Dec 26, 2010

ပျော်စရာ ခရစ်စမတ် ဖြစ်ပါစေ

ခရစ်စမတ်နေ့ ရန်ကုန်မြို့ စိန်မေရီ ကယ်သီဒြယ်(St. Mary's Cathedral) မှာ တွေ့ရတဲ့ သီလရှင်တပါး (အေပီသတင်းဌာနဓာတ်ပုံ)

ခရစ်စမတ်နေ့နဲ့ ပတ်သက်ပြီး FaceBook မှာ ရေးသား ပြောဆိုထားတာတွေထဲက သီချင်းတပုဒ်က စိတ်ဝင်စားစရာကောင်းလို့ ဝေမျှပါရစေ။ သီဆို တီးခတ်ဖို့ လိုတဲ့ တူရိယာတွေအတွက် iPad and iPhone တွေကို သုံးထားလို့ပါပဲ။ ကမ္ဘာကျော်သီချင်း Feliz Navidad ဖြစ်ပါတယ်။

အမေရိကန်နိုင်ငံ ဂျော်ဂျီယာပြည်နယ် ဘုရားကျောင်းတခု ဖြစ်တဲ့ North Point Community Church က ဒီလဆန်းပိုင်းမှာ တင်ဆက်ထားတာ နားဆင်ကြည့်ရှုပါအုံး။

ဒီသီချင်းကို "---အချစ်များ နှလုံးသားမှာ၊ အားလုံးပဲ ကိုယ့်ရဲ့ အချစ်တွေ မင်းအတွက်ပါ---" ဆိုပြီး မြန်မာမှု ပြုထားတာ ရှိပါတယ်။
Jingle Bells သီချင်းဆိုရင် "ကိုကိုရေ အချစ်ဆုံးကိုကိုရေ" ဖြစ်သွားပါတယ်။
ခရစ်စမတ်သီချင်းတွေကို မြန်မာပြည်မှာ ကော်ပီလုပ် ရေးသား သီဆိုတဲ့အခါ ခပ်ပေါ့ပေါ့ စကားလုံးတွေ ထည့်ထားတဲ့ အချစ်သီချင်းတွေ ဖြစ်နေလို့ မူရင်း ဖန်တီးသူများကို အားနာစရာပါပဲ။

ကမ္ဘာ့ဂန္တဝင်ခရစ်စမတ်သီချင်းဖြစ်နေတဲ့ Feliz Navidad ပေါ်ထွက်လာတာ အနှစ် ၄၀ ပြည့်ပါပြီ။

သီချင်း ရေးဖွဲ့သူ မျက်မမြင် အဆိုတော် José Feliciano
သူက အမေရိကန်ပိုင် Puerto Rico ကျွန်း ဇာတိ၊ အခု အသက် ၆၅ နှစ် ရှိပါပြီ။


သီချင်းကို စပိန်၊ အင်္ဂလိပ် ၂ ဘာသာနဲ့ ခပ်တိုတို ရေးထားပေမယ့် လူကြိုက်များလွန်းလှပါတယ်။

Feliz Navidad
Feliz Navidad
Feliz Navidad
Prospero Ano y Felicidad.

I wanna wish you a Merry Christmas
I wanna wish you a Merry Christmas
I wanna wish you a Merry Christmas
From the bottom of my heart.

Dec 24, 2010

Christmas and bloggers :D

ဘလော်ဂါများ သီချင်းဆိုရန် ဆုံးဖြတ်
Burma Strange News ကို ပို့တဲ့ သတင်း


ယခုနှစ် ခရစ်စမတ် ကာလမှ စတင်ပြီး သီချင်းဆိုရန် ဆုံးဖြတ်ချက် ချလိုက်ကြောင်း ထင်ရှားသည့် ဘလော်ဂါများက ယနေ့ ပြောဆိုလိုက်သည်။

“YouTube မှာ ပါတဲ့ သီချင်းတွေကို နားထောင်အပြီးမှာ တော်တော်လေး မခံချင်စိတ် ဖြစ်မိတယ်။ ငါတို့လည်း သီချင်းဆိုနိုင်တာပဲ လို့ ကျနော် ခိုင်ခိုင်မာမာ ယုံကြည်လိုက်တယ်” ဟု အမေရိကန် ပြည်ထောင်စုတွင် နေထိုင်သူ ဆူရှီဆရာ ဘလော်ဂါတဦးက ပြောသည်။

“ဒီနေ့ကစပြီး ကျနော် သီချင်းဆိုမယ်” ဟု သူက ကျမ်းသစ္စာကျိန်ဆိုသည့် ပုံစံဖြင့် ညာဘက်လက်ဖ၀ါးကို ဖြန့် ထောင်ပြီး အလေးအနက် ဖြည့်စွက် ပြောလိုက်သည်။

သီချင်းဆိုရန် ဆုံးဖြတ်လိုက်သူ ဘလော်ဂါနောက်တဦးမှာလည်း အမေရိကန်တွင်ပင် အခြေစိုက်နေသူဖြစ်သည်။

“ကျနော်လည်း ဆိုမယ်ဗျာ။ ကမ္ဘာမြေကြီး ကျန်းမာဖို့ ကျနော် သီချင်းဆိုမှ ဖြစ်တော့မယ်” ဟု ၀ါရှင်တန်မြို့တော်တွင် အလုပ် လုပ်ကိုင်သည့် သူက ကဗျာဆန်ဆန် ကြွေးကြော်လိုက်သည်။

“ကျိန်ဆိုလည်း ကျနော် ကျိန်ရဲပါတယ်၊ ခယောင်းလမ်းကိုလည်း ဖြတ်ရဲပါတယ် အဲ - ကျနော် တကယ် ဆိုတော့မှာပါ။ ဒီဆုံးဖြတ်ချက်ဟာ ကျနော့်ရဲ့ နှစ်သစ် အဓိဋ္ဌာန်၊ အင်္ဂလိပ်လိုတော့ new year resolution ပေါ့ဗျာ” ဟု ဂုဏ်ယူစွာ ပြောပြသည်။

သီချင်းဆိုရန် အကြောင်းပြချက်ဖြင့် ဘလော့လောကမှ ထွက်မသွားရေးအတွက် သူတို့၂ဦးကို တိုက်တွန်းထားသည်ဟု သြစတြေးလျ အခြေစိုက် မြန်မာဘလော်ဂါတဦးထံမှ သိရသည်။ ၎င်းသည် မြန်မာဘလော်ဂါများ အသင်းကြီး၏ လက်ထောက်ပြောခွင့်ရပုဂ္ဂိုလ်လည်း ဖြစ်သည်။

“ဘလော့ ရေးနေတုန်း သီချင်းအော်ဆိုလည်း ရပါတယ်ရှင်” ဟု လက်ထောက်ပြောခွင့်ရပုဂ္ဂိုလ်က လက်ထောက်ပြီး ပြောလိုက်သည်။

ခရစ်စမတ် ကာလတွင် ဘလော်ဂါ ၂ဦးကို ရုတ်တရက် စိတ်ပြောင်းသွားစေသည့် YouTube မှ သီချင်းများ












Dec 19, 2010

don't let the first lady see the following joke :D

တရားဝင် မယားကြီး ဖြစ်ကြောင်း မီရှဲလ် အိုဘားမား ကြေညာမည်

ဒီဇင်ဘာ အားလပ်ရက်ကာလ ဖြစ်သော်လည်း မီရှဲလ် အိုဘားမား မပျော်နိုင်ဘဲ အကြီးအကျယ် ဒေါသထွက်နေသည်။

ပြီးခဲ့သည့် ရက်ပိုင်းအတွင်း မြန်မာသတင်းဌာနများတွင် “အမေရိကန်သမ္မတကတော်ဟောင်းက ဒေါ်အောင်ဆန်းစုကြည်နှင့် ဖုန်းဆက် စကားပြော” ဟူသော ရေးသား ထုတ်လွှင့်ချက်များကြောင့် အမေရိကန် သမ္မတကတော် မီရှဲလ် အိုဘားမား ဒေါသောင်းကျန်းသူ ထနေသည်။

