးတပ်မယ်၊ အရပ်လေးမျက်နှာက ဒေသခံတွေ နာရီ သိရအောင် ဆိုတဲ့ စေတနာနဲ့ တွင်းနက်နက်တူး၊ အုတ်မြစ်ချ၊ လေးထပ်တိုက်အမြင့်လောက် လှလှပပ ဆောက်၊ ဖြစ်မြောက်ရေးကော်မတီဝင်လူကြီးတွေ မြို့တက်ပြီး နာရီကြီးကြီး လေးလုံးဝယ်။
ပိုက်ဆံ ကုန်သွားရင် ငွေရှင်ကြေးရှင်လို့ ယူဆရသူတွေဆီက တောင်း/အလှူခံ။ နောက်ဆုံးတော့ အကျိုးပြုနာရီစင်ဖွင့်ပွဲ တခမ်းတနားလုပ်။

တိုင်ကပ်နာရီ၊ လက်ပတ်နာရီ ပေါများလာတဲ့ခေတ်မှာလည်း နာရီစင်တွေ ဆောက်ကြဆဲပဲ။ 
အပြ ကောင်းတယ်လေ။ ဒါကြီးကို ငါ ကြီးကြပ်ခဲ့တာ ဆိုပြီး ကြွားလို့ရမယ်။ 
ရံပုံငွေကို ဘုံးတဲ့ ငနာတွေလည်း ရှိမှာပဲ အနည်းနဲ့ အများ။

နာရီကြီးတွေလည်း ကျန်းမာရေး ကောင်းတာ မဟုတ်ဘူး။ ပျက်တတ်တယ်။ 
ပျက်တဲ့ကိစ္စက နာရီစင်ဖြစ်မြောက်ရေးကော်မတီနဲ့ မဆိုင်တော့ဘူး ထင်တယ်။ နာရီတွေက ရပ်နေတာ များတယ်။
ပြင်မရလို့  ရပ်ထားရတာ ဖြစ်နိုင်သလို ပြင်ဖို့ အစီအစဉ် မရှိလို့ ရပ်ထားရတာလည်း ဖြစ်နိုင်။ နာရီပြင်ဆိုင်တွေ မြို့တိုင်းမှာ ရှိပေမယ့် ဧရာမနာရီတွေတော့ ပြင်ဆရာတိုင်း မကိုင်နိုင်ဘူး ထင်ပါတယ်။ အပိုပစ္စည်းလည်း ရှားမယ်။

နာရီစင် ဆောက်ဖို့ အရူးထကြကတည်းက တောင်သူလယ်သမားဂျာနယ်တိုက်က  ဒီလိုနာရီမျိုး တပ်ဖို့ စိတ်ကူးမိရင် ကောင်းမှာပဲ။ ဈေးလည်း မများဘူး။
ပျက်ရင်လည်း ပြင်ဆရာတွေ အစွမ်းပြနိုင်မှာပဲ။

နာရီစင်ဆောက်ဖို့ အရူးထသူများကို ဒီလို နာရီ တပ်ဖို့ လက်တို့ပေးပါး)

အိမ်နီးချင်းပေးတဲ့ ဒေဝါလီ လက်ဆောင်

 




ဒီဇင်ဘာမှာ ခရစ်စမတ်။
နိုဝင်ဘာ ဝန်းကျင် ဆိုရင် ဒေဝါလီ/ဒီပါဝလီ။

ပြီးခဲ့တဲ့ ခရစ်စမတ်မှာ အိမ်နီးချင်း ချင်းကလေးလေးတွေကို ခရစ်စမတ်လက်ဆောင် ပေးဖြစ်တယ်။
ဒီနှစ်လည်း ပေးဖြစ်ဖို့ ကြိုးစားမယ်။

လောလောဆယ်တော့ ဒေဝါလီကာလ။ ကိုယ့်ဘေးအိမ်၊ အပေါ်အိမ် အောက်အိမ်မှာ ဟိန္ဒူ ကလေးလေးတွေ မရှိဘူး။
ဟိုနေ့က ဒေဝါလီလက်ဆောင် ဆိုပြီး အိမ်ကို ရောက်လာတဲ့မုန့်တွေ စားပစ်လိုက်တာ ကောင်းမှကောင်း ဆိုပါစို့။
အောက်ထပ်နားမှာ အသစ်ရောက်လာတဲ့သူက လာပေးတာ တဲ့။ သူတို့က ရုံးခန်းဖွင့်တာ။ အိမ်မဟုတ်။ ဘာလုပ်တဲ့ရုံးမှန်း မသိဘူး။ လိပ်စာကတ်တော့ ပါလာတယ်။ စင်္ကာပူ ဆိုတာတော့ ဖတ်မိလိုက်တယ်။ စင်္ကာပူနဲ့ ချိတ်ဆက်လုပ်တဲ့ရုံး ထင်ပါရဲ့။

အိမ်က သားကြီးက စာကလေးကြော်တော့ နည်းနည်း ယူစားတယ်။ သားငယ်က ယူစားရကောင်းမှန်း မသိသေးဘူး။

