ဒီနေ့ မြန်မာ့အလင်း (လား ကြေးမုံလား မသိ၊ မေ့ပြီ) သတင်းစာမှာ ပါတဲ့သတင်းဗျာ။ ကော်ပီကူးထားတာ မနက်ကတည်းက ဆိုတော့။
ယောဂီမယ်တော်ကြီးဘွားအိမ်ပြည့်၏
(၁ဝ၅)နှစ်မြောက် မွေးနေ့မင်္ဂလာကျင်းပ
ရန်ကုန် ဒီဇင်ဘာ ၁
မန္တလေးတိုင်း မြင်းခြံခရိုင် တောင်သာမြို့နယ် ဝဲလောင်ကျောက္ကာကျေးရွာ ဇာတိ ဘွားအိမ်ပြည့်၏ (၁ဝ၅)နှစ်မြောက် မေွး နေ့မဂင်္လာအခမ်း အနားကို ယနေ့ နနံ က် ၉နာရီတွင် ရန်ကုန်မြို့ ရန်ကင်းမြို့နယ် ကျောက်ကုန်းကျောင်းကြီး ပရိယတ္တိစာသင်တိုက်၌ ကျင်းပရာ မွေးနေ့အထိမ်းအမှတ် အလှူအဖြစ် ကျေးရွာခြောက်ရွာကို အိမ်ထောင်စုတစ်စုလျှင် ဆန် တစ်အိတ်နှုန်း ဖြင့် ကျောက္ကာကျေးရွာ အတွက် ၁၈၉ အိတ၊် တောင်ကုန်း ကျေးရွာ အတွက် ၅၅အိတ်၊ ထန်းတောကြီး ကျေးရွာအတွက် ၆၄အိတ်၊ အောင်ချမ်းသာကျေးရွာအတွက် ၅၆အိတ်၊မြို့ ဘကျေးရွာ အတကွ် ၄၉၃အိတ်၊ကံအေးကျေးရွာ အတွက် ၁၁ အိတ်ဖြင့် ငွေကျပ်၁၂၁ သိန်းကျော်တန်ဖိုးရှိ ဆန်အိတ် ၈၆၈ အိတ်ကို ပေးအပ်လှူဒါန်းပြီး သံဃာတော်များအား လှူဖွယ်ဝတ္ထုပစ္စည်းများ ဆက်ကပ်လှူဒါန်းကြောင်း သိရသည်။
(သတင်းစဉ်) သတင်းလေးကတော့ ဒါပါပဲ။
ပြောစရာ ၂ ခုတွေ့တယ်း)
အိမ်ထောင်စု တစုလျှင် ဆန်တအိတ်နှုန်း ဆိုတော့
၁။ ဘွားဘွားက တအိမ် တအိတ်နှုန်း ဝေတာလား
၂။ ဘွားဘွားကို ပေးကြတာလား
၃။ ဘုန်းကြီးကျောင်းကို လှူကြတာလား
၎။ အိမ်အရေအတွက်အလိုက် ဘွားဘွားက ဘုန်းကြီးကျောင်းကို လှူတာလား ဆိုတဲ့ မေးခွန်းတွေ ပေါ်လာတယ်။
အလုပ်ထဲမှာ ဖတ်ကြည့်ရင်း မေးမိတာပါ။ အိမ်ပြန်ရောက်တော့ ထပ်ဖတ်ကြည့်မှ ဘွားဘွားက လှူတာဖြစ်နေတယ်။ ဝါကျက အရှည်ကြီး ရေးထားတာဆိုတော့ တခေါက်ဖတ်ရုံနဲ့ သဘောမပေါက်ဘူး။ ဝါကျရှည်ရှည်တွေ သိပ်ခေတ်စားတာပဲ။ သတင်းတပုဒ်လုံးကို ဝါကျတကြောင်းတည်းမှာ ပြွတ်သိပ်ပြီး ရေးတာနော်း(
ဝါကျတကြောင်းစာနယ်ဇင်းပညာ one sentence journalism ဆိုတာ ရှိတယ် ထင်ပါရဲ့။ ရှိတယ်ဆိုရင်တော့ အဲဒီအရေးအသားကို သပွတ်အူရေးနည်းလို့ နာမည်ပေးရမယ်း)
နောက်ထပ် တွေးမိတာ တခုက ဘွားဘွားရဲ့ အသက်။ အသက် အဲသလောက်ရှည်အောင် ဘာတွေ စားသလဲ၊ မစားဘူးလဲ မသိ။ ရန်ကင်းက ဘုန်းကြီးကျောင်းမှာ မွေးနေ့လုပ်တယ် ဆိုတော့ သူက ရန်ကုန်မှာ နေပုံရတယ်။ အသက်ကြီးသူတွေက ဇာတိမြေကို ချစ်ပုံရတယ်၊ အလှူလုပ်တာတောင် အရင် နေခဲ့တဲ့နေရာကို ရွေးပြီး လှူတယ်။
ဒါပါပဲ။ ရေးချင်တာက ဒီလောက်ပါပဲ။ သိပ်လည်း အရှည်ကြီး မရေးချင်ဘူး။ တမျက်နှာကျော်ရင် မဖတ်မှာစိုးလို့။ ။
Read
More...
Summary
only...
ဗိုက်နှိပ်ပြီး ရယ်နေတဲ့ တင်မိုးလွင်။
၂ဝဝ၉ စက်တင်ဘာလထုတ် people magazine မှာ သူပြောတဲ့စကားတွေ သဘောကျစရာ ကောင်းလို့ ကော်ပီကူးပေးလိုက်ပါတယ်း)
စကားတွေ အများကြီး ပြောရတဲ့သူမို့ အများကြီး မှားတာပေါ့ တဲ့။
သူ့အလုပ်က အခမ်းအနားမှူး။
ဒေါက်ဖိနပ်စီး၊ ပုဝါခြုံရတာ စတိုင် ကျပေမယ့် တခါတလေ ဟန်မကျပုံကို ပြောပြထားတယ်။ သနားစရာ ဟားစရာပေါ့။
အခမ်းအနားတွေ ဆိုတာ ပျင်းစရာ ကောင်းတတ်တော့ ရယ်စရာလေးတွေ ဖြစ်သွားတာ မဆိုးပါဘူး။ အမှားတချို့ကြောင့် အပျင်းပြေကြ၊ စိုစိုပြေပြေ ဖြစ်သွားကြမှာပေါ့။
တခါတလေတော့လည်း တပါးသူ စိတ်ပျက်စရာ အမှားမျိုး ဖြစ်ခဲ့ဖူးတယ်လို့  ဆိုပါတယ်။
စကားများများပြော၊ အသံထွက်ပြီး များများ ဖတ်ရတဲ့ ရေဒီယိုသမားတွေရဲ့ အမှားတချို့ လည်း ကြားရမှာပေါ့း) တိုက်ရိုက်လွှင့်ရတာဆိုတော့ သူတို့ က ပြန်ပြင်လို့ မရတော့ဘူး။
ရေဒီယို အစီအစဉ်တခုမှာ အဲဒီ အသံလွှင့်ဌာနရဲ့ ဌာနမှူးနဲ့ ကျောင်းသား ခေါင်းဆောင်တယောက်ရဲ့ အင်တာဗျူး လွှင့်တယ်။ အင်တာဗျူး လွှင့်နေတုန်း အသံက ရုတ်တရက် ရပ်သွားတယ်။ လူတယောက်က စက်ပိတ်လိုက်လို့ ရပ်သွားတာ ဖြစ်နိုင်သလို စက်က တစုံတခု ချို့ယွင်းတာလည်း ဖြစ်နိုင်တယ်။
အသံလွှင့်တဲ့သူက တောင်းပန်စကားပြောပါတယ်၊ မှားသွားပါတယ်၊ စက်ကြောင့် မှားတယ် ပေါ့း) စက်ကို အပြစ်ပုံချလိုက်တာပဲ။ ဟုတ်လား မဟုတ်လားတော့ ပရိသတ် မသိနိုင်ဘူး။ စက်ကလည်း သက်မဲ့သတ္တဝါ ဆိုတော့ စောဒက မတက်နိုင်တော့ဘူး။
လိုရင်းပြောရရင် ရေဒီယိုသမားက ဘယ်လို တောင်းပန်သလဲဆိုတော့ စိတ်ပိုင်းဆိုင်ရာ ချို့ယွင်းချက်ကြောင့် မှားသွားတယ် တဲ့း)
မှားလို့ တောင်းပန်ကာမှ ထပ်မှားသွားရတယ်လို့း) ဘယ်သူ့ရဲ့ စိတ်ပိုင်းဆိုင်ရာ ချို့ယွင်းသွားသလဲ ဆိုတာတော့ ထည့်မပြောသွားပါဘူး)
ပရိသတ်ကတော့ ဒါမျိုးတွေကို ကြိုက်မှာပါ။ ရေဒီယိုသမား မှားတော့ နားထောင်သူတွေ ပြုံးရ ပြုံးကြတာပေါ့။
တခါတလေ မှားတာ ကောင်းပါတယ်။ လူတွေကို ပြုံးရယ်အောင် လုပ်ရတာ လွယ်တာမှ မဟုတ်း)
ကျနော်က ရေဒီယိုသမား မဟုတ်တော့ ပရိသတ် ပြုံးအောင် မလုပ်နိုင်ဘူး(
ကျနော်တို့ ရေးတာတွေမှာ အမှားအယွင်း တခုခု ပါသွားလို့ ရယ်ပွဲဖွဲ့ကြတာတွေ ရှိမယ် ဆိုရင်တော့ ဝမ်းသာစရာပေါ့။
Read
More...
Summary
only...