သူသာလျှင် အိုဘားမား၏ တဦးတည်းသော ကတော် ဖြစ်သည်၊ အိုဘားမားတွင် ကတော်ဟောင်းများ မရှိ စသည့် အချက်များကို မြန်မာသတင်း ဖတ်ရှု နားဆင်သူ ပရိသတ်တို့ သဘောပေါက်စေရန် ဆန္ဒ ပြင်းပြနေသည်ဟု ဆန်ဖရန်စစ္စကို အခြေစိုက် မိုးမခ မီဒီယာ၏ အမှုဆောင်အရာရှိချုပ် မောင်ရစ်က ပြောသည်။

“သြော် --- ဟုတ်တယ်။ သူက အရမ်းကို ဒေါသဖြစ်နေတာ။ ကျမယောက်ကျားက အိမ်ထောင် တဆက်ပဲ ရှိတယ် ဘာ ညာ သာရကာ နေကြာ ကွာစေ့ပေါ့ဗျာ၊ ကျနော်တို့ မိုးမခ ဌာနချုပ်ရုံးကို လာပြီး ပေါက်ကွဲပြနေတယ်။ အဲဒီတော့ ကျနော်က အကြံတခု ပေးထားတယ်။ မိုးမခမှာ ကြော်ငြာထည့်ပေါ့ဗျာ၊ ‘ကျမသာလျှင် တရားဝင် မယားကြီး ဖြစ်ကြောင်း’ ဆိုပြီး ကြော်ငြာထည့်ပါ လို့ ပြောလိုက်တော့ သူ သဘောကျသွားတယ်။ တပတ်အတွင်း အကြောင်းပြန်မယ် တဲ့။ အဲဒါပါပဲဗျာ” ဟု မောင်ရစ်က ရှင်းပြသည်။

ဘတ်ဂျက်မရှိသဖြင့် သတင်းဌာနမွဲစာရင်း ကြေညာထားသည့် မိုးမခအတွက် အသုံးစရိတ် ရရှိစေရန် ကြော်ငြာခ တနင့်တပိုး တောင်းထားသည်ဟု မောင်ရစ်က ပြောသည်။

မိုးမခ တွင်သာမက မြန်မာဘလော့တချို့တွင်လည်း ကြော်ငြာထည့်ရန် မီရှဲလ် အိုဘားမားက အာသီသ ရှိနေသည်။

လော့စ်အိန်ဂျလိစ် အခြေစိုက် ဘလော်ဂါ မိုးချိုသင်းက “ဟုတ်တယ်၊ လာတယ်၊ ချိုသင်းကိုလည်း မေးထားတယ်၊ ဘလော့မှာ ကြော်ငြာထည့်ချင်တယ်ပေါ့နော်။ ဟင့်အင်း၊ သူကိုယ်တိုင်တော့ မလာဘူး၊ ပြည်နယ်မှူး အာနိုးကိုပဲ လွှတ်လိုက်တယ်။ ကြော်ငြာခကိစ္စတောင် မပြောဖြစ်သေးပါဘူး” ဟု ဆိုသည်။

“အိမ်က ကြောင်လေးတကောင်နာမည်ကလည်း အိုဘားမားလေ။ အဲဒါ အာနိုးက တွေ့သွားပြီး သူ့ဆရာနဲ့ နာမည်တူနေလို့ တရားစွဲမယ်လေး ဘာလေး ဟောက်စား လာလုပ်နေတယ်။ ဘာမှ လာပြောမနေနဲ့၊ ကြိုက်တဲ့နေရာမှာ တရားစွဲလိုက်စမ်းဘာလို့ ကောပစ်လိုက်တယ်။ ဘားမား ဆိုတဲ့ ငါတို့နိုင်ငံနာမည်ကိုပဲ နင့်ဆရာက ခိုးထားတာဟဲ့ လို့ ပြောထည့်ပစ်လိုက်တယ်။ ချိုသင်းကို ဒီလို လာလုပ်လို့ ဘာရမလဲ။ သူ့ကို အိမ်ထဲက ထွက်သွားဖို့ မောင်းထုတ်လိုက်တယ်။ ဒါနဲ့ပဲ ကြော်ငြာခ အကြောင်း မပြောလိုက်ရဘူး” ဟု သူက အကျယ်တ၀င့် ရှင်းပြသည်။

ဤအတောအတွင်း မီရှဲလ်က ထိုင်းအခြေစိုက် ခင်မင်းဇော်၏ ဘလော့တွင် ကြော်ငြာထည့်ရန် ဘန်ကောက်ရှိ သံအမတ်ကြီးကို လျှို့ဝှက် တာဝန်ပေးထားသည်ဟု ၀ီကီလိ ကြေးနန်းတစောင်က ဆိုသည်။

မီရှဲလ်က အိုဘားမားတွင် ကတော်ဟောင်း လုံးဝ (လုံးဝ) မရှိဟု အခိုင်အမာ ပြောဆိုနေသော်လည်း သမ္မတကတော်ဟောင်း ဆိုသူက ဒေါ်အောင်ဆန်းစုကြည်ထံ ဖုန်းဆက်ခဲ့သည်ဟူသော စကားက မြန်မာသတင်းလောကတွင် ပျံ့နေသည်။

မြန်မာပရိသတ်က ထိုသတင်းကို အထူး စိတ်ဝင်စားဟန် မပြကြောင်း စစ်တမ်းများအရ သိရသည်။

ဤအခင်းအကျင်းနှင့် ပတ်သက်ပြီး အိမ်ဖြူတော်က တစုံတရာ ထုတ်ပြန်ခြင်းမရှိသေးပေ။

သမ္မတကတော်ဟောင်း ရန်ကုန်သို့ ဖုန်းဆက်ခဲ့သည်ဟူသော သတင်းတပုဒ်။

ဤသတင်းတွင်မူ ကတော်ဟောင်း ဆိုသူ၏ အမည်ကိုပင် ဖော်ပြထားသည်

အိုဘားမား နှင့် မီရှဲလ်

Dec 15, 2010

zarny and 500 goddesses each side ;)

ကျွန်ုပ်နှင့် နတ်သမီး တဘက် ၅၀၀
---
နတ်ပြည်ရောက်သူဟာ နတ်သမီး တဘက် ၅၀၀ စီနဲ့ ဟန်ကျပန်ကျ နေရတယ်လို့ ဟိုတုန်းက နားလည်ထားတယ်။ ကြားဖူးနားဝ ရှိတယ်။

ဒီလိုနားလည်ခဲ့တာ ကျနော်တယောက်ထဲတော့ မဟုတ်ပါဘူး။ စာရေးဆရာကြီးတယောက်ကလည်း အဲဒီလိုပဲ ကြားဖူးပါတယ် တဲ့။ နို့ပေမယ့် သူကိုယ်တိုင် နတ်ပြည်ကို မရောက်ဖူးတော့ ဒီကိစ္စနဲ့ ပတ်သက်ပြီး သေချာမသိဘူးလို့ စာရေးဆရာ မောင်သစ်က သူ မကွယ်လွန်ခင် ရေးဖူးတယ်။ ခုလောက်ဆိုရင်တော့ ဆရာ သိလောက်ပြီ ထင်ပါရဲ့။

ခုတလော နတ်သမီး တဘက် ၅၀၀ ဆိုတဲ့ ပြဿနာဟာ ကျနော့်ခေါင်းကို မကြာခဏ ၀င်ဆောင့်နေပါတယ်။ တဘက်ကို ၅၀၀ ဆိုတော့ နှစ်ဘက်ဆိုတော့ တထောင်ပေါ့။ နတ်ပြည်က နတ်သားတိုင်းတော့ ကြင်ယာတော် တထောင်ရှိမယ် မထင်ပါဘူး။ နတ်ပြည်မှာ ဂေါ်မစွံတဲ့၊ ကိလေသာနည်းတဲ့၊ တလင်တမယားဝါဒနှစ်သက်တဲ့ နတ်တွေလည်း ရှိနိုင်ပေတာပေါ့၊ ဘယ်သူပြောနိုင်မှာလဲ။