ဒေဝါလီက အိန္ဒိယမှာဆိုရင် တကယ့်ပွဲကြီးလို့ ဆိုတယ်။ ဒီကာလမှာ ဟိန္ဒူ၊ ပန်ချာ၊ ဗုဒ္ဓဘာသာဝင်၊ ဂျိန်းဘာသာဝင်တွေရဲ့ မီးထွန်းပွဲတော်တွေ ရှိတယ် တဲ့။ တိုက်တိုက်ဆိုင်ဆိုင်လည်း ဖြစ်နိုင်သလို ယဉ်ကျေးမှု ကော်ပီကူးတာလည်း ဖြစ်နိုင်တယ်။
ပွဲတော်တွေအကြောင်း လိုက်ဖတ်ကြည့်တော့ ငါတို့မြို့ ငါတို့ရွာက စေတီကို ပုဂံဘုရင် xxxx တည်ခဲ့တာဆိုတဲ့ စာတွေကို သတိရတယ်။
မီးထွန်းပွဲ၊ ပျော်ပွဲ ရွှင်ပွဲတွေက ကောင်းပါတယ်။ စစ်ပွဲတွေထက် ငွေကုန် သက်သာတယ်။


ငါတို့တိုက်မှာ အခန်းပေါင်း ၁၆ ခန်း ရှိတယ်။ ဘာသာပေါင်းစုံ ရုံးခန်း လာဖွင့်ကြရင် ကောင်းမယ်။ ယဉ်ကျေးမှုပေါင်းစုံနဲ့ ထိတွေ့ခွင့် ရတာပေါ့လေ။

Aug 4, 2016

အခမဲ့အကြံပြုရတာ မတန်လိုက်တာ


မနေ့က ည ၉းဝဝ ကျော်တော့ စကိုင်းနက်ရုပ်သံ စိုက်ပျိုးရေးလိုင်း ဖွင့်ကြည့်မိတယ်။ ၅ဝ ဝန်းကျင် အမျိုးသမီးက The important of the forest  ဆိုတဲ့ ခေါင်းစဉ်နဲ့ တင်ဆက်တယ်။ ပါဝါပွိုင့်နဲ့။ သူက သစ်တောပြန်လည်ပျိုးထောင်ရေး၊ ပြုန်းတီးမှု လျော့ပါးရေး အကြောင်းတွေ ပြောတယ်။ သူ့တင်ဆက်မှုက အားမာန်ရှိရှိ၊ အားရပါးရ။

သစ်တောပြန်လည်ပြုစုရေးအကြောင်း ပြည်ပအတွေ့အကြုံတွေလည်း ပါတယ်။ သစ်တောဌာနက ခပ်အအမှ မဟုတ်ဘဲ၊ အများကြီး သိနေတာ။ မလုပ်နိုင်သေးတာကတော့ စနစ် အားနည်းချက်ကြောင့် ဖြစ်ဖွယ်ရှိ။
သူ့ရဲ့တင်ဆက်မှု အစပိုင်း လွတ်သွားတယ်။ သူ ဘယ်သူလဲ၊ ဘယ်ကလဲ ဆိုတာ မသိရဘူး။ ခေါင်းစဉ်က အင်္ဂလိပ်လို ဆိုသော်လည်း ပြောတာကတော့ မြန်မာလို။

အစီအစဉ်သာ ပြီးသွားတယ်… သူ့နာမည်၊ ရာထူးတို့ကို စာတန်း မထိုး။ နောက်ဆုံးတက်လာတဲ့ စာတန်းတွေမှာ ကင်မရာကိုင်သူနာမည်တို့ ဘာတို့တော့ ပါတာပေါ့လေ။

ပရိသတ် ဘာသိချင်လဲ သူတို့ သောက်ဂရုစိုက်ပုံ မရ သို့မဟုတ် ဂရုစိုက်ရမှန်း နားလည်ပုံ မရတာကတော့ ဝမ်းနည်းစရာ။ ပြိုင်ဘက်မရှိတော့လည်း တော်ရိလျော်ရိသာသာ လုပ်နေရလား မသိ။
နာရီဝက်ဝန်းကျင်ကြာတဲ့ ဒီလိုတင်ဆက်မှုမျိုးဆိုရင်   ပါဝင်ဆွေးနွေး ဟောပြောသူရဲ့ အမည်ကို မကြာခဏဆိုသလို စာတန်းထိုးပြရမယ် ဆိုတာ ရုပ်သံမီဒီယာသင်တန်းရဲ့ ပထမနေ့လောက်မှာ သင်ယူကြရမယ် ထင်ပါတယ်။ ရုပ်သံကြည့်ပရိသတ်ဆိုတာ မှတ်သားနိုင်စွမ်း အကန့်အသတ်ရှိမယ်၊ အစအဆုံး ကြည့်ချင်မှ ကြည့်မယ်လေ။