ကမ္ဘာမပျက်ခင် ကာတွန်းတွေ ဖတ်ဗျို့း) ကမ္ဘာပျက်ပြီးရင်လည်း ဖတ်ပါး)
ရယ်စရာအနံ့တခုခု ရတယ်နော် - - - - ဟေ့ကောင်။
ကဲ - နောက်တပုဒ် ဘာသာပြန်ရအောင်။
"ဒေါက်တာ - - - ၊ ကျနော် ရယ်စရာ ကောင်းတယ်လို့ ခံစားရတယ်""အင်း - - - ငါထင်တာတော့ မင်းက ပြောင်ချော်ချော် ဖြစ်နေတာပါကွာ"
ဘာသာပြန်တာတော့ စင်းလုံးချော မဟုတ်ဘူး။ တမင် မကြိုးစားတာပါ။ ကောင်းနေရင် ခိုင်းနေမှာ စိုးရိမ်ရတယ်း) ကာတွန်းဆရာက နည်းနည်းတော့ ပိုသွားတယ်။ လူရွှင်တော်ရဲ့ စကားနဲ့တင်ကို ဒီကာတွန်းက သိပ်လန်းနေဘီ။
ဒီကာတွန်း၂ခု သိမ်းထားတာ ကြာပြီ။ ခုမှ တင်ဖြစ်တယ်။ ကာတွန်းတွေ ဖတ်အားပါဘူး။ တကယ်တော့ ကာတွန်းတွေက လက်တကမ်းမှာ အမြဲ ရှိနေတာ။ သတင်းစာ ဖွင့်ရင် တွေ့တယ်၊ အင်တာနက်ထဲမှာလည်း တောင်ပုံယာပုံ။
ကာတွန်းဆရာတွေရဲ့ အနံ့အသက်ကလည်း ရယ်စရာ ဖြစ်မယ် ထင်တယ်း)
Read
More...
Summary
only...
(paa daa yaa က သိပ်ခေတ်မီတာပဲ၊ ကမ္ဘာပျက်တော့မယ်လို့  ပြောတယ်၊ Tag တယ်။ ဒီ Tag ကို လက်ခံ ရေးသားတယ် ဆိုကတည်းက ကမ္ဘာ ပျက်တော့မယ် ဆိုတာကို ကျနော် ယုံတယ်ဆိုတဲ့သဘော ပေါ့ဗျာ။ ဘယ်သူ့ကိုမှ ဆက်ပြီး မ tag တော့ပါဘူး။ တော်ကြာ ကမ္ဘာပျက်မယ့်အကြောင်း သတင်းရသွားပြီး စိတ်ညစ်နေလိမ့်မယ်။)
"ကမ္ဘာပျက်ခါနီး တစ်လလောက်အလို" ဆိုပါတော့... တဲ့။
(၁)။ ဘယ်သူတွေနဲ့ရှိနေချင်လဲ..
ဘုရားသခင်တွေနဲ့ အတူ ရှိရင် ကောင်းမယ်။ သူတို့ ကျနော့်ကို ကူညီနိုင်မယ် ထင်တယ်။
(၂)။ဘာတွေခံစားနေရမလဲ..
ကမ္ဘာသူ ကမ္ဘာသားတွေကို သနားမယ်။ ကိုယ်ချင်းစာမယ်။
(၃)။ ဘာတွေပြင်ဆင်ထားမလဲ..
ဘုရားသခင်တွေနဲ့ စကားပြောနည်း သင်မယ်။ ချက်နည်းပြုတ်နည်း နည်းနည်းပါးပါး ရတဲ့၊ စိတ်ရှည်သည်းခံတဲ့၊ သီချင်းဆိုဝါသနာပါတဲ့၊ နည်းနည်း ကတတ်တဲ့၊ သဘောထားကြီးပေမယ့် တခါတရံ စိတ်ကောက်တတ်တဲ့၊ ရယ်စရာ ပြောတတ်တဲ့ မော်ဒယ်ဂဲတချို့ကိုလည်း ဘုရားသခင်တွေနဲ့ စကားပြောနည်း သင်ဖို့ တိုက်တွန်းမယ်။
(၄)။ ၀မ်းနည်းမိမှာက
ကမ္ဘာပျက်လို့ကတော့ လူကြိုက်များ လူဖတ်များတဲ့ ZarnyWin.blogspot.com လည်း ပလုံပြီပေါ့၊ ၀မ်းနည်းစရာ။
(၅)။ ကြောက်လန့်မိတာက..
ဒုက္ခပါပဲ၊ ငါက ဘာသာရေး မကိုင်းရှိုင်းတော့ ဘုရားသခင်တွေ ငါ့ကို ကူညီပါ့မလား။ အင်း - ကူကြမှာပါလေ၊ ကူကြမှာပေါ့ သူတို့က ဘုရားသခင်တွေပဲ။
(၆)။ ဆောင်ထားချင်တာ..
ဘုရားသခင်တွေကို လာဘ်ထိုးဖို့ အဲ - လက်ဆောင်ပေးဖို့ ပစ္စည်းတချို့။
(၇)။ ဘာတွေရေးမိမလဲ..
ရှေ့လထဲမှာ အကုန် ပြန်ဆပ်မယ်၊ စိတ်ချပါလို့ အကြွေးရှင်တွေဆီ စာရေးလိုက်မယ်။
(ဂ)။ တွေးမိတွေးရာ အတွေး
ဘုရားသခင်တွေ ကျနော့်ကို ကယ်ချင်မှ ကယ်လိမ့်မယ်၊ ဒါပေမယ့် နတ်ပြည် နဲ့ ငရဲပြည် ကြိုက်ရာသွားဆိုရင် ငရဲပြည်သွားတာ ပိုကောင်းမယ်။ နတ်ပြည်မှာဆိုရင် နတ်သမီး တဖက် ၅၀၀ နဲ့ နေရမယ် တဲ့။ ဒီအင်အားနဲ့ဆို ကျုပ် သေရချည်ရဲ့။
(၉)။ ဂုဏ်ယူချင်တာက
စာဖတ်သူတွေနှစ်သက်တဲ့ ပေါက်ကရတွေကို ရေးဖြစ်ခဲ့တာ ဂုဏ်ယူစရာတွေထဲက တခုပေါ့။
(၁၀)။ ရှာကြံဖြေသိမ့်မိတာက
ငါတို့ လူသားတွေဖျက်လို့ ကမ္ဘာကြီးက ပျက်ခါနီးနေပြီ။ ဟူး - တော်ပါသေးရဲ့ - - ၊ တော်ပါသေးရဲ့၊ ကမ္ဘာကြီးက သူ့ကိုယ်သူ သတ်သေတော့မယ်တဲ့။
(၁၁)။ ကျူးရင့်ချင်တဲ့ ဥဒါန်း
မာနကြီးတဲ့သူမဟုတ်လို့  ဥဒါန်းတွေ ကျူးမနေတော့ဘူး၊ ဘာသာပေါင်းစုံနဲ့ ဘုရားကန်တော့တာမျိုးကိုတော့ အသံကျယ်ကျယ်နဲ့ နေ့တိုင်း လုပ်မယ်။ အသံကျယ်ဖို့တော့လိုတယ် ဒါမှ ဘုရားသခင်တွေက ကျနော့်အသံကို ကြားမယ်။ အသံချဲ့စက်တော့ မသုံးချင်။ အဲဒီလောက်အထိ နားလေးကြမယ် မထင်ပါဘူး။ အသံကျယ်ကျယ်နဲ့ သို့ကလို တလလုံး လုပ်လိုက်ရင် ကိုယ့်ကို အထာထားမှာပဲ။ ဇာနည်ဝင်းက မဆိုးပါဘူးလို့ သူတို့အားလုံး ထင်သွားအောင် လုပ်ရမယ်း)
Read
More...
Summary
only...
ကဗျာဆရာ၊ ဘလော်ဂါ၊ ဆူရှီကျွမ်းကျင်သူ၊ အာနိုးရွှာဇာနက်ဂါ အုပ်ချုပ်တဲ့ပြည်နယ်မှာနေသူ မစ္စတာ အောင်သာငယ်က မေးခွန်းတွေ ထပ်ပို့ထားလို့ ၀မ်းသာအားရ ဖြေဖို့ ကြည့်လိုက်တော့ သူပြောသလိုပဲ မလွယ်ဘူးဆိုတာ တွေ့ရတယ်။ Z နဲ့ အစပြုတဲ့ စကားလုံးတွေက ရှားလို့ပါ၊ ကိုယ့်အင်္ဂလိပ်ကတော့ ကောင်းပါရဲ့း)
Rules: It's harder than it looks! Copy to your own note, erase my answers, enter yours. Use the first letter of your name to answer each of the following questions.
1. What is your name : ZarNy Win
2. A four Letter Word : Zar's (ကျွန်ုပ်၏)
3. A boy's Name : Zee Dee (လူရွှင်တော်ဇီးသီး)
4. A girl's Name : တခုမက ပေးလိုက်မယ် - လာလေ့ - - ၊ Zin Zin Zaw Myint, Zin Zin, Zin Mar, Zin Mar Myo, Zin Mar Aung,
5. An occupation : ZARNY WIN Beer, Wine and Whisky factory owner (အရက်ချက်စက်ရုံပိုင်ရှင်)
6. A color : Zarny Win (အဘိဓာန်မှာ Z နဲ့ စတဲ့ အရောင် မတွေ့ဘူး။ အခု ပေးလိုက်တဲ့အရောင်ကို ခပ်မိုက်မိုက်အရောင်လို့ ဘာသာပြန်ကြပါ။)
7. Something you'll wear : zippered pant (ကြယ်သီးတွေနဲ့ဆို အလုပ်ပိုရှုပ်မယ်။)
8. A food : Zee Dee (စားလို့ရတဲ့ဇီးသီး)
9. Something found in the bathroom : Zarny Win (မှန်ထဲမှာ တွေ့လိုက်တာ)
10. A place : Zayap
11. A reason for being late : Zawgyi-One နဲ့ ဏ္ဏ ရိုက်နည်းကို ဂျီတော့ကနေ မေးနေကြလို့
12. Something you'd shout :
13. A movie title : Zarny Win and Thet Mon Myint (ဒီကား ရိုက်မယ်။ ကိုယ်တိုင် သရုပ်ဆောင်မယ်)
14. Something you drink : Zoe (ဇိုးသမားဆိုတာ အရက်သမားကို ပြောတာလား မသိဘူး။ ဒီတော့ - - )
15. A musical group : Zine Wine (ဆိုင်းဝိုင်းဟု အသံထွက်ပါ)
16. An animal : Zarny Win
17. A street name : Ziz Zaz
18. A type of car : Zide Car (ဆိုက်ကားဟု အသံထွက်ပါ)
19. The title of a song : "Zoo is a resident for Aung Tha Nge's relatives"
(ဒီသီချင်းကို C key နဲ့ တီးရမယ်နော်း)
20. A verb : Zee (ကျေးဇူးရှင်တွေ ကိုယ်ဝန်ရှိတာကို ပြောတာ။ သိတယ်မဟုတ်လား ကျွဲတွေ နွားတွေ ဇီးရှိတယ် ဇီးကပ်တယ် ဆိုရင် ဗိုက်က တဖြည်းဖြည်း ကြီးလာတာပဲး)
Read
More...
Summary
only...