တဘက်ကို ၅ ပါး ဆိုရင်တောင် များနေပြီမဟုတ်လား။ ဗာဟီရလုပ်ငန်းတွေ အတွက် တဘက် ၅ ပါး ဆို လောက်ပါပြီ။ အိမ်ထောင်ကျဖူးသူများဆိုရင် ဒီအရေးကို သဘောပေါက်မှာပါ။

နတ်သမီးတဘက် ၅၀၀ အကြောင်း ပြန်ဆက်ရရင် အဲဒီ မဟာကံထူးရှင် နတ်သားက အားလုံးကို ရှာကျွေးရမှာလား၊ ပြီးတော့ စီမံခန့်ခွဲဖို့လည်း မလွယ်ဘူး ထင်တာပဲ။ အားလုံး သူ့အုပ်ချုပ်ရေးအောက် ရောက်ပြီ ဆိုတော့ ဖြစ်လာတဲ့ ပြဿနာတွေ ရှင်းပေးရမယ်လေ။

နတ်သမီး အားလုံးကိုရော မှတ်မိနိုင်ပါ့မလား။ နာမည် ရာထောင်ချီကို မှတ်မိနိုင်တဲ့ မှတ်ဉာဏ် နတ်တွေမှာ ရှိပါ့မလား။ နာမည်တွေ စဉ်းစားရတာနဲ့တင် မူးသွားနိုင်တယ်။ ပြီးတော့ နတ်သမီးတွေရဲ့ နာမည်ကရော ခေါ်ရလွယ်ပါ့မလား။ ဒါမှမဟုတ် လူ့ပြည်က ဘောလုံးသမားတွေလို ကျောနံပါတ်နဲ့လားလို့ စဉ်းစားမိတယ်။ ဟုတ်တယ်၊ ဘောလုံးသမား ယူနီဖောင်းနဲ့ဆို အဆင်ပြေနိုင်တယ်။ ဒါပေမယ့် နတ်တွေက အင်္ကျီအ၀တ်အစားရော ရှိရဲ့လား။

နတ်သမီးတထောင်အတွက် မေးခွန်းတွေကလည်း တထောင်လောက် ပေါ်လာတယ်။ ဒီနတ်သမီး တထောင်က ဘာတွေ လုပ်ရသလဲ ဆိုတဲ့ မေးခွန်း အပါအ၀င်ပေါ့ဗျာ။ မြန်မာပြည်မှာ ဖိုးချစ်တို့ ကကြတဲ့ ဇာတ်ထဲမှာတော့ ရှင်းတယ်၊ မင်းသမီးတွေ ၀ိုင်းဝိုင်းလည်နေပေသော်လည်း မင်းသား ကတဲ့အခါ သူတို့တွေက ၀ိုင်းပြီး လက်ခုပ်တီးပေးရုံပါပဲ။ နတ်သမီးတထောင်ရဲ့ အလုပ်ကရော ဇာတ်ထဲက မင်းသမီးတွေလောက် လွယ်ပါ့မလား။

“နတ်သမီးတထောင် နဲ့ နတ်သားတပါး” နှုန်းထား ဆိုတာကြီးက မှန်ခဲ့ရင်တော့ အမျိုးသမီး ၁၀၀၀ နတ်ပြည် ရောက်တိုင်း အမျိုးသား ၁ ယောက် နတ်ပြည်ရောက်တယ် ဆိုတဲ့ သဘောပေါ့။ လူ့ပြည်မှာ ကျားနဲ့မ ဆိုတာ ဆတူလောက် ရှိနေတာပဲ ဆိုတော့ ကျန်တဲ့ အမျိုးသား ၉၉၉ ယောက် ဘယ်ရောက်သွားလဲ ဆိုတာ သေချာပေါက် မေးရတော့မှာပေါ့။ ဘန်ကောက်မှာ ၀န်ဆောင်မှု ပေးတဲ့ ဘာဖောက်ချုပ် ဆိုတာမျိုးများ လုပ်လိုက်လေသလား။

နတ်သမီးတပါးကို နတ်သားတဘက် ၅၀၀ ရှိတာရော မဖြစ်နိုင်ဘူးလား ဆိုတဲ့ မေးခွန်းလည်း စဉ်းစားမိပါတယ်။ တဘက် ၅၀၀ ဟာ နတ်သမီးပဲ ဖြစ်စေ၊ နတ်သားပဲ ဖြစ်စေ ထိန်းကျောင်းရတာတော့ အင်မတန် ဒုက္ခရောက်လိမ့်မယ် လို့ ယူဆရတယ်။ အင်း - - ကိုယ်မရောက်ဖူးတဲ့ ဒေသအကြောင်း စဉ်းစားရတာ သိပ်တော့ မလွယ်ဘူး။

ဟုတ်တယ်၊ တကယ် မလွယ်ဘူးနော်။ တဘက်ကို ကြင်ယာတော် ၅၀၀ စီ ရှိတယ် ဆိုရင် အဲဒါဟာ နတ်ပြည်တော့ မဖြစ်နိုင်ဘူး၊ ငရဲပြည် ဖြစ်မယ်လို့ ကျနော်ကတော့ ထင်တာပဲ။ ။


Dec 3, 2010

ဘလော့ အသစ် တခု

ဇာနည်ဝင်း ပို့တဲ့ သတင်းတို

အင်တာနက်ဆိုင်ဗုံးထောင်သူ သဲလွန်စ ရပြီ၊
ဒေါ်အောင်ဆန်းစုကြည်ရဲ့သားကို လေဆိပ်အာဏာပိုင်တို့ ဘာကြောင့် ကြောက်သလဲ၊
ဆင်ဖြူ ထပ်တွေ့ရင် မဖမ်းတော့ဖို့ အမိန့် ထုတ်တာ ဘာကြောင့်လဲ
စတဲ့ စတဲ့ သတင်းထူးများ ပါဝင်တဲ့
သတင်း ဘလော့တခု မကြာသေးခင်က ပေါ်ထွက်လာပါတယ်။

လူအများအပြား အထူး စိတ်ဝင်စားနေကြတဲ့ ဒီဘလော့အကြောင်း စုံစမ်းထားသူကတော့ ကျမတို့ရဲ့ သတင်းထောက် ဇာနည်ဝင်း ဖြစ်ပါတယ်။ - ဒီဘလော့အကြောင်း သူ သတင်းပေးပို့ထားတာကို နားဆင်ပါရှင်။

[တဟားဟား ရီသံ၊ ထို့နောက် ဇာနည်ဝင်း၏ အသံ]

သည်းခံပါခင်ဗျာ။
အသံဖမ်းစက် ချွတ်ယွင်းတဲ့အတွက် သည်းခံပါ လို့ ပြောတာ မဟုတ်ပါဘူး၊ ကျနော် အခုပဲ http://burmastrangenews.blogspot.com ဆိုတဲ့ ဘလော့ကို ဖတ်ရင်း မအောင့်နိုင်တာနဲ့ အော်ပြီး ရီလိုက်တာပါ။

ရခိုင်ပြည်နယ် အစိုးရက အရက် တင်သွင်းခွန် ၄၀၀% ကောက်မယ်၊
မြန်မာ့တပ်မတော်က ဘန်ကောက်ကို သိမ်းတော့မယ်၊
ဘုန်းကြီး သပိတ်ထဲ သေနတ်တွေ တွေ့တယ် ဆိုတဲ့ သတင်းဦး၊ သတင်းထူးတွေ အပြင်
မြန်မာနိုင်ငံ လက်ရှိ သမ္မတနဲ့ အင်တာဗျူးထားတာတွေပါဝင်တဲ့ ဒီဘလော့ကို လူအများ စိတ်ဝင်စားနေကြပါတယ်။