စာတမ်းရှင်/တင်ဆက်သူနဲ့ နောက်တကြိမ် မိတ်ဆက်မပေးတာဟာ စကိုင်းနက်က အချိန်မရတာကြောင့် မဟုတ်ပါဘူး။ အချိန်တွေ ပေါလွန်းလို့ တင်ဆက်မှု အစအဆုံး လွှင့်ပေးနေတာ။ မကြာခင်မှာ ဒါကို အကြိမ်ကြိမ် ထပ်လွှင့်အုံးမှာပဲ။


အခမဲ့အကြံပြုရတာ မတန်လိုက်တာ။   ။

Jul 20, 2016

Prisma သုံးပြီးကြပြီလား


ဓာတ်ပုံကနေ ပန်းချီကားပုံအမျိုးမျိုး ပြောင်းလဲနိုင်တဲ့ အက်ပ် တခု ဖြစ်တဲ့ Prisma ကို အကြီးအကျယ် လူကြိုက်များနေပါတယ်။
ဒါကြောင့် The Ladies ဂျာနယ် အယ်ဒီတာ ဆောင်းဖြူ ရိုက်ကူးပေးပို့တဲ့ ခပ်လန်းလန်းပုံကို ပုံပြောင်းပစ်လိုက်တယ်။
ကွန်ပြူတာထဲ အသင့်ရှိတဲ့ ACDSee 17 ကို သုံးပြီး ပြောင်းတာပါ။ ဘယ်လိုလဲ...ပိုကြည့်ကောင်းသွားသလား၊ ပိုပြီး ရယ်စရာဖြစ်သွားသလား။

တခြားသူတွေလုပ်တိုင်း လိုက်လုပ်မနေနဲ့လို့ အပြစ်မတင်စေချင်ဘူး။ ကမ္ဘာတလွှား လူကြိုက်များနေတော့ ကိုယ်လည်း လိုက်ပါစီးဆင်းကြည့်ခြင်းပါ။ ကိုယ့်လို လိုက်ပါ စီးဆင်းသူတွေ နေ့စဉ် တသန်းကျော် တိုးလာ ဆိုပဲ။ သတင်းတွေမှာ ရေးထားတာ။

ဂျပန်မှာ ဖြန့်ဖို့ပြင်၊ ကနေဒါမှာ ပြီးခဲ့တဲ့ရက်ပိုင်းအတွင်း ဖြန့်လိုက်တဲ့ Pokemon Go  ကို သဲသဲလှုပ်ဖြစ်နေကြချိန်မှာပဲ ဒီနည်းပညာကို လူကြိုက်များနေတာပါ။ လိုင်းလည်း မတူဘူးလေ။
(ဒီနေ့ မနက်ဖြန် ဂျပန်မှာ ဖြန့်ဖို့ ပြင်နေ ဆိုပေမဲ့ ရက်ရွှေ့မယ်လို့ သတင်းတပုဒ်မှာ ဖတ်လိုက်ရပြန်တယ်။)

ဓာတ်ပုံအထူးပြုလုပ်ချက်တွေက  Instagram ထက် ပိုပြီး စွမ်းဆောင်ချက်ကောင်း၊ သုံးရလွယ်သလိုမျိုး  သတင်းတွေမှာ ရေးထားတယ်။ အကြံတူ နောက်လူသာစမြဲ ဆိုရမလား။

ဘယ်လို ပန်းချီပုံပြောင်းမလဲဆိုတာ ရွေးချယ်ဖို့ ၃၃ မျိုး ရှိတယ် ( ပုံတပုံတည်းကိုပဲ မတူညီတဲ့ဟန် ၃၃ မျိုး လုပ်နိုင်တယ်) ဆိုပဲ။ ကြိုက်ချင်စရာပေါ့။

ပန်းချီဆရာတွေ အချိန်အကြာကြီးလုပ်ရတဲ့အလုပ်ကို ဖုန်းထဲမှာ ခလုတ်လေး ပွတ်ရုံနဲ့ စက္ကန့်ပိုင်းအတွင်း ပြီးစီးတာမျိုးက စမတ်ဖုန်းနဲ့ အထာကျနေသူအကြိုက် ဆိုပါစို့။
လျှပ်တပြက်အတွင်းဖန်တီးခြင်းအလုပ်ကို စမတ်ဖုန်းသမားတွေကြိုက်ကြတာလည်း အပြစ်မဆိုသာဘူး။ မကြိုက်ဘူးဆိုမှသာ အနုပညာအမြင်ခေါင်းပါးလွန်းသူအဖြစ် သတ်မှတ်သင့်တာ။

အနုပညာပါတဲ့ နည်းနာတွေကို နှစ်သက်ခြင်းဟာ ကြိုဆိုချင်စရာ မဟုတ်ဘူးလား။

အိုင်ဖုန်းသမားတွေပဲ လက်ဆော့နိုင်တဲ့ ဒီနည်းနာက တခြားစမတ်ဖုန်းတွေမှာ ထည့်သုံးလို့ မရသေးဘူး တဲ့။
အကောင်းဘက်က တွေးကြည့်ရင်တော့ ... အချိန်ကုန် သက်သာတာပေါ့ကွား)