ပန်းချီကားထဲက လူတယောက်ထွက်ပြီး ဆေးလိပ်သောက် အနားယူနေတဲ့ပုံလို့ ယူဆရပါတယ်။ ပန်းချီအကြောင်း မသိ (မသိ) တဲ့အတွက် အတိအကျတော့ မပြောနိုင်ပါ။ ယူဆရကြောင်းလို့သာ ပြောနိုင်ပါမယ်။
ပန်းချီကားတွေ ပိုစတာတွေထဲကလူတွေဟာ ဒီလိုပဲလုပ်တတ်ကြသလား။ ဒီလိုဖြစ်ရပ်မျိုး ရှိအောင်လို့ တတ်စွမ်းနိုင်တဲ့ ပညာမျိုး ရှိသလား ပြောကြပါဦး။ ရှိရင်တော့ သင်ဇာဝင့်ကျော်၊ မိုးဟေကို၊ စန္ဒီမြင့်လွင်၊ ပပ၀င်းခင်၊ သက်မွန်မြင့် စသဖြင့်တို့ရဲ့ ပုံကြီးကြီးတွေ အိမ်မှာ ကပ်ထားဦးမှပဲ။ သူတို့အားလုံးလည်း တပြိုက်နက် အသက်မ၀င်စေဖို့တော့ လိုမယ်။
အဲ - အိမ်မှာ ကပ်ထားလို့လည်း မဖြစ်သေးဘူး။ ကျနော့်မဟေသီ ရှိတယ်။ အင်း - အလုပ်ထဲမှာ ကပ်ထားလို့လည်း မဖြစ်ဘူး။ အလုပ်ထဲမှာဆို စိတ်မချရဘူး။ အလုပ်ထဲက သတင်းထောက် လူပျိုကြီး လူပျိုလေးတွေ ရှိနေတယ်။
အင်း - ဘယ်မှာ ထားရပါ့။ ကားထဲ ထားရအောင် ကားလည်း မရှိဘူး။ သွားလေရာ ကိုင်သွားလို့လည်း မဖြစ်။
စဉ်းစားရ ခက်လိုက်တာ။ အဆင်မပြေတာတွေ သိပ်များတာပဲး)
Read
More...
Summary
only...
ို(ပြီးခဲ့တဲ့ မတ်လ ချင်းမိုင်မြို့က ထမင်းဆိုင်တဆိုင်မှာ သွားစားတုန်းက ကြုံခဲ့တဲ့ အဖြစ်အပျက်တခုကို http://www.crazyvilla.co.cc မှာ တင်ခဲ့ဖူးတယ်။ မဖတ်ရသေးသူတွေ ဖတ်ချင်မလားဆိုပြီး ထပ်တင်လိုက်ပါတယ်။ နောက်လတွေမှ ကြုံရင် ကြုံသလို ပြန်လည်တူးဆွပါဦးမယ်။
အဲဒီဘလော့ဂ်ကို ရောက်ဖူးပြီးမှ ဒီစာကို ဖတ်သင့်ပါတယ်း)
ဝန်ကြီးချုပ်ထံမှ ဥပဒေ မူကြမ်း
ပုံတွင် တွေ့ရသည်မှာ နာယကကြီး ပါဝင်သော ညစာစားပွဲ အခင်းအကျင်းဖြစ်သည်။ တမတ်စေ့ ပုံစံ ပန်းကန်ပြားထဲမှ ဟင်းလျာမှာ ကြက်ရိုးများကို ကြော်ထားခြင်းဖြစ်သည်။ ဆယ်ပြားစေ့ပုံစံ ပန်းကန်မှာ ဟင်းရည်ပန်းကန် ဖြစ်ပေတော့သည်။ သို့သော် ဤဘလော့ဂ်သည် လုလု၏ မီးဖိုဆောင်ရပ်ဝန်း မဟုတ်သေးသေးတင် မဟုတ် သဖြင့် အစားအသောက်အကြောင်းကို ဇာမချဲ့လိုပြီ။ ဇာချဲ့လိုသော အကြောင်းအရာမှာ တမတ်စေ့ပန်းကန်ဘေးမှ စက္ကူဖြတ်ပိုင်း ဖြစ်တော့သည်။
တညတ၌ ဆိုင်တဆိုင်တွင် နာယကကြီး နှင့် ကျွန်ုပ် ၀န်ကြီးချုပ်တို့ အပါအ၀င် လေးဦးသား ယင်းသို့ စားသောက် သုံးဆောင်ပြီးကြသောအခါ ဘောက်ချာ ရောက်လာသည်။ ဘောက်ချာ ဟူသည်မှာ ချက် Check သို့မဟုတ် Bill ဟု ခေါ်သော စာရွက်ဖြစ်သည်။ ယိုးဒယားတို့က Check Bill ဟု ခေါ်သည်။
အဆိုပါ Check Bill ဘောက်ချာတွင် ကျသင့်ငွေကို ထင်ထင်ရှားရှား ရေးထားသည်ကို ကျွန်ုပ်တို့ တ၀ိုင်းလုံး တွေ့လိုက်ရသည်။ တခြားသူများက ထူးထွေတည့်အံ့ရာသော် ဖြစ်ဟန်မတူ။ ကျွန်ုပ်ကမူ ၀န်ကြီးချုပ်တို့၏ ရာဇအိနြေ္ဒ ဟူသည်ကိုပင် ထိန်းသိမ်းခြင်းငှာ မစွမ်းသာဘဲ အံ့သြဘနန်းဖြစ်ကာ ကင်မရာကိုပင် ထုတ်ပြီး အထက်ပါအတိုင်း မှတ်တမ်း တင်လိုက်မိခဲ့သည်။
Check Bill ဘောက်ချာပေါ်တွင် အနှီသို့ ခပ်ကြီးကြီး ရေးရခြင်းမှာ ဤဆိုင်က စားသုံးသူတို့၏ သဘောသဘာဝ ၂ မျိုး ကို သဘောပေါက် နားလည်သောကြောင့် ဖြစ်လိမ့်မည်။ စိတ်ထဲမှ ကြိတ်ပြီး အဆိုပါဆိုင်ကို Restaurant of the Month ဆု ပေးလိုက်မိသည်။ သူတို့ သဘောပေါက်သည့် အချက်များမှာ အောက်ပါအတိုင်းဖြစ်သည်-
သဘာဝ ၁။ စားသောက်ပြီးချိန်တွင် တချို့က ယမကာ တန်ခိုးကြောင့် အမြင် မှုန်ဝါးမှု
သဘာဝ ၂။ စုပေါင်းစား စုပေါင်းရှင်းသည့် အနောက်တိုင်းမှ အကျင့်များ ကူးစက်မှု
ဟုတ်သည်။ စားသောက်ဆိုင်များတွင် အထက်ပါအတိုင်း သဘာဝ ၂ ခုရှိသည်။ ထို့ကြောင့် ကျသင့်ငွေကို ဘောက်ချာဖြတ်ပိုင်းပေါ်တွင် ခပ်ကြီးကြီး ဖော်ပြ ရေးသားလိုက်ခြင်းဖြစ်နိုင်သည်။ ရလဒ်အားဖြင့် ယမကာ လုလင်များလည်း မျက်လုံးတွင် အတွင်းအားထည့်ပြီး ကြည့်ရန် မလိုတော့ပေ။ စုပေါင်းရှင်းမည့်သူများလည်း ဘောက်ချာစာရွက်ကို ယူကြည့်ရန် မလိုအပ် (မလိုအပ်) တော့ပေ။ ထိုင်ရာမထဘဲ ကျသင့်ငွေကို အရပ်လေးမျက်နှာမှ မြင်နိုင် သိနိုင်သည်။ ကောင်းလေစွ။
နိဂုံးချုပ်ပါမည်။ ဥပဒေ ဟူသည်များကို ၀န်ကြီးချုပ်ကဲ့သို့သော တာဝန်ရှိသူများက ထုတ်ပြန်တတ်သည်။
ကျွန်ုပ် ၀န်ကြီးချုပ်ကလည်း ဥပဒေ တခု ထုတ်ရမည် ဆိုလျှင် “အဟမ်း - အဟမ်း - - - ယနေ့မှစ၍ စားသောက်ဆိုင်များတွင် စားသုံးသူများအတွက် ကျသင့်ငွေကို ရေးသားဖော်ပြသည့်အခါ စာလုံးအရွယ်အစား ၁၅၀ (font size 150) ရှိစေရမည်။ ဤဥပဒေသည် စားသောက်ဆိုင်များအားလုံးတွင် အာဏာတည်စေရမည်” ဟု ထုတ်ပြန်လျှင် ကောင်းပေမည်ဟု ယူဆသည်။ ဂေဟာမှ ၀န်ကြီးများနှင့် အုပ်ချုပ်ရေးအဖွဲ့သားများ ဤဥပဒေ မူကြမ်းကို မည်သို့ သဘောရပါသနည်း။ အသေးစိတ် ဆွေးနွေးလိုပါက ပိုက်ဆံ ပိုပိုမိုမို ယူဆောင်ပြီး အနှီဆိုင်သို့ ကြွခဲ့ပါရန်။
( မှတ်ချက် - ဆိုင်သို့ သွားရောက်ပြီး ညစာ သုံးဆောင်သော နေ့မှာ သမ္မတဟောင်းဘုရ်ှကို ဖိနပ်စာကျွေးသူ သတင်းစာဆရာ ထောင် ၃ နှစ်ချခံရပြီး နောက်တနေ့ဖြစ်သည်။ အချိန်မှာ ညီအစ်ကို မသိတော့သည့်အချိန် ဖြစ်သည်။)
Read
More...
Summary
only...