Burma Strange News ဆိုတဲ့ ဒီဘလော့ကတော့ သူတို့ကိုယ် သူတို့ မိတ်ဆက်ပေးထားပါတယ်။ "အဆန်း တကြယ် သတင်းများကို Surrealism & Expressionism နည်းဖြင့် စဉ်ဆက် မပြတ် စုစည်း တင်ပြပေးနေသော Post-Modern News Agency" လို့ ဆိုပါတယ်။

ဟုတ်ပါတယ်၊ ကြာသပတေးနေ့က ဆိုရင် မြန်မာနိုင်ငံက ဂြိုဟ်တု လွှတ်တင်ဖို့ အသင့်ပြင်နေတယ် ဆိုတဲ့ အဆန်းတကြယ် သတင်းကို ရေးခဲ့တာ သူတို့ပါပဲ။

ဆယ်တန်းကျောင်းသားက အစ မြန်မာ့အရေး လေ့လာသူအဆုံး စိတ်ဝင်စားနေကြတဲ့ ဒီဘလော့ကို ဖန်တီးကြတာ ဘယ်သူတွေပါလိမ့်။ ဘယ်သူတွေ လက်ဆော့နေသလဲ။ စုံစမ်းကြည့်ကြပါစို့။

ကျနော် ပထမဆုံး ဆက်သွယ်ထားတာကတော့ ဧရာဝတီ သတင်းထောက် နရီလင်းလက် ဖြစ်ပါတယ်။

ဇာနည်ဝင်း ။ ။ မနရီလင်းလက်ရေ၊ BSN လို့ ခေါ်တဲ့ Burma Strange News ကို လုပ်နေကြတာ ဘယ်သူတွေ - -
နရီလင်းလက် ။ ။ ကျမ မဟုတ်ပါဘူးရှင်၊ ကျမနဲ့ မပတ်သက်ပါဘူးရှင်။
ဇာနည်ဝင်း ။ ။ ဒီလိုပါ၊ ကျနော်မေးချင်တာက ဒီရဲ့ - -
နရီလင်းလက် ။ ။ ဟုတ်ကဲ့၊ ဘာမေးချင်လဲ သိပါတယ်၊ ကျမ အဲဒီ သတင်းအဖွဲ့နဲ့ တကယ်ကို မသက်ဆိုင်လို့ပါရှင်။

နရီလင်းလက်နဲ့ ဆက်သွယ်မေးမြန်းခဲ့တာ ဖြစ်ပါတယ်။

အထင်ကရ သတင်းထောက်ကြီး နရီလင်းလက်က မသိဘူး ဆိုတော့ BSN အကြောင်း သဲလွန်စ ရနိုင်ဖို့ ဆက်သွယ်မေးမြန်းထားတဲ့ နောက်တယောက်ကတော့ ဧရာဝတီက ပါပဲ။ သတင်းစာ ဆရာမ အေးချမ်းမြေ့ ဖြစ်ပါတယ်။

ဇာနည်ဝင်း။ ။ ဟုတ်ကဲ့ မအေးချမ်းမြေ့ရေ - BSN သတင်းတွေကို ရေးနေတာ - -
အေးချမ်းမြေ့ ။ ။ မဟုတ်ဘူးနော်၊ ကျမ လုံး--------------------------------၀ မဟုတ်ဘူးနော်။ ဒါမျိုးတွေ ကျမ မရေးဘူး။

ကြားတဲ့ အတိုင်းပါပဲ၊ မေးခွန်း မဆုံးခင်မှာပဲ သူက လုံး--------------------------------၀ ငြင်းချက် ထုတ်သွားပါတယ်။

"ဘုရားစူး၊ မိုးကြိုးပစ်" ဆိုပြီးတော့တောင် ဆရာမ အေးချမ်းမြေ့က ကျိန်သွားပါသေးတယ်။

ပို့စ်မော်ဒန် သတင်းဌာနအကြောင်းကို သတင်းသမားတွေပဲ သိနိုင်တာမို့ ကျနော် ဘန်ကောက်က ဘီဘီစီ သတင်းထောက် ဦးဝင်းမြင့်ကို ဖုန်းဆက် မေးကြည့်ပါတယ်။

ဇာနည်ဝင်း။ ။ ဦးဝင်းမြင့်ရေ - BSN ပို့စ်မော်ဒန် သတင်းဌာ - -
ဦးဝင်းမြင့်။ ။ မောင်ဇာနည်ရေ၊ ငါလည်း အဲဒီသတင်းဌာနအကြောင်း ပြောချင်နေတာ။
ဇာနည်ဝင်း။ ။ ဟုတ်ကဲ့၊ ပြောပါခင်ဗျ၊ ဘယ်သူတွေ ဖြစ်မလဲ ခင်ဗျ။
ဦးဝင်းမြင့်။ ။ BSN ကို ဖန်တီးသူတွေဟာ ကွန်ပျူတာ၊ အင်တာနက် သုံးသူတွေ ဖြစ်မယ်လို့ သုံးသပ်မိပါတယ်။
ဇာနည်ဝင်း။ ။ အနီးစပ်ဆုံး ခန့်မှန်းနိုင်မလား။ ဘယ်သူတွေ ဖြစ်မလဲ။
ဦးဝင်းမြင့်။ ။ အတွေ့အကြုံအရ ပြောရမယ် ဆိုရင် ပေါ့လေ၊ သူတို့ဟာ သတင်းကို စိတ်ဝင်စားသူတွေ ဖြစ်နိုင်ပါတယ်။

ဒါကတော့ ဘီဘီစီ သတင်းထောက် ဦးဝင်းမြင့်ရဲ့ သုံးသပ်ချက်ပါ။

သတင်းထောက် မဟုတ်ပေမယ့်လည်း လူထုသတင်းသမားလို့ ဆိုတဲ့ ဘလော်ဂါ တယောက်နဲ့လည်း ပြောဖြစ်ပါတယ်။ သူကတော့ စင်္ကာပူမှာ နေတဲ့ နာမည်ကျော် ဘလော်ဂါ ပန်ဒိုရာ ပါ။ ပန်ဒိုရာ ဆိုတာ ခေသူ မဟုတ်ပါဘူး။ ဒေါ်အောင်ဆန်းစုကြည်ရဲ့သား ကိုထိန်လင်း ခေါ် ကင်အဲရစ် အကြောင်းကို အထူးပြု လေ့လာနေသူပါ။ ကင်အဲရစ် ဗီဇာ ရုတ်တရက် ရသွားတာဟာ ပေါတာကြီး သန်းရွှေက အမိန့်ပေးလိုက်တာဖြစ်တယ်၊ မြောက်ကိုရီးယား ခေါင်းဆောင် ကင်ဂျုံအီး၊ ကင်ဂျုံအန်တို့ သားအဖနဲ့ နာမည် တူတာကြောင့် ကြောက်လန့်ပြီး ဗီဇာ ပေးလိုက်တာလို့ သုံးသပ်ခဲ့သူပါ။ အဲဒီလို သုံးသပ်သူ၊ လေ့လာသူ ဘလော်ဂါ ပန်ဒိုရာကလည်း ပို့စ်မော်ဒန် သတင်းဌာန ဘလော့ကို သူ အနီးကပ် စောင့်ကြည့်နေပါတယ် တဲ့။ နားဆင်ကြည့်ပါဦး။

ဇာနည်ဝင်း။ ။ အန်တီပန်ရေ၊ အန်တီပန်က ဒီ ဘလော့ကို ဘာကြောင့် အနီးကပ် ကြည့်နေရတာလဲ။
ဘလော်ဂါ ပန်ဒိုရာ။ သြော် - ငါ့တူရယ်၊ ဘလော့ ဖတ်ပါတယ် ဆိုမှ အဝေးကနေ ကြည့်လို့ ဘယ်ဖြစ်မလဲ။ ဒါကြောင့် အနီးကပ် ကြည့်ရတာပါ။

ဇာနည်ဝင်း။ ။ ဟုတ်ပါပြီ၊ မှတ်သားစရာပါပဲ။ ဟုတ်ကဲ့ သူတို့ဘလော့ကို ဘယ်သူက လုပ်နေတယ်၊ ဘယ်သူတွေ လုပ်နေတယ် ဆိုတာရော ခန့်မှန်းမိသလား။
ဘလော်ဂါ ပန်ဒိုရာ။ သူတို့ဟာ ပြည်တွင်းက မဟုတ်ရင်တော့ ပြည်ပကပဲ ဖြစ်ရမယ်လို့ အန်တီ ခန့်မှန်းမိပါတယ်လေ။ သူတို့ သတင်းတွေက အရမ်း - အရမ်း ရီရတယ်နော်။ ဟီးဟီး။

ဒါကတော့ ဘလော်ဂါ ပန်ဒိုရာရဲ့ ခန့်မှန်းချက် ဖြစ်ပါတယ်။ မိုးမခမှာ ပေါက်ကရတွေ ရေးနေတဲ့ ရန်လိုကျွဲ ဆိုတဲ့သူ ဒီဘလော့မှာ လက်ဆော့နေတာ ဖြစ်နိုင်ကြောင်းလည်း သူက သုံးသပ်ပါတယ်။ ဒါကြောင့် ကျနော် မစ္စတာ ရန်လိုကျွဲကို ဒီဘလော့အကြောင်း စနည်းနာ၊ တီးခေါက်ပါတယ်။ သူက ဒီလို စပြီး ဖြေပါတယ်။

ရန်လိုကျွဲ။ ။ အိုင်ဆေး ဇာနည်ဝင်း - ကိုယ်လည်း ဒါကို သိချင်နေတာ၊ မနေ့ကတင်ပဲ ကိုယ့်မာမီဆီကို အဲဒီ ဘလော့လင့် ပို့လိုက်တော့ မာမီက ချက်ချင်း ဖတ်တော့တာပဲ။ မောင်ရင်ရေ - ကိုယ့် မာမီက အဲဒါဖတ်ပြီး အော်ကြီးဟစ်ကျယ် ဖြစ်တယ်၊ နောက်ဆုံး ဆဲတော့တာပဲကွာ။

ဇာနည်ဝင်း။ ။ ဟင် - လူကြိုက်များတဲ့ဘလော့ကို သူက မကြိုက်ဘူးလား။
ရန်လိုကျွဲ။ ။ ကြိုက်ပါသကော မောင်ရင်ရယ်၊ အော်ကြီးဟစ်ကျယ် ဖြစ်တယ် ဆိုတာက ပို့စ်မော်ဒန် သမိုင်း သီအိုရီ အသစ်များ ဆိုတဲ့ ပို့စ်ကို ဖတ်ပြီး သကာလ ၇ အိမ်ကြား၊ ၈ အိမ်ကြား အော်ပြီး ရယ်နေတာကို ပြောတာ။ ဆဲတယ် ဆိုတာက ဖတ်လို့ ကောင်းနေတုန်း အင်တာနှေးက အင်တာပျက် ဖြစ်သွားလို့ ဆဲတာ တဲ့။ F&*%$#@xqX+ ကျော်ဆန်း ဆိုတာတောင် ပါလိုက်သေးတယ်။
ဇာနည်ဝင်း။ ။ ဟီးဟီး၊ ဦးကျော်ဆန်းက ဘာဆိုင်လို့လဲ၊ အလကား အချောင် အဆဲခံရတယ်။
ရန်လိုကျွဲ။ ။ သူလည်း သူမှတ်မိတဲ့ ၀န်ကြီးနာမည်ကို ဆဲတဲ့ထဲ ထည့်လိုက်တာ ဖြစ်မှာပေါ့။

မစ္စတာ ရန်လိုကျွဲရဲ့ ပြောပြချက်တွေပါ။

သူ့မာမီ ဆဲလိုက်တဲ့ ဦးကျော်ဆန်း ဆိုလို့ မီဒီယာလောကမှာ ပေါ်လာတဲ့ ဒီဘလော့နဲ့ ပတ်သက်ပြီး သုံးသပ်ချက် ပေးဖို့ သူ့ကိုလည်း ကျနော် ခဲရာခဲဆစ် ဆက်သွယ်ထားပါတယ်။ ပြန်ကြားရေးဝန်ကြီး ဦးကျော်ဆန်းက မီဒီယာကို မီဒီယာနဲ့ တိုက်ဖို့ အထူး ထောက်လှမ်းရေးတွေ လုပ်နေတဲ့သူ ဆိုတော့ ဒီဘလော့အကြောင်း သိမလားလို့ မေးကြည့်တာပါ။ နားဆင်ကြည့်ပါအုံး။

ဇာနည်ဝင်း။ ။ ၀န်ကြီးခင်ဗျာ တခုလောက် မေးချင် --
ဦးကျော်ဆန်း။ ။ ဘာမေးမှာလဲ၊ ငါ့ကို မမေးနဲ့။ ထက်ထက်မိုးဦးကို သွားမေး။
ဇာနည်ဝင်း။ ။ သူက သူ့အမှု မပြတ်သေးချိန်မှာ နောက်တမှု မဖြစ်ချင်လို့ အင်တာဗျူးလက်မခံဘူးတဲ့ ခင်ဗျ။ ဒါကြောင့် ၀န်ကြီးကို ဖုန်းဆက်ရတာပါ။
ဦးကျော်ဆန်း။ ။ ခက်တာပဲ မင်းတို့ကောင်တွေ၊ မရှိကောင်း ရှိမကောင်းဆိုတာ မင်းတို့ပဲ ဖြစ်ရမယ်။ ဘာလဲ မင်းက ရွေးကောက်ပွဲမှာ ငါတို့ မဲခိုးတဲ့အကြောင်း မေးမလို့လား၊ ခိုးတယ်ကွာ၊ ဘာဖြစ်လဲ၊ ခိုးတော့ မင်းတို့က ဘာလုပ်ချင်လဲ။
ဇာနည်ဝင်း။ ။ မလုပ်ချင်ပါဘူးခင်ဗျ၊ ခိုးတာတွေလည်း ခိုးပြီးပြီပဲလေ။ အခု ကျနော် သိချင်တာက BSN ပို့စ်မော်ဒန် သတင်းဘလော့ကို ဘယ်သူတွေ လုပ်သလဲ ဆိုတာပါ။
ဦးကျော်ဆန်း။ ။ သြော် - ဒါလား၊ ပြောပြောက စောမှပေါ့ကွာ၊ ဟီးဟီး။ အင်း - အဲဒီ ဘလော့ကို KNU လုပ်တာ ကွ။

ဒါကတော့ ပြန်ကြားရေးဝန်ကြီးနဲ့ ဆက်သွယ် မေးမြန်းထားတာပါ။ ဒါ့အပြင် အခုလေးတင် လူထုခေါင်းဆောင် ဒေါ်အောင်ဆန်းစုကြည်ကိုလည်း သီးသန့်(သီးသန့်) ဆက်သွယ် မေးမြန်းခွင့် ရလိုက်ပါတယ်။

ဒေါ်အောင်ဆန်းစုကြည်က Twitter သုံးချင်တယ်၊ အင်တာနက် သုံးမယ်လို့ အရင် ကတည်းက ပြောထားတာ ဆိုတော့ သူ့အမြင်ကလည်း စိတ်ဝင်စားဖို့ ကောင်းမှာ သေချာပါတယ်။

ဒီဘလော့ကို ဖတ်တဲ့သူတွေ သဘောကျတဲ့အကြောင်း၊ သူ့အမြင်ကိုလည်း သိလိုကြောင်း ရှင်းပြတော့ သူက အခုလို ပြန်ပြောပါတယ်။