(Tuesday, January 27, 2009 ရက်နေ့က http://www.crazyvilla.co.cc မှာ တင်ခဲ့တဲ့စာဗျာ။ အခု ဦးသိန်းစိန်က နယူးယောက်သွားမယ်ဆိုတာ ကြားတော့ နည်းနည်းတိုက်ဆိုင်တာနဲ့ ကော်ပီကူးပြီး ဒီမှာ တင်လိုက်တာ။ ကျနော်က အဲဒီ ဘလော့ဂ်မှာ ၀န်ကြီးချုပ် အဖြစ် PM အဖြစ် တင်မြှောက်ခံရပြီး မကြာခင် ဒီစာကို ရေးလိုက်တာပါ။ အဲဒီဘလော့ဂ် ရောက်ဖူးတယ် မဟုတ်လား ၀န်ကြီးပေါင်းစုံကို တွေ့ရမယ်။
အဲဒီဘလော့ဂ်ကို ရောက်ဖူးပြီးမှ ဒီစာကို ဖတ်သင့်ပါတယ်း)
နာမည်ပြောင်းခြင်း
အခန်း (၁)
ဝန်ကြီးချုပ်ကို အင်္ဂလိပ်တို့က PM ဟုခေါ်ကြသည်။
အခန်း (၂)
မြန်မာတို့ကား ၀န်ကြီးချုပ်ကို သိန်းစိန်ဟု ခေါ်လေသည်။
နောက်ဆုံးရ သတင်းမှာ ၀န်ကြီးချုပ်၏ တန်ဘိုး ပိုမိုတက်စေရန် သန်းစိန်ဟု အမည်ပြောင်းတော့မည်ဟူ၏။
ဤသတင်း မမှားပါက မကြာမီ ကြေးမုံသတင်းစာတွင် အောက်ပါအတိုင်း ကြော်ငြာတခု ပါလာဖွယ် ရှိသည်။
အမည်ပြောင်းခြင်း
ဦးသောင်းစိန် ၏ သားကြီး ဦးသိန်းစိန် အား
ယနေ့မှစ၍ ဦးသန်းစိန်ဟု ခေါ်ပါရန်။
ပုံ (ဦးသိန်းစိန်)
လူသိနည်းသော အချက်တခုရှိသည်။ ၀န်ကြီးချုပ်က "ဦးကုဋေစိန်"ဟူသော အမည်သို့ ပြောင်းလိုသည်၊ ပို၍ပို၍ တန်ဖိုးရှိသော ထိုအမည်ကို လွန်စွာ နှစ်သက်သည် ဟုလည်း သိရသည်။
သို့သော်လည်း ထိုအမည်ကို ယူမည်မဟုတ်ဟု ၀မ်းနည်းစွာဖြင့် ညည်းတွားသည်။ အကြောင်းရင်းမှာ ဦးသိန်းစိန်က "တာ့တလင်းဂျိတ်" ဟု အသံထွက်သော ဋသံလျင်းချိတ် (ဋ) ကို မရေးတတ်သောကြောင့် ဟူ၏။
ထိုသို့သော ပြဿနာကို ဖြေရှင်းသည့် နည်းလမ်းတခု ၀န်ကြီးချုပ်တွင် ရှိနေသည်။ သို့သော်လည်း မြန်မာတနိုင်ငံလုံးနှင့် သက်ဆိုင်သော အရေးဖြစ်သဖြင့် ပညာရှင်များနှင့် တိုင်ပင်ခဲ့သည်။ ပညာရှင်များက ၁၀၀ ရာခိုင်နှုန်း ကန့်ကွက်လိုက်သည်။ ၀န်ကြီးချုပ်၏ဇွဲ သေခါမှ လျှော့မည် ဟု ကြုံးဝါးတတ်သော မစ္စတာ သိန်းစိန်က ငပေါဂေဟာရှိ လူကြီးမင်းများနှင့် စည်းဝေးတိုင်ပင်ရန် ဆုံးဖြတ်လိုက်သည်။
ဤသို့ဖြင့် ပြီးခဲ့သည့်နှစ် ဖေဖော်ဝါရီလ ၃၀ ရက်နေ့က အနှီဝန်ကြီးချုပ်က အစည်းအဝေးတခု ခေါ်ယူခဲ့သည်။ ကကြီး ခကွေး ဂငယ်တို့အနက်မှ ဋသံလျင်းချိတ်၊ ဍရင်ကောက်၊ ဎရေမှုတ် စသည့် အသုံးနည်း မြန်မာအက္ခရာများကို delete လုပ်ရန် ဟူသတည်း။
အစည်းအဝေးတွင် ၀န်ကြီးချုပ်က လိုအပ်သည်များကို ညွှန်ကြားခဲ့သည်ဟု သတင်း ရရှိသည်။ အဆိုပါ ၀န်ကြီးချုပ် မကြိုက်သည့် အက္ခရာများကို အပြီးတိုင် အငြိမ်းစားပေးရန် အလို့ငှာ ဥပဒေကဲ့သို့ အာဏာတည်သော အမိန့်တခုကို လာမည့် ဖေဖော်ဝါရီ ၂၉ ရက်နေ့တွင် ထုတ်ပြန်မည် ဟူ၏။ ဤကား ငပေါဂေဟာမှ ၀န်ကြီးချုပ်၏ လျှပ်တပြက်ပုံရိပ် ဖြစ်ပေတော့သည်။
အခန်း (၃)
နိုင်ငံတကာတွင် ၀န်ကြီးချုပ် များစွာရှိသည်။ ၀န်ကြီးချုပ်ကို အင်္ဂလိပ်ဘာသာဖြင့် PM ဟု အခန်း (၁) တွင် ဖော်ပြခဲ့ပြီးဖြစ်သည်။ ထို့ကြောင့် အကျယ်မချဲ့လို။ လိုရင်း ရေးရပါက ၀န်ကြီးချုပ်ကို
Problem Maker
Problem Man
စသဖြင့် အနက် ဖွင့်ကြလေသည်။ Postman ဟု ဘာသာပြန်သူများလည်း ရှိလေသည်။
တနိုင်ငံ တပုဒ်ဆန်းဟု ဆိုပါက မှားအံ့မထင်။
အခန်း (၄)
ဘလော့ဂ် သရမ်းသူ မြန်မာပြည်သားအချို့ကလည်း အာဏာရှိ အစိုးရအဖွဲ့ နှင့် ဆင်တူသော ဂေဟာတခုတွင် ၀န်ကြီးအဖွဲ့ဝင်များ အသီးသီး ကိုယ်တိုင်ကိုယ်ကျ ခန့်အပ်ကြလေသည်။ ထိုသို့ ပေါများလှသော ၀န်ကြီးများအတွက် ကံကောင်းခြင်း လက်ဆောင်တခု ပေါ်ပေါက်လာသည်။ လွန်လေပြီးသော ရက်အနည်းငယ်အတွင်းက ဖြစ်သည်။ ယင်း လက်ဆောင်မှာ ၎င်းတို့အား အုပ်ထိန်းနိုင်မည့် ထက်မြက်သည့် အကြီးအကဲတဦးကို ထိုက်ထိုက် တန်တန် ရရှိခဲ့ခြင်းပင် ဖြစ်ပေတော့သည်။
အခန်း (၅)
အဆိုပါ ၀န်ကြီးချုပ် (အခန်း ၄ တွင် ဖော်ပြထားသော ၀န်ကြီးချုပ်) က သူ၏ ဘလော့ဂ်ပေါ်မှ ကိုရီးယားမင်းသမီး ဓာတ်ပုံကို ဖြုတ်လိုက်သည်။ ၀န်ကြီးချုပ်၏ဘလော့ဂ်ဟု သိသာနိုင်စေမည့် အခြားဓာတ်ပုံတခုဖြင့် အစားထိုးလိုက်လေသည်။
အစားထိုးလိုက်သည့် ပုံမှာ ၀ံကြီး (၀န်ကြီး) တကောင်ကို ချုပ်နှောင်ထားသော ဓာတ်ပုံ ဖြစ်လေသည်။ ။
မှတ်ချက် -
ဤစာကို အများသူငါ ဖတ်ရှုနိုင်စေရန်အလို့ငှာ ဘလော့ဂ်ပေါ်သို့ တင်ရမည်။ နာယကကြီးက ဦးဆောင်ပြီး လျှို့ဝှက် ဆောင်ရွက်ရမည်။ တနင်္လာနေ့ မှ သောကြာနေ့အတွင်း ဆောင်ရွက်ရမည်။ စနေတနင်္ဂနွေနေ့များတွင်လည်း ဆောင်ရွက်နိုင်သည်။ ပုံနှိပ်မီဒီယာများက ဤစာကို ကူးယူဖော်ပြလိုပါလျှင် သင့်လျော်သည့် စာမူခ တောင်းယူပြီးမှ ခွင့်ပြုရမည်။ ။
Read
More...
Summary
only...