ဒေါ်အောင်ဆန်းစုကြည်။ ။ အန်တီရဲ့ အိမ်မှာ အင်တာနက်သုံးဖို့ လျှောက်လွှာ တင်ထားတုန်းပဲ ဆိုတော့ သား မေးတဲ့မေးခွန်းကို ဖြေရ ခက်တယ်၊ အခုလို တကူးတက မေးလာတယ် ဆိုတော့ အန်တီ အင်တာနက် သုံးနိုင်တဲ့နေ့ ရောက်ရင်တော့ ပထမဆုံး ကြည့်ရမယ့် ၀က်ဆိုက်တွေထဲမှာ အဲဒီဘလော့ - - -

ရန်ကုန်မြို့လယ် တနေရာ ရောက်နေတဲ့ ဒေါ်အောင်ဆန်းစုကြည်က ကျနော့်ကို သီးသန့် ပြောသွားတာပါ။ ပြောနေတုန်း ဖုန်းအဆက်အသွယ် ပြတ်သွားတဲ့အတွက် နောက်တခါ သီးသန့် ထပ်ခေါ်တဲ့အခါမှာတော့ အလိုအလျောက် ဖြေကြားသံကို အခုလို ကြားလိုက်ရပါတယ်ခင်ဗျား။

"လူကြီးမင်းခေါ်ဆိုသော GSM တယ်လီဖုန်းသည်
ဆက်သွယ်မှု ဧရိယာပြင်ပသို့ ရောက်ရှိနေပါသဖြင့်
ခေါ်ဆို၍မရနိုင်ပါရှင်"


ဒါကတော့ ကျမတို့ရဲ့ သတင်းထောက်ကြီး ဇာနည်ဝင်းက လူအများအပြား အထူး စိတ်ဝင်စားနေကြတဲ့ ဘလော့တခုအကြောင်း ခပ်တိုတို ပြောပြသွားတာ ဖြစ်ပါတယ်ရှင်။ ။

Dec 1, 2010

some photos from Jap and korean blogs

http://ameblo.jp/bolks/theme-10015889459.html မှာ တွေ့တဲ့ပုံ။တာချီလိတ်က ဖိုးသူတော်တွေ။တချို့ အာရှသားတွေကတော့ ထင်မှာပဲ၊ ဦးတည်ဘွားကို ပြောင်ထားတယ် ဆိုပြီး။အောက်ကပုံတွေကိုတော့ http://kr.blog.yahoo.com/imafrick/59.html?p=1&pm=l&tc=14&tt=1260776384 ကနေ ယူပါတယ်။တယ်လီဖုန်းလာလို့ အပေါ် တက်ပြောနေတာလားဟင်။ မြန်မာပြည် ကျေးလက်က ပုံပါ။ ဟဲလို -ဲဟုတ်ကဲ့ ပြောပါ၊ မြန်မာပြည်ကပါ လို့ ကိုရီးယား ဘလော်ဂါက ရေးထားပါတယ်။

ကရိန်ကား မပြောနဲ့ လှေခါးတောင် မသုံး၊ ခေါင်းတောင်း မကျိုက်ဘဲ အပြတ် လှုပ်ရှားနေတာက သူတို့အတွက် အမှန်တကယ် ရယ်စရာ ဖြစ်နေတာပေါ့။

မက္ကဆီကိုက ဆိုင်းဘုတ် တခု။ အမေရိကန်နဲ့ကပ်လျက် တိုင်းပြည် ဆိုတော့ အင်္ဂလိပ်စာ အားကောင်းမယ်လို့ မပြောနိုင်ပါဘူး။သူတို့က စပိန် ဘာသာပဲ သုံးကြတယ်လို့ ဆိုတယ်။ ဆိုင်ရှေ့က ဆိုင်းဘုတ်မှာ sorry, we are open လို့ ရေးထားတာမြင်ရင်တော့ ဓာတ်ပုံမရိုက်ဘဲ နေနိုင်ပါ့မလား။ကနေဒါက အိမ်သာတလုံး အဆင့်မြင့်ပုံကတော့ အင်း - မလွယ်ပါဘူး။ အန္တရာယ်ကို လွယ်မထားလိုသူတွေ အဲဒီအိမ်သာနဲ့ တွေ့လို့ကတော့း)

Nov 28, 2010

a very, very nice MTV

အရိုးရဲ့ လူလည် အာရှသား စီးရီးထဲက နေသာ လေလာတဲ့နေ့ သီချင်း။
အဲဒီ စီးရီးထဲက တခြား သီချင်းတွေလိုပဲ အရမ်း ကောင်းတယ်။
ကိုလူထွေး ဆိုတဲ့ ဘလော်ဂါက အဲဒီသီချင်းကို ရုပ်မြင်သံကြား သရုပ်ဖော်ထားတာ ကြည့်ပြီးသွားကြပြီလား။
http://koluuhtwe.blogspot.com/2010/02/blog-post_14.html မှာ တွေ့တာနဲ့ ကော်ပီ ကူးလိုက်တယ်။
သီချင်းစာသားတွေရောပေါ့။

သူ့ရဲ့ ယူကျုမှာတော့ http://www.youtube.com/user/Koluuhtwe
တခြား သီချင်းတွေပါ သရုပ်ဖော်ထားတာ တွေ့ရမယ်။
လောလောဆယ် ဒီသီချင်းကို ခံစားကြည့်ပါအုံး။

တရုတ်မလေးကို ကြိုက်တဲ့ အကြောင်း ရေးထားတာမို့ စာသားတွေမှာ တရုတ်ရနံ့တွေ အပြည့် ထည့်ထားတယ်၊ နောက်ခံတီးလုံးမှာတောင် တရုတ်ဂီတသံ ပါလိုက်သေး။





One.. two.. three.. ကိုယ်ချစ်သွားပြီ
ရေလည်အောင်ကိုယ် ရှင်းရှင်းပြောမည်
ဝေါ့်..အိုင်း..နီ

One.. two.. three.. ရည်ရွယ်လိုက်သည်
အိုအောင်မင်းအောင် ပေါင်းသင်းပါ့မယ်
ရှေ့ရှောက်ခရီး…

… … …

ဟိုတုန်းကမေးတဲ့ လမ်းဘေးလက္ခဏာ အဟောထဲမှာ
ပြည်ကြီးကရည်းစား အကျိုးပေးကောင်းမယ် ပြောခဲ့တာ
စိတ်ကူးနဲ့ မြူးခဲ့ ရူးခဲ့ရတဲ့ နှစ်လကြာ
သူလေးနဲ့ကျမှ တည့်တည့်ကြီးကို တိုးခဲ့တာ…

ငါချိုင်းနိစ် xx အလိုက်သိတဲ့ ကိုယ့် အသည်းလေးဟာ
နှာခေါင်းရင်းလေးတော့ နည်းနည်းပြားမယ်.. ခွင့်လွှတ်ပါ
သူ့ ပါးမို့မို့ ထက် သွေးကြောလေးတွေ စိမ်းလဲ့ဖြာ
အသားလေးကတော့ ဖွေးဖွေးဥကာ နုနုရွ

One.. two.. three.. ကိုယ်ချစ်သွားပြီ
ရေလည်အောင်ကိုယ် ရှင်းရှင်းပြောမည်
ဝေါ့်..အိုင်း..နီ

One.. two.. three.. ရည်ရွယ်လိုက်သည်
ကွမ်ရင်မယ်တော်ကြီးမပါ
ရှေ့လျှောက်ခရီး

… … …

သူလေးကခိုင်းသမျှ လိုက်လုပ်ရတဲ့ နွားနှစ်ပါ
သူလေးကြောင့် ရိုက်ကြ ကိုက်ကြရတာ ခွေးနှစ်မှာ
ဆိတ်နှစ် မြင်းနှစ် မျောက်နှစ်ပေါင်းစုံ ကူးတိုင်းမှာ
မိုးနတ်မင်းကြီး အမြဲတမ်းမအောင် ဆုတောင်းတာ