၁။ တော်တော်နှိပ်ကို တော်တော်နိပ် ဟု ပြင်ဆင် ဖတ်ရှုပါး)
၂။
၃။
လုပ်ငန်းရှင် ဘလော်ဂါ၊
ဆူရှီဆရာ ဘလော်ဂါ၊
မီဒီယာဆရာ ဘလော်ဂါ နဲ့
မည်သူမည်ဝါမှန်း တိကျစွာ သိရခြင်း မရှိသေးသော ဘလော်ဂါတို့က
ကျနော်ရေးတဲ့ စာတွေမှာ မှတ်ချက်တွေ လာရေးသွားတဲ့အတွက် ကျေးဇူး ဥပကာယ တင်ပါသဗျ။
ဥပကာယ ဆိုတာ ဘာမှန်း မသိဘူး။ ကျေးဇူးနဲ့ တွဲသုံးတာ ဖတ်ဖူးတာပဲ။ ကျေးဇူးကို အလေးအနက် ဖြစ်စေတဲ့ စကားလုံးဖြစ်ဖို့ များတယ်။ special thanks လို စကားလုံးများလားမသိ။ ပါဠိ၊ သက္ကတ၊ ဟိန္ဒူ ဘာစကားလုံးများပါလိမ့်။
ဘလော့မှာ စာ တလ တပုဒ် အနည်းဆုံး ရေးမှ ဖြစ်မယ်။ ဒါမှ ဘလော်ဂါ ပီသမှာ။ ဘလော်ဂါဆိုတာ မြတ်နိုးစရာ ဂုဏ်ပုဒ်မဟုတ်လား။ အင်္ဂလိပ်လို senior citizen အဲ - မဟုတ်ပါဘူး citizen journalist လို့ သတ်မှတ်ကြတယ် တဲ့။
citizen journalist ကို ဘယ်လို ဘာသာပြန်ရမလဲ စဉ်းစားမနေနဲ့။ ဘလော်ဂါ ပေါ့ဗျား)
တော်တော်နှိပ်တဲ့ ဘွဲ့ဗျ။ journalist ဆိုတာလည်း လူတွေ အထင်ကြီး၊ လန့်ဖျပ်၊ သောက်မြင်ကပ်တတ်တဲ့ လူစားမျိုး။
citizen ဆိုတာကလည်း မက်စရာ။ အဓိပ္ပာယ်က နိုင်ငံသား တဲ့။ ရိုဟင်ဂျာတွေကလည်း (နိုင်ငံ တခုခုမှာ) နိုင်ငံသား ဖြစ်ချင်တယ်။ အာရှသားတွေကလည်း အာဖရိကတိုက် အဲ - အမေရိကတိုက်တို့ ဘာတို့ သွားပြီး နိုင်ငံသား သွားဖြစ်ချင်တယ်။ နိုင်ငံသားဖြစ်ရေးအတွက် ငွေတွေ ပုံပေးလိုက်မယ်။ ပြီးတော့ ဟိုဟာ ပုံပေးလိုက်မယ်။ ဟိုဟာ ဆိုတာ အချိန်ကို ပြောတာပါ။ ငါးနှစ်ဝန်းကျင်တော့ စောင့်ကြရမယ်မဟုတ်လား အနည်းဆုံး။ နိုင်ငံသားဖြစ်ရတာ လွယ် မှတ်လို့။
ကျနော့်မိဘတပါးဆိုရင် မြန်မာပြည်မှာ မွေး၊ မြန်မာပြည်မှာ နှစ်ပေါင်း ၇၀ ၀န်းကျင် နေသွားတာတောင်မှ မြန်မာနိုင်ငံသား ဖြစ်မသွားဘူး။ အင်း - ဒီအကြောင်းက ရယ်စရာ မဟုတ်တဲ့အတွက် ဒီနေရာမှာ မရေးတာ ကောင်းပါတယ်။
စောစောက ပြောတာ ပြန်ဆက်ရရင် - နိုင်ငံသား ဗျာ။ နိုင်ငံသား ဆိုတဲ့ အဆင့်အတန်းက ဘာမှ မဟုတ်ဘူးလို့ ထင်ရပေမယ့် လူအတော်များများအတွက်တော့ တော်တော်ဟုတ်နေတဲ့ လိုအပ်ချက်ကြီးပဲ။ ဒါနဲ့ပဲ ဘလော်ဂါ (citizen journalist) ဖြစ်နိုင်တဲ့ အခွင့်အရေးကို ယူထားတဲ့သဘောပါ။
ပြောချင်တာက citizen journalist အကြောင်း မဟုတ်ပါဘူး။ နိဒါန်း နည်းနည်းပျိုးဖို့ ကြိုးစားရာကနေ အတွေးချော်ပြီး ကီးဘုတ်ကို ဟိုရိုက် ဒီရိုက် ရိုက်မိသွားတာ။
planet.com.mm မှာ စက်တင်ဘာ ၁၁ ရက်စွဲနဲ့ တင်ထားတာ ဖတ်လိုက်ရတယ်။ The Modern Weekly ဂျာနယ် ကို ကိုးကားပြီး ရေးထားတဲ့ သတင်းတပုဒ်ပါ။ အဲဒီမှာ ဆင်ဆာလူကြီးမင်းတယောက် ပေါက်ကရ လျှောက်ပြောထားတာတွေ ပါတယ်။
ရုပ်ရှင်မှာ စည်းကမ်းချက်နဲ့ မညီတာတွေကို ဆင်ဆာဖြတ်နေရတဲ့အကြောင်း။ သူရွှီးတာတွေက အများကြီးပဲ။ ကိုယ်က ရုပ်ရှင်လောကသားလည်း မဟုတ်၊ ရုပ်ရှင် ပုံမှန်ကြည့်တဲ့ ပရိသတ်လည်း မဟုတ်ပေမယ့် သူရွှီးတာကို မကျေနပ်ဘူး။ ဖတ်ပါဦး သူ့ဟာတွေ အရောင်ခြယ်ပေးလိုက်မယ်။
ဝိဥာဉ်နဲ့ အပြန်အလှန် စကားပြောတာမျိုး၊ ထိတွေ့ကိုင်တွယ်ပြတာမျိုးတွေ ရိုက်ကူးဖော်ပြတာ တွေ့ရတယ်။ so what? ရိုက်ပါစေ။ တကမ္ဘာလုံး ဒီလို ရိုက်နေကြတာပဲ။ ဟူလ်ပီဂူးဘတ်တောင် ghost ကားမှာ အော်စကာဆု ရသွားသေးတယ်။ ဟောလိဝုဒ်နဲ့ ကိုင်ပေါက်တာ မဟုတ်ဘူးနော်၊ အာရှမှာလည်း သရဲကားတွေ ဒုနဲ့ဒေး။ သရဲကားဟာ အာရှတန်ဖိုး မဟုတ်လား။ ခက်ပါပေ့ ဆင်ဆာလူကြီးမင်းရယ်။
တချို့ဇာတ်ကားမှာ မိန်းမဘ၀ကနေ ယောက်ျားဘ၀ကို နိုင်ငံခြား သွားပြောင်းတယ်။ ယောက်ျားဘ၀နဲ့ လ၀ကမှာ မှတ်ပုံတင်ပြောင်းတယ်။ နိုင်ငံခြား မသွားခင်က ရည်းစားနဲ့ ကိုယ်ဝန်ရှိခဲ့တယ်။ ယောက်ျားဘ၀မှာ ကိုယ်ဝန် ဆောင်တယ်။ ကိုယ်ဝန်မဆောင်ခင် မိန်းမ ထပ်ယူတယ်။ ယူတဲ့ မိန်းမနဲ့ ကိုယ်ဝန်ရှိတယ်
ဒါလည်း so what? ဘာဖြစ်လဲဗျာ။ အခု အဲသလို ပြောင်းလဲတာတွေကို ရန်ကုန်မှာ ကိုယ်စားလှယ် အကျိုးဆောင် ရုံးတောင် ဖွင့်ခွင့် ပေးထားတယ် မဟုတ်လား။ ကျားဘ၀ကနေ မဘ၀ မရောက်တောင် အပြင်ပမ်း ပြောင်းလဲသွားအောင် ခွဲစိတ်ချင်ရင် ကျပ်ငွေ သိန်း တရာတောင် ကုန်မယ် ဆိုလား။ အပြင်မှာ ဖြစ်နေတာတွေပဲ။ ရိုက်ပါစေ။ ကိုယ်ဝန်ဆောင်ကိစ္စတွေဆိုတာကလည်း လူစိတ်ဝင်စားအောင် ရိုက်ထားတာပဲ။ ပေးရိုက်လိုက်ပါ။ မီဒီယာ ဆိုတာ အများစိတ်ဝင်စားဖို့ အရေးကြီးတယ်။ ရုပ်မြင်သံကြားကနေတောင် လူစာရင်း ဖတ်ပြတာတွေ ည ၈ နာရီတိုင်း လွှင့်နေသေးတာ။
လူတစ်ယောက် အသတ်ခံရလို့ လဲသွားရင် ထပ်ပြီးဓားနဲ့ အကြိမ်ကြိမ် ထပ်ခုတ်တဲ့ အပြမျိုး၊ နားထဲကို ဆေးလိပ်မီးနဲ့ ထိုးတာလို ရက်စက်တဲ့ ပြကွက်တွေ ပြလာတယ်။
အင်း - ဒါတွေကတော့ အသက် ၁၈ နှစ် ၂၁ နှစ်အောက် မကြည့်ရ ဘာညာ သတ်မှတ်နိုင်တဲ့ အခြေအနေ ရောက်မှ မြန်မာပြည်မှာ ရိုက်ခွင့် ရကြမယ် ထင်တယ်။ လောလောဆယ် ဒါတွေကို ဖြတ်တာတော့ ကြိုဆိုပါတယ်။ ကောင်းပါတယ်။ သဘောတူပါတယ်။
မလိုအပ်ဘဲ Love Scene တွေ ကြာတာ၊ သားနဲ့အမိ၊ မောင်နဲ့နှမ အတူကြည့်လို့ မသင့်တော်တဲ့ ပြကွက်မျိုးတွေ၊ ရာဂကို နှိုးဆွပေးတဲ့ ပြကွက်မျိုးတွေ ရိုက်ကူး ဖော်ပြလာတာ တွေ့ရပါတယ်
မြန်မာကား Love Scene တွေ ကြာ ဆိုတာက မင်းသမီး မင်းသား ဖက်ထားကြတာကို ပြောတာ ဖြစ်မယ်။ ဖက်ကြပါစေလေ။ သမီးရည်းစားတွေ ဒီလိုပဲ လုပ်ကြတာမဟုတ်လား။ နိုင်ငံခြားသားတွေ မြန်မာကား ကြည့်ဖြစ်ရင် မင်းတို့ တွေ ကိုယ့်ရည်းစားကို မဖက်ကြ မနမ်းကြဘူးလားလို့ မေးနေဦးမယ်း) ခြင်ထောင်ထဲကအခန်း မရိုက်ရင် ပြီးရောပေါ့။
မဟော်သဓာခေတ်မှာ လက်သည်းအရှည်တွေကို အပွင့်ဖော် ဆေးဆိုးထားတယ်။ တောရွာကျေးလက်အခန်း ရိုက်ရင်လည်း ဆံပင်ရွှေရောင် ဆိုးထားတာမျိုးတွေ တွေ့နေရလို့ ပြင်ရိုက်ခိုင်းရတယ်
ဘာဖြစ်လဲ။ မဟော်သဓာခေတ်မှာ အဲဒီလိုလက်သည်းအလှဆင်တာတွေ မရှိဘူးလို့ ဘယ်သူပြောလဲ။ လူကြီးမင်းတို့မှာ သက်သေ ရှိသလား။ ပြန်ရိုက်ခိုင်းမနေပါနဲ့ဗျာ။
သိပ် ခေတ်မီတာနော် အဲဒီတုန်းက လူတွေ။ အာဝါဟ ၀ိဝါဟ ဒိုင်ယာလော့ကို ရှည်ရှည်ဝေးဝေး ပြောမနေဘူး။ မဟော်သဓာနဲ့ အမရာတို့က လက်သီးဆုပ်ပြ လက်ဝါးဖြန့်ပြကြတာနဲ့ ဒိုင်ယာလော့ ပြီးသွားရော။ ခုတွေ့ ခုကြိုက် ခုအဆင်ပြေ ဆိုတာ အဲဒီခေတ်ကတည်းကလို့တောင် ပြောရမလို ဖြစ်နေပြီ။
ဆံပင်ကိစ္စ ပြောရဦးမယ်။ ကျေးလက်မှာလည်း ဆံပင် ရွှေရောင် မကဘူး ရောင်စုံ ဆိုးနေကြပြီ။ ခက်တာပဲ။ အဲယားကွန်းခန်းထဲမှာပဲ ထိုင်မနေကြပါနဲ့ ဆင်ဆာ ဆရာကြီးများ ဆရာမကြီးများရယ်။ သဘာဝ အရမ်း အရမ်းကျစေချင်ရင်လည်း လူတွေကို လုပ်အားပေးခိုင်းတာ၊ ပေါ်တာဆွဲတာတွေ ထည့်ရိုက်ခိုင်းပေါ့ဗျာ။ စစ်ကားတွေက သဘာဝမကျတာ သိပ်ကြာပြီနော်။ ခင်ဗျားကြီးတို့ ဆင်ဆာ ဖြတ်လိုက်ကြဦး။ စစ်သားတွေ ကိုယ်တိုင် ဒါရိုက်တာလုပ်ပြီး ရိုက်တဲ့ ကားတွေမှာ ပေါ်တာမပါ ဘာမပါ၊ ကားတွေကို ချောဆွဲတာတွေလည်း မပါဘူး။
သဘာဝ မကျတာတွေကိုတော့ ပရိသတ်ကြီးကတောင် မမြင်ချင်ယောင်ဆောင်နေတာပဲ။ ကိုယ်က အနေသာကြီး မဟုတ်လား။
ဒီစာကို ဆင်ဆာလူကြီးမင်းများ မသိပါစေနဲ့ဗျာ။ သိသွားရင် လှမ်းပြီး ဆင်ဆာ ဖြတ်ဖို့ ကြိုးစားနေဦးမယ်း)
Read
More...