စွန်ဆူးကျမ်းထဲက သိမ်းပိုက်နည်းတွေ ကြိုးစားရှာ
ကွန်ဖြူးရှပ် ကြီးရဲ့ စကားလုံးနဲ့ ကိုယ့် ရည်းစားစာ
ဘုံကျောင်းကြီးထဲလည်း ပြေးပြေးပြီး စာ ချကြည့်ရ
ရေနွေးကျမ်းလေးတခွက် ကောင်းကောင်းတိုက်ရင် မမောဘူးဗျ

One.. two.. three ကိုယ်ချစ်သွားပြီ
ရေလည်အောင် ကိုယ် ရှင်းရှင်းပြောမည်
ဝေါ့်..အိုင်း..နီ

One.. two.. three ရည်ရွယ်လိုက်သည်
ကွမ်ရင်မယ်တော်ကြီးမပါ ရှေ့လျှောက်ခရီး

… … …

ရွှေယောက်ဖနှစ်ယောက်က အတွင်းအားသုံးကာ ဓားစွမ်းပြ
everybody လက်ခုတ်တီးပါ ကျနော့ဘက်က
သူ အန်းကုန်းကြီးက ပြုံးစိစိနဲ့ ခေါင်းညိမ့်ပြ
ကျနော်မျိုးကြီးကတော့ ငြိ်မ်းချမ်းရေးကို ရှေးရှုတာ…

အားလုံး အားလုံး ချိုင်းနားတောင်းကို လိုက်ခဲ့ပါ
အားရပါးရ သောက်ကြစမ်းပါ ပြီးတော့မှ…
အမ်ပေါင်းအိတ်လေးနဲ့ ငြိမ်းချမ်းရေး ထည့် ပေးတဲ့အခါ
မစ်ချိုင်းနီးစ်လေးရဲ့ အိမ်မက်ထဲကို ဟီးရိုးဗျ

One.. two.. three.. အဆင်ပြေသွားပြီ
နေသာ လေလာတဲ့ တနေ့မှာ လက်ထပ်မည်
One.. two.. three ရည်ရွယ်လိုက်သည်
အိုအောင်မင်းအောင် ပေါင်းသင်းပါ့မည် ရှေ့လျှောက်ခရီး…

One.. two.. three ကိုယ်ချစ်သွားပြီ
ရေလည်အောင် ကိုယ် ရှင်းရှင်းပြောမည်
ဝေါ့်..အိုင်း..နီ…

One.. two.. three ရည်ရွယ်လိုက်သည်
ကွမ်ရင်မယ်တော်ကြီးမပါ ရှေ့လျှောက်ခရီး

One.. two.. three ကိုယ်ချစ်သွားပြီ
ရေလည်အောင် ကိုယ် ရှင်းရှင်းပြောမည်
ဝေါ့်..အိုင်း..နီ…

Nov 25, 2010

စိတ်ဖိစီးမှု နဲ့  သီချင်းရေးဆရာ ကေအေတီ (from People magazine)

ကေအေတီအကြောင်း http://www.people.com.mm/article.cfm?id=12992&parent=12990&sec=3 မှာ တွေ့လို့  ဝေမျှလိုက်ပါတယ်။ စိတ်ဖိစီးမှုကို သူ ဘယ်လို ကျော်လွှားခဲ့သလဲ ဆိုတာ ပြောထားတယ်။

Nov 19, 2010

ကာတွန်းဆရာ Stephff ရဲ့  လက်ရာများ

အထူး အကျဉ်းထောင် အမှတ် ၅၄ က ကမ္ဘာကျော်အကျဉ်းသားကို လွှတ်ပေးလိုက်ပြီး မြင်ရတဲ့ မြင်ကွင်းကို Stephff က ပုံဖော်ထားတာပါ။ လွတ်မြောက်လာတာနဲ့ ကြီးထွားလာတဲ့ ဒေါ်အောင်ဆန်းစုကြည်ရဲ့ ပုံကို သိုင်းသမားတွေ ယိ(စ်)! ဆိုပြီး ကီသွင်းလိုက်သလို ပုံဖော်ထားတယ်။ ဗိုလ်ချုပ်ကြီးတို့ရဲ့ ဦးထုပ် တံဆိပ်ကတော့ ထုံးစံအတိုင်း အရိုးခေါင်း လိုဂို ပေါ့။

ဒီကာတွန်းကတော့ ၂၀၁၀ ရွေးကောက်ပွဲ နဲ့ သတင်းသမားတွေအကြောင်းပါ။

ကာတွန်းဆရာ
Stephff (အမည်ရင်း Stephane Peray)က ဘန်ကောက်ဇာတိ၊ ၁၉၆၄ ဖွား၊ ပြင်သစ်လူမျိုး။
သူ့လက်ရာတွေက နိုင်ငံတကာ စာနယ်ဇင်းတွေမှာ တဖြည်းဖြည်း နေရာ ယူလာပါပြီ။ နိုင်ငံတကာမှာ ဖြစ်ပျက်နေတာတွေကို အရုပ်ဆွဲပြီး ပြောင်တဲ့သူပါ။

ဒါကတော့ ထိုင်းနိုင်ငံက နာမည်ကျော် ရှပ်နီ ဆန္ဒပြသမားတွေကို ရည်ရွယ်ပါတယ်။
သွေးသံရဲရဲ လဲပြိုနေတဲ့ မြန်မာတွေက "ဘန်ကီမွန်း မင်းကို ဂရုစိုက်မယ်လို့  မင်း ထင်ရင်တော့ သိပ်ကို မှားသွားမယ် သူငယ်ချင်း" လို့ လှမ်းပြောနေပုံပါ။
သွေးအိုင်ထဲမှာတော့ ဘုန်းကြီး၊ တိုင်းရင်းသားပေါင်းစုံ တို့ကို ပုံဖော်ထားပြီး စစ်ဝတ်စုံနဲ့ငနဲကိုတော့ ကာတွန်းဆရာက သီချင်း ပေးဆိုထားတာတွေက တကယ့် အဖြစ်မှန်တွေကို ထင်ဟပ်နေပါတယ်။

စက္ကူလိပ်မှာ human rights လို့  ရေးထားတာကတော့ ကာတွန်းဆရာStephff ရဲ့  အသေးစိပ် သရော်ချက်ပါပဲ။

ဒါကတော့ ဒေါ်အောင်ဆန်းစုကြည်ရဲ့  လွတ်လပ်မှု။

ဒီကာတွန်းတွေထဲက တချို့ ကို ဧရာဝတီ အင်္ဂလိပ်ပိုင်း စာမျက်နှာမှာ ဖော်ပြပြီးပါပြီ။

Nov 17, 2010

have fun!

အီးမေးလ်နဲ့ ဖြန့်နေကြတဲ့ အပေါ်ကစာကို မြင်ပြီး ဧရာဝတီဘလော့မှာ သွားပြောင်လိုက်မိပါတယ်။ ကိုယ့်ဘလော့မှာလည်း ကော်ပီ ကူးထည့်လိုက်ပါတယ်။
အဲဒီ စာ ၈ မျက်နှာ ရှိတယ်။
အပြည့်အစုံ ဖတ်ဖို့ အချိန် ရှိတယ် ဆိုရင်တော့ ဒီလင့် ကို သွားပါ။

---------------------------

၂ဝ၁ဝခုနှစ် နိုဝင်ဘာလ(၃၃)ရက်

ပတက - သန်းရွှေ
န၀တတ - ရှစ်လုံး
ထပ - အောင်သိန်းလင်း
နံနက် ၂း ၇၄ နာရီ

လက်ရှိ ကောင်မလေးနဲ့ ပတ်သက်ပြီး ငါတုိ့ ဖက်က စီစဥ်လုပ်ဆောင်မှု ကြပ်တည်း သွား နိုင်တယ်၊ ဒါကြောင့် လက်ရှိ နိုင်ငံရေှး လုံခြုံရေး တပ်ဖွဲ့များရဲ့ အခြေအနေကို အမြဲ တင်း ကြပ်ထားပါ၊
ရေပါတာပဲ လိုချင်တယ်၊ ရေဗူး ရောင်းစားလိုက်တာ ငါ မသိချင်ဘူး။