Summary
only...
သီချင်းရေးဆရာတွေက ဗုဒ္ဓဘာသာ အကြောင်း ရေးဖွဲ့ထားတဲ့ ဘာသာရေး သီချင်းတွေကို ရေးနေပြီ တဲ့။ ဆရာမောင်သစ်မင်းက သတင်းတပုဒ်မှာ ပြောထားတယ် - လူငယ်တွေ ဘာသာရေး ကိုင်းရှိုင်းအောင်၊ ဘာသာရေး ဗဟုသုတနဲ့လည်း ပြည့်စုံအောင် စည်းရုံးတဲ့အနေနဲ့ လုပ်တာပါ ဆိုပဲ။ ဂီတ အဖွဲ့အစည်းနဲ့ အာဏာပိုင်များ ခိုင်းလို့ ရေးကြတော့မယ် လို့ ဆိုတယ်။ ခွေထုတ်မယ် ဖြန့်မယ် တဲ့။
၃၈ ဖြာမင်္ဂလာ တရားတော်များကိုလည်း ခေတ်ပေါ်ဂီတနဲ့ ရောသမမွှေတော့မယ်ပေါ့ဗျာ။ မွှေ ဆိုလို့ ဟစ်ပ်ဟော့တွေ ရီမစ်တွေတော့ ဟုတ်ပါဘူး။ တကယ့် ဓမ္မ သီချင်းတွေပါ။ ဓမ္မသီချင်းကို ရီမစ် လုပ်ပြီး ဖြန့်လို့ကတော့ အင်းစိန်ထောင်ထဲ ထည့်လိမ့်မယ်။ ဗိုလ်ချုပ်များက ဘာသာရေး သိပ်ကိုင်းရှိုင်းတယ် မဟုတ်လား။ ထားပါတော့ သူတို့အကြောင်း)
ခရစ်ယာန်ဘာသာဝင်များက ဓမ္မ သီချင်းတွေနဲ့ အဆင်ပြေနေတာ ကြာလှပေါ့။ လွှမ်းမိုးရဲ့ သီချင်းတပုဒ်ရှိတယ်။ ဓမ္မသီချင်းတော့ မဟုတ်ဘူး၊ သို့ပေမယ့် ဘာသာရေးစကားလုံးတွေ ပါနေတယ်။
ဗုဒ္ဓဘုရား
ဟောလေသည်မှာ
မွန်မြတ်စိတ်ထားကြ
ကူညီခြင်းအလှ လူလူချင်းသွေးဆက်ပါ ဆိုလားပဲ။
တကယ်တော့ ဓမ္မ သီချင်းတွေက ကျနော့်အတွက် ပျင်းစရာပဲ။ မနှစ်တုန်းက ဆုန်းသင်းပါရ် ဇမ်နူး နဲ့ အဆိုတော်တချို့ ချင်းမိုင်ကို လာတယ်။ လက်မှတ် ၀ယ်ကြည့်တယ်။ သူတို့ အားလုံး ဆိုသွားကြတာ ဓမ္မသီချင်းတွေချည်းပဲ။ ပျင်းစရာ ကောင်းလိုက်တာ။
ခရစ်ယာန်များအတွက်တော့ ဓမ္မ သီချင်းတွေက အလုပ်ဖြစ်တယ် - ဘုရားကျောင်းမှာလည်း ဂစ်တာ တဒေါင်ဒေါင်နဲ့ ဟစ်လို့ ရတယ်။ ဗုဒ္ဓဘာသာတွေက ဘုရားသွား ဘုန်းကြီးကျောင်းသွားပြီး သီချင်း ဆိုလို့ကတော့ ခုချိန်မှာ ဟန်မကျသေးဘူး။ နောင်လည်း ကျဖို့ လမ်း ဝေးဦးမယ် ထင်ပါရဲ့။ တချို့ မူကွဲဗုဒ္ဓဘာသာမှာဆို ဘုန်းကြီးတွေ သီလရှင်တွေက ဗုံကို တုတ်တချောင်းနဲ့ တီးတာတွေတော့ ရှိပါရဲ့ အဲဒါက စိတ်ငြိမ်အောင်လုပ်တာ ဖြစ်မယ်။
ထူးအိမ်သင်ရဲ့ မဟာဝီရ အိုဗုဒ္ဓ သီချင်းကို သိပ်ကြိုက်သူတွေ ရှိတယ် တဲ့။ ကျနော်တော့ ခံစားလို့ မရပါဘူး။ အဆို အတီး သီချင်းဖွဲ့စည်းမှု စတာတွေက ထိပ်တန်းအဆင့်မှာ ဖြစ်ရင် ဖြစ်နေလိမ့်မယ်၊ ဘုရားစူး မိုးကြိုးပစ် တကယ်ကို ခံစားလို့ မရဘူး( နားလည်း မထောင်ချင်ဘူး( လိုက်လည်း မဆိုချင်ဘူး(
သတိရလို့ ပြောရရင် ၃၈ ဖြာမင်္ဂလာက သီချင်း ရှိပြီးသားပဲ။ အခု ဘာပုံစံနဲ့ ရေးမှာလဲ၊ slow go go လား) bossanova လား)
ကြုံလို့ ရေးလိုက်တာပါ။ စောင့်နားထောင်ဖြစ်မယ်တော့ မထင်။ ကျနော်က ဘာသာရေး မကိုင်းရှိုင်းသေးဘူး ခုချိန်ထိ။
Read
More...
Summary
only...
ဇော်ဝမ်း ဆုံးပြီ။ သူ ဆုံးပြီး ၂၄ နာရီအတွင်း သတင်းဌာနကြီးငယ်များ၊ တကိုယ်တော် အင်တာနက် ဝက်ဆိုက်များက ဇော်ဝမ်း၏နာရေးသတင်းကို ရေးသားကြကုန်သည်။
သူ ၁၂ ရက်နေ့ ညတွင် ဆုံးသည်။ Bi-Weeklyဂျာနယ်က ယနေ့ ၁၃ ရက် မနက်တွင် ဖြန့်ရာ ဤသတင်း ပါလာသည်။ ပုံနှိပ်ပြီးမှ စာပေစိစစ်ရေးဌာနကို အကြောင်းကြားမည်ဟု ယူဆရသည်။ ဤယူဆချက် မှန်လျှင် စာပေစိစစ်ရေး ဌာနက ဤသို့သော နားလည်မှုမျိုး ထားသဖြင့် ကျေးဇူးတင်ဖွယ် ဖြစ်သည်။ ဂျာနယ်တိုင်းကို ထိုသို့ ဆက်ဆံရေးထားလျှင် ကောင်းလေစွ။
ကွယ်လွန်သူ ဇော်ဝမ်း၏ အိမ်ထောင်ရေး မိသားစုရေး အခြေအနေကို သတင်းများတွင် မတွေ့ရ။ မိသားစု မရှိသောကြောင့် မဟုတ်၊ မိသားစု များသောကြောင့် အိမ်ထောင်ဆက် များသောကြောင့် ဖြစ်မည်ဟု သုံးသပ်သံတခုလည်း ကြားရသည်။ ဒါလည်း ကောလာဟလ ဖြစ်နိုင်သည်။ (အိမ်ထောင်များများ ပြုခြင်းမှာ လူတချို့အတွက် ပျော်စရာဖြစ်ပြီး၊ လူတချို့အတွက်တော့ အင်မတန့် အင်မတန် စိတ်ဖိစီးဖွယ် ဖြစ်မည်။) မြန်မာသတင်းသမားတို့က အနုပညာသည်တို့၏ အိမ်ထောင်ရေးနှင့် ပတ်သက်လျှင် ပွင့်ပွင့်လင်းလင်း ဖော်ပြမှု မပြုသဖြင့် စာဖတ်သူများ အချက်အလက် အကုန်မသိ ဖြစ်ကြရသည်။
အရှိအတိုင်း ရေးသားဖော်ပြပါက ကာယကံရှင်တို့ ငြိုငြင်မည်ကို စိုးရိမ်ကြဟန် တူသည်။ အ၀ါရောင် စာနယ်ဇင်းသမားဟု အထင်ခံရမည့်ဘေးမှလည်း ရှောင်ရှားကြလိုဟန် ရှိသည်။ ပွင့်လင်းမှု မရှိကြသောကြောင့် ပေါက်တတ်ကရ ကောလာဟလများ ပိုမို များပြားလာခြင်းမှာ ဘေးထွက်ဆိုးကျိုး ဖြစ်တော့သည်။ ။
Read
More...
Summary
only...
အလုပ်ထဲတွင် ဓားကိုင်ပြီး အိမ်ရောက်သည်နှင့် ကီးဘုတ်၊ မောက်စ်တို့ကို ကိုင်တတ်သော၊ ကယ်လီဖိုးနီးယား ပြည်နယ်တွင် နေထိုင်သော၊ စိတ်ကူးယဉ်တတ်သော၊ သီချင်းဆိုသော၊ ကဗျာများလည်း လျှောက်ရေးသော၊ ထီပေါက်ချင်သော၊ ကလေး ၃ယောက် ရှိသော၊ သို့သော်လည်း ဘ၀အကြောင်းကို မသိသေးသော ဆိုတဲ့ နာမ၀ိသေနတွေနဲ့ ပြည့်စုံကုံလုံတဲ့ မစ္စတာ အောင်သာငယ်က ရယ်ဒီမိတ် မေးခွန်းတွေ ပေးလာတယ်။ ဒါကြောင့် ရေးရ ဖြေရပါတယ်း)
တွေးနေမိတာက
(၁) အောင်သာငယ် ဘာကြောင့် ကျုပ်ကို ရေးခိုင်းရသလဲ။
(၂) ငါ့ဝင်ငွေက ငါ့ထွက်ငွေထက်များနေ - အဲ နည်းနေတော့ ဘယ်သူ့ဆီက ပိုက်ဆံချေးရမလဲ။
(၃) အိမ်က ခွေးမလေး ဘယ်တော့ ဒဏ်ရာကျက်မလဲ။ (ခွေးမလေး ကလေးမရအောင် ဟိုနေ့က ဆေးခန်းပို့လိုက်တယ်။ ဆရာဝန်က သူ့ကို သားအိမ်ထုတ်ပစ်လိုက်တယ်။ မတတ်နိုင်ဘူး။ ခွေးစရိတ်က မသေးဘူး။ အများကြီးလည်း မထိန်းနိုင်ဘူး။ သူတို့က မွေး ကိုယ်က ထိန်းရမှာ။ ပြီးတော့ တခါမွေး တကောင်ဆို တော်သေးရဲ့)
ကိုယ့်ကိုယ်ကို ပြန်ဆင်ခြင်မိတာက
အသက် ၈၀ မှာ သေမယ်ဆိုရင် ငါဟာ သက်တမ်း တ၀က်ရောက်ပြီ။ ဒုက္ခပဲ။
ကျန်းမာရေး
ကောင်း … ။
ဖတ်ဖြစ်တဲ့စာအုပ်တွေက
၁။ မဂ္ဂဇင်းများကို ဖတ်တယ်။ ဒီမနက် အစည်းအဝေးလုပ်ရင်း မသိမသာ ခိုးဖတ်ဖြစ်တာကတော့ ပန်းအလင်္ကာ မဂ္ဂဇင်း ၂၀၀၈ စက်တင်ဘာလထုတ်။
၂။ ဂျာနယ်တွေလည်း တခါတရံ ဖတ်တယ်။
၃။ မနေ့ကတော့ အေးချမ်းဖြိုးကောင်စီ တိုင်းကျိုးပြည်ပြု အတွဲ ၄ ကို ဖတ်တယ်။ အဲဒီစာအုပ် စာမျက်နှာ ၄၉၁ မှာ ဗိုလ်ချုပ်ကြီးတို့ရဲ့ နျူကလီးယားစီမံကိန်းတွေ ပါတယ်။
၎။ ပြီးခဲ့တဲ့အပတ်ကတော့ ၀တ္ထုတပုဒ်ကို တ၀က် ဖတ်ဖြစ်တယ်၊ “ခါးတကယ် မတို့ခင်က ယားတယ်လို့ တွန့်” တဲ့။ မောင်သာရ ရဲ့ ရှေးလက်ရာ။ ဘလော်ဂါ ကိုမင်းဒင်အိမ်မှာ တည်းတဲ့ ဒုတိယ ညမှာ ဖတ်တာ။ ဖတ်လို့ မပြီးပေမယ့် မငှားဖြစ်ခဲ့ဘူး။ ပြန်မပေးမိမှာ စိုးလို့။ ရုပ်ရှင်လောကအကြောင်းကို မောင်သာရက စာပြောင် ပုံစံ ရေးထားတာ။ ပြောင်ချက်ကတော့ သိပ်ကောင်းတယ်။ အပြောင်ခံရသူတွေ ဖတ်မိရင် သွေးတိုးနိုင်တယ်း)
ရောက်နေဖြစ်တာက
www
ရေးဖြစ်နေတာက
၁။ ဧရာဝတီ မြန်မာပိုင်းမှာ သတင်းတွေ ရေးဖြစ်တယ်။ သိပ်ကောင်းတာပဲလို့ စာဖတ်သူတွေက ကြိတ်ပြီး ချီးကျူးကြတယ်။ တခြားသတင်းထောက်များကလည်း မနာလိုကြဘူးလို့ ကျုပ် ထင်တယ်။ အင်း - - ဆက်ဆံရေး မပျက်အောင် လျှော့ရေးဦးမှပဲ။
၂။ ကိုယ့်ဘလော့မှာတော့ ရောက်တတ်ရာရာတွေ တပတ်တခါ ရေးဖြစ်တယ်။ အလုပ်များရင်တော့ တလ တခါပေါ့။
နားထောင်ဖြစ်နေတာက
ဘီဘီစီ မြန်မာပိုင်း။
ရွတ်နေမိတဲ့ကဗျာက
မရှိဘူး။ တာရာမင်းဝေရဲ့ ကျောင်းဖွင့်ချိန် ဆိုတဲ့ ကဗျာရှည် မနေ့က လေးငါးကြိမ်မြောက် ပြန်ဖတ်ဖြစ်။
ဖြစ်ချင်နေတာက
တရက်မှာ ၂၄ နာရီ မဟုတ်ဘဲ ၄၂ နာရီ ရှိရင် ကောင်းမယ် လို့ စဉ်းစားမိတယ်။ အချိန် ဆင်းရဲလွန်းလို့ပါ။ ၄၂ နာရီဆို နာရီဒိုင်ခွက်က ကြည့်ရ ဆိုးတော့မှာပဲ။
စားဖြစ်နေတတ်တာက
၁။ ဆီများများနဲ့ ကြော်လှော်ချက်ပြုတ်ထားတဲ့ ဟင်း တခွက် နှစ်ခွက် နဲ့ ထမင်း။
၂။ နေကြာစေ့။
သနားနေမိတာက
ဒီနေရာမှာတော့ မစ္စတာ အောင်သာငယ်နဲ့ တူတယ်။ ကိုယ့်ကိုယ်ကို သနားတယ်း) ကိုယ့်ထက် အခြေအနေ ဆိုးတဲ့သူတွေလည်း ရှိမှာပဲ ဆိုတော့ သနားလည်း ခဏ ဆိုပါစို့။
လွမ်းနေမိတာက
မုန့်ဟင်းခါး။
မေ့လျော့ပစ်နေမိတာက
ကိုယ်လုပ်ခဲ့တဲ့ မကောင်းမှုတွေ။
ခါးသက်နေမိတာက
Prospect Burma / ပြီးတော့ OSI လို့ ခေါ်တဲ့ Open Society Instituteး) ကျနော့်မိန်းမကို စကောလားရှစ် မပေးလို့း)
တမ်းတနေမိတာက
ခွေး၂ကောင်ကို ခေါ်ပြီး သစ်ပင်အောက် သွားအိပ်မယ်။ စားစရာတွေ ဖတ်စရာတွေလည်း ယူသွားမယ်။ ကျနော့်မိန်းမလား၊ သူလည်း တီဗီ နည်းနည်း ကြည့်ပြီးရင် လိုက်လာမှာပေါ့။ သူက အယ်လ်ဂျာဇီးယား ကြိုက်တယ်။ ထိုင်း ဇာတ်လမ်းတွဲတွေ ကြိုက်တယ်။
ကြိတ်ပြီးချီးကျူးနေမိတာက
ဒါလည်း ကိုယ့်ကိုယ်ကိုယ်ပါပဲ။
ကြိတ်ပြီးအထင်သေးနေမိတာက
လူတွေ အတော်များများကိုပေါ့း)
ဆန္ဒမရှိတဲ့နေရာ
အင်းစိန်ထောင်။
ဆန္ဒရှိနေတဲ့ကိစ္စ
ဗိုလ်ချုပ်ကြီး အေးချမ်းသာယာရေးတို့နဲ့ မိတ်ဆွေများ ကိုယ့်ကိုယ်ကိုယ် သတ်သေကြရင် ကောင်းလေစွ။
မုန်းတီးနေမိတာက
မပြောဘူး။
ချစ်နေတာက
အတော်များတယ်ဗျ;)
စိတ်ပျက်နေမိတာက
တပ်မတော်ခေါင်းဆောင်များကို ;(
စွဲလန်းနေမိတာက
မိုဒယ်ဂဲလ်တွေ :D
လိုအပ်နေတာက
စာဖတ်ချိန် လိုတယ်၊ စာဖတ်ချိန် နည်းသည်ထက် နည်းလာတယ်း(
တောင်းနေမိတဲ့ဆု
လခတိုးပါစေ၊ များများ တိုးပါစေ၊ မြန်မြန် တိုးပါစေ၊ ဒီနေ့ပဲ တိုးပါစေး)
ထပ်ပြန်တလဲလဲအော်ဟစ်နေမိတာက
ဟင် … ဘာလဲ၊ မအော်မိပါလား)
ဝန်ခံချင်တာက
ကျနော်ဟာ လူတွေထင်ထားတာထက် ပိုပြီး စမတ်ကျတယ်၊ တော်တယ်၊ ထက်မြက်တယ်၊ စိတ်သဘောထား ကောင်းမွန်တယ် ဆိုတာပါပဲး)
ဒါပါပဲခင်ဗျာ။ ဒီအချက်တွေနဲ့ ပတ်သက်ပြီး အသေးစိတ် သိချင်တယ်ဆိုရင်လည်း ဖုန်းနံပတ်တွေ ရှိပါတယ်။ ပိုက်ဆံ တပြားမှ မကုန်ဘူး။
အရေးကြီးတာက ခင်ဗျားရဲ့ ကိုယ်ပိုင် တယ်လီဖုန်းနဲ့ ဆက်ဖို့ လိုတယ်။ အဖြေမရမချင်း အကြိမ်ကြိမ် ဆက်ဖို့ လိုတယ်။ မှတ်ထားနော်။
မြန်မာပြည်ကလူတွေ ဆက်သွယ်မေးမြန်းချင်ရင် နံပတ်က - ၁၉၉
အိန္ဒိယ - ၁၀၀
ထိုင်း - ၁၉၁
ဂျပန် - ၁၁၀
ကိုရီးယား - ၁၁၂ (ဒါပေါ့။ တောင်ကိုရီးယားပေါ့။)
အမေရိကန် ပြည်ထောင်စု - ၉၁၁
သြစီ - ၀၀၀
စင်္ကာပူ - ၉၉၉
Read
More...
Summary
only...
ဘန်ကောက်က လက်ဖက်ရည်ဆိုင် လိပ်စာကဒ် အင်္ဂလိပ်လို နဲ့ ယိုးဒယားလို တင်ပေးလိုက်ပါတယ်။ တက္ကစီဆရာကို ပြပြီး ဆိုင်ကို အရောက်သွားလို့ ရတာပေါ့။
ဆိုင်ကို ၂ ကြိမ်လောက် သွားပြီး မြင်တာကို ရေးပြစ်လိုက်တယ် ဧရာဝတီမှာ
http://www.irrawaddy.org/bur/index.php?option=com_content&view=article&id=1534:2009-08-01-09-43-03&catid=1:news&Itemid=2
ဆိုင်ရှင်ရဲ့ အသံကိုတော့ ယူမနေတော့ပါဘူး။ ဆိုင်ရှင်က အရေးမကြီးဘူးလေ။ ဆိုင်ရှင်အသံ ထည့်ဖို့ တောင်းရင် ခွင့်ပြုချင်မှ ပြုမယ်။ ဧရာဝတီမှာ သတင်းထည့်မယ်ဆိုတော့ သူက လန့်ကောင်း လန့်မယ်လေ။ တံဆိပ်ကပ်တာ အကျင့်ပါတဲ့ ရွှေတွေက ဧရာဝတီ ဆိုတာနဲ့ နိုင်ငံရေးသတင်းဌာနလို့ အလွယ်တကူ သတ်မှတ်ကြတာ မဟုတ်လား။ တကယ်တော့ ဧရာဝတီက လေးဖြူ ဇော်ဝင်းထွဋ်တို့အကြောင်းလည်း လျှောက်ရေးတာပါပဲ။ ဟိုတလောကဆို မိုးဟေကို အကြောင်း ၁၀ ရက်အတွင်း ၂ကြိမ်တောင် ရေးလိုက်သေးတယ် ဖတ်ဖြစ်တယ်မဟုတ်လား)
တံဆိပ်အကြောင်း - အဲ ဆိုင်ရှင်အကြောင်း ပြန်ဆက်ရရင် သူတို့ကို မဗျူးဖြစ်ဘူးပေါ့ဗျာ။ ဆိုင်ရှင်ရဲ့ အသံထည့်ရင်လည်း ကောင်းတာတွေပဲ ထည့်ရမှာ မဟုတ်လား၊ [ကျုပ်တို့ ဆိုင်က အလကား ဖွတ်ကျားပါခင်ဗျာ လို့  ဘယ်ဆိုင်ရှင်က ပြောပါ့မလဲ] ဆိုင်ရှင်အသံ ထည့်လိုက်ရင် ဆိုင်ကြော်ငြာပေးတဲ့ သတင်းသမား ဆိုပြီး အထင်ကြီးနေကြဦးမယ်။ အထင်မကြီးကြပါနဲ့ဗျာ။ ပထမအကြိမ်က သတင်းထောက်ဖိုးရှုပ်နဲ့ သွားတော့ သူဝယ်ကျွေးတာ။ နန်းကြီးသုတ်။ စားလို့ အဆင်ပြေပါ့ဗျာ။ ချင်းမိုင် မြန်မာဆိုင်က နန်းကြီးသုတ်ထက် ၃ ဆလောက် ပိုပြီး စားလို့  ကောင်းတယ်။ ချင်းမိုင်ဆိုင်က ရန်ကုန်သား မန္တလေးသားတွေလက်ရာမဟုတ်ဘူး ထင်ပါရဲ့ ။ နန်းကြီးသုတ် ဆိုတာ ရန်ကုန် မန်းလေးက ဆရာတွေကမှ ပိုပြီး ပိုင်တာ မဟုတ်လား။ ဒုတိယအကြိမ်သွားတော့ ဒီလိုပဲ သူငယ်ချင်းတွေနဲ့ သွား၊ ကိုယ်စား ကိုယ်ရှင်းပေါ့။ စားတာကတော့ ပြည်ပလာတာ ဆိုတဲ့ဟာကို စားတယ်။ ပလာတာကို ကြက်သားဟင်းတပွဲနဲ့ ချပေးတယ်။ ရေနွေးကြမ်း မသောက်ရတာကြာတော့ လေးငါးခွက် သောက်ဖြစ်တယ်။
ဆိုင်ရှေ့ က လမ်းကိုလည်း ၂ ပုံလောက် ရိုက်ထားတာ အလုပ်ထဲက ကွန်ပျူတာထဲ ရောက်နေလို့  နောက်နေ့ တွေမှ တင်ပေးလိုက်မယ်။
အစားအစာတွေကတော့ ဈေး မများဘူး။ ပေါလည်း မပေါပါဘူး။
သွားရတာတော့ ဈေးကြီးသဗျ။ ဘန်ကောက် သိပ်မရောက်ဖြစ်တော့ ဘတ်စ်ကား မစီးတတ်။ ဘယ်သွားသွား အငှားကားနဲ့  သွားရတာ ဟန်ကျပေမယ့် ငွေကုန်တယ်။
ဘန်ကောက်သွားတဲ့စရိတ် ဧရာဝတီက ပေးပေမယ့် အိတ်ထဲက စိုက်ရတာပါပဲ။ ကျနော့်လို တောသားအတွက် ငွေသိပ်ကုန်တဲ့မြို့ ဗျား(
စိတ်တိုင်းကျ ဆိုင်မှာတော့ မြန်မာပြည်သားတွေ ၀င်လာကြ ထွက်သွားလိုက်ကြနဲ့ အများကြီးပဲ။ တ၀ိုင်းနဲ့ တ၀ိုင်းလည်း မသိကြတာ များတယ်။ လူတွေက အကြောင်းအရာမျိုးစုံနဲ့ ဘန်ကောက် ရောက်နေကြတာ မဟုတ်လား။ လာတဲ့သူတွေကို မိတ်ဆက်စကား ပြောချင်ပါတယ်။ ဒါပေမယ့် အချိန် သိပ်မရ၊ ကိုယ်ကလည်း စကားပြော လိမ်မာ ကျွမ်းကျင်သူ မဟုတ်တော့ မိတ်မဆက်ဖြစ်ပါ။
စားသုံးသူ ၂ယောက်ကိုတော့ ဗျူးလိုက်တယ်။ အစားအသောက် ဘယ်လိုနေလဲ ဘာကြောင့် လာတာလဲ မေးလိုက်တယ်။ ချင်းမိုင် ပြန်ရောက်ပေမယ့် သတင်း ချက်ချင်း မတင်ဖြစ်ဘူး။ စနေ တနင်္ဂနွေ တင်လို့ ကောင်းတဲ့သတင်းဆိုတော့ စနေ နေ့  တင်လိုက်ကြတယ်။ သတင်းရေးတဲ့နေ့ က လူရွှင်တော် မစ္စတာ ပန်းသီးနဲ့တွေ့တော့ သူလည်း စိတ်တိုင်းကျမှာ ကျောက်ပန်းတောင်း သောက်ဖူးတယ်လို့  ပြောပြတယ်။ သူပြောပြတာကိုလည်း ထည့်ရေးပစ်လိုက်တာပေါ့။ သတင်းသမားနဲ့  စကား ပြောရတာ သိပ်တော့မကောင်းဘူးလို့  ထင်ကြမှာပဲ။ မိတ်ဖြစ်ဆွေဖြစ် ပြောတာတွေကို ဒီငနဲတွေက သတင်းထဲ ထည့်ရေးချင်တယ် ရမလား လို့  လုပ်တတ်ကြတယ် မဟုတ်လား)
ကဲ ဒီကနေ့  ကျနော် လျှောက်ရေးထားတာကို ခင်ဗျားရော ဘယ်လိုထင်လဲ ပြောပြစမ်းပါဦး၊ သတင်းထဲ ထည့်ရေးလို့ရော ရမလား)
Read
More...
Summary
only...
မြန်မာစာအုပ် စာတမ်းတွေ ဖတ်တဲ့အခါ ၀ါကျ ဘယ်လောက် ရှည်ရှည် ဖတ်ဖူးသလဲ။ ကျနော် ဒီနေ့ ဖတ်ဖြစ်တဲ့ သတင်းတပုဒ်မှာတော့ အသံထွက်ဖတ်ရင် ၁ မိနစ် ၀န်းကျင် ကြာမယ့် ၀ါကျတကြောင်း တွေ့ရသဗျ။ တတိယပိုဒ်မှာဗျာ။ ဖတ်ကြည့်ပါဦး။ "မြန်မာနိုင်ငံ အုပ်ချုပ်ရေး ယန္တယားများ ဖြစ်သည့်" ဆိုတဲ့ အဲဒီ စာပိုဒ် တပိုဒ်လုံးကို တကြောင်းတည်း ရေးထားတာ။
ဂျာနယ် နာမည်က OPEN တဲ့။ ဒီလ ၈ ရက်နေ့က YANGON အဲ - ရန်ကုန်မှာ ထုတ်တား)
OPEN ဆိုတော့ "ဖွင့်" လို့ ဘာသာပြန်နိုင်မယ် ထင်ပါရဲ့။ ပွင့်ပွင့်လင်းလင်း ဆိုလည်း ရမှာပါ။ ပွင့်လင်းမှုအကြောင်း ပြောလိုတာတော့ မဟုတ်ပါ၊ ရှည်လျားမှုအကြောင်း ပြောလိုတာပါ။ အကြောင်းအရာ တခုကို သို့ကလို အလွန်တရာ ရှည်လျားပေများစွာ ရေးသား သီကုံး ဖွဲ့နွဲ့ တင်ပြ သတင်းပို့ အစီရင်ခံ အကြောင်းကြား တတ်တာလည်း ပညာ တခုလို့ မထင်ကြဘူးလား)
ဒီဝါကျရှည် ဖတ်မိတဲ့ စာဖတ်သူ စိတ်ရှုပ်သွားပြီး ဘာတွေရေးထားမှန်းမသိဘူး ဖြစ်သွားတာကတော့ တပိုင်းပေါ့လေ။ သတင်းမှာ အပိုဒ် ၅ ပိုဒ် ပါတယ်။ ၀ါကျလည်း ၅ ကြောင်းပဲ တွေ့ရတယ်။
တကယ်ဆို သတင်း တပုဒ်လုံးကို ၀ါကျ ၁ ကြောင်းတည်း နဲ့ ရေးသင့်ပေတာပေါ့၊ ဟုတ်ဘူးလား)
Read
More...
Summary
only...