လက်ရှိ ကောင်မလေးရှိရင် အခြေခံဥပေဒအတိုင်းကို ငါတို့ ဆက်သွားဖို့ ခက်ခဲမယ်လို့ ရေဘ၀ဲက ပြောတယ်။ ရေဘ၀ဲပြောရင် မှန်တာချည်းပဲ။ မင်းတို့ ကမ္ဘာ့ဖလား တုန်းက သူ့ရဲ့ အံ့မခန်း ဟောချက်တွေအကြောင်း ကြားလိုက်တယ် မဟုတ်လား။

ဗေဒင်ဟောတဲ့ ရေဘ၀ဲ ပေါလ်ကို ငါတို့ ပြန်ပေးဆွဲထားတာ ဘယ်သူမှ မသိစေနဲ့။ သတင်းပေါက်ကြားရင် ဆွေ ၁၇ ဆက် မျိုး ၁၇ ဆက် သေဒဏ် သို့မဟုတ် တသက်တကျွန်း။

ဗေဒင်မဟောတတ်တဲ့ ရေဘ၀ဲ တကောင်ကို သတ်ပြီး အစားထိုးလိုက်တာလည်း ဘယ်သူမှ မသိစေနဲ့။ အဲဒီ ရေဘ၀ဲ အစားထိုး အထူး ပရောဂျက်အတွက် ဇာနည်ဝင်း ဆူရှီ ဆိုင်ကြီးက အကူအညီပေးတာကို မှတ်တမ်းတင် ဂုဏ်ပြုကြောင်း စာရွက်တရွက် ပို့ပေးလိုက်။

ရန်ကုန်က ဆူရှီဆိုင်တွေကိုလည်း လျှို့ ဝှက် ညွှန်ကြားချက် ထုတ်ပါ။ ရေဘ၀ဲ မစားရ၊ ရေဘ၀ဲ မရောင်းရ၊ ရေဘ၀ဲကို တခြား ငါးတွေနဲ့ အတူ မထားရ၊ ရေဘ၀ဲကို မှန်ပေါင်းချောင် ကြီးကြီးထဲ ထည့်ရမယ်။ ပြီးရင် ဘုရားစင်ပေါ် တင်ထားရမယ် စသဖြင့်။

လက်ရှိ ကောင်မလေးနဲ့ ပတ်သက်ပြီး သေချာလုံခြုံရေးယူ။
လူမြင်ကွင်း ထွက်အောင် ခိုင်းထားတဲ့ အတိုင်း န၀တတ - ရှစ်လုံးတဦးတည်း သေချာ စီစဉ်လုပ်ဆောင်ပါ၊ လိုအပ်ရင် ယတြာ ချေပါ။ စီစဉ်တဲ့ အချိန်မှာ အင်္ဂါသားကို ဆင်ကြယ်ဖိနပ်စီးခိုင်းပြီး အရှေ့မြောက်အရပ်ကို မျက်နှာမူပြီး စ-ဓ-ဗ-၀ စားတတ်ရင် ဗိုလ်ချုပ်တွေ ၀တယ် လို့ စိတ်ထဲကနေ အတွင်းအားနဲ့ ၅ ကြိမ် ရွတ်ခိုင်းပါ။ ပြီးရင် စနေထောင့်မှာ ပန်းလှူပါ အဲ - အနောက်ဘက်ကို ကိုယ်ဖော့ပညာနဲ့ ကွမ်းတယာညက်လောက်ကြာအောင် ပြေးခိုင်းပါ။ ဒါဆို ငါတို့ စီမံကိန်း အောင်ပြီ။

စာကြွင်း - Mr. Creator ဆိုတဲ့ ဒီဇိုင်းဆရာတယောက်က ငါ့ ဓာတ်ပုံ တခု ဖြတ်ညှပ်ကပ် လုပ်ထားတယ်လို့ ကြားတယ်။ အီးမေးနဲ့ ဖြန့်တာ မြင်ရသူတိုင်း သဘောကျတယ်လို့ ဆိုတယ်။
အဲဒီ ဓာတ်ပုံကို ကော်ပီ သန်း ၆၀ ကူးပြီး မြန်မာတပြည်လုံးက ပြည်သူတွေကို တယောက် တပုံ ဝေပါ။ ဒါဟာ ငါ့ရဲ့ ဆရာအသစ် ဘိုးတော် မင်းနိုင်သူ (ခေတ္တ-ဇင်းမယ်) အီးမေးလ်ပို့လိုက်တဲ့ အကြံပဲ။

ကြိုတင်မဲ စီမံကိန်းတုန်းကလို အားနည်းချက်တွေ မဖြစ်စေနဲ့။ ဒီတခါ ခိုင်းတာတွေကို ပိပိရိရိလုပ်ပါ။

ဘဘ၊ လှလှပပ၊ နပတ

my post in irrawaddy blog and funny comments, ha ha ha




အရပ်သားတွေ သောင်းနဲ့ချီ အိုးပစ်အိမ်ပစ် ထွက်ပြေးရလောက်အောင် ဖြစ်ခဲ့တဲ့ အပစ်အခတ်တွေဟာ KNU လက်ချက် ဖြစ်ကြောင်း ဗိုလ်ချုပ်ကြီးတို့က သတင်းစာကနေ အတည်ပေါက် ပြောလိုက်ပါတယ်။

၈၈ ဆိုတဲ့ ဂဏန်းနဲ့ အစပြုတဲ့ နာမည်ကြီး ပါတီတခု တနေရာမှ မနိုင်အောင် လုပ်လိုက်တာလည်း KNU လက်ချက် ဖြစ်ကြောင်း မနက်ဖြန် ကြားရမယ် ထင်တယ်။

ဂျပန် စာနယ်ဇင်းသမား မြ၀တီသွားအောင် အခါတော်ပေးတာလည်း ကရင် လက်နက်ကိုင် အဖွဲ့ KNU ပဲ ဖြစ်ရမယ်။ မြ၀တီမြို့ဆိုတာ ကရင်ပြည်နယ်ထဲမှာ ရှိတယ်လေ။

ကျနော် မနေ့က ၁၅ မိနစ်ကြာအောင် ခေါင်းကိုက်တာလည်း KNU လက်ချက် ဖြစ်နိုင်တယ်။ ကရင်ပြည်နယ်ဘေးမှာ ၄ နှစ်လောက် နေခဲ့ဖူးတယ် ဆိုတော့ ဖြစ်နိုင်တာပေါ့။

ဟိုနေ့က ဒါရိုက်တာ တင်သန်းဦး ကွယ်လွန်သွားပြီလို့ ဆိုတယ်။ အဲဒါလည်း KNU လက်ချက် ဖြစ်ဖို့ များတယ်။ ဒီငနဲ မသေခင်က သုမွဲထသစ္စာ၊ သုမွဲထဂရုဏာတို့ ဘာတို့ ဆိုပြီး ရိုက်သွားတော့ KNU က သမ လိုက်တာ ဖြစ်မယ်။ အဲဒီရုပ်ရှင်ဇာတ်ကား ဖားအံမှာ သွားရိုက်တုန်းက KNU ကွန်မန်ဒိုတွေ သူ့ကို ခြုံခို တိုက်တာ ထိသွားတယ် လို့ ချင်းမိုင် ရုက္ခစိုးကြီးက ပြောတယ်။ အဲဒီတုန်းက ထိသွားတဲ့ အဆိပ်အပ်က အခုမှ အစွမ်းပြတာ ဖြစ်မယ်။

(ဘီရုမာရဲ့ ကာတွန်းကို ဖျက်လိုက်မိတယ်။

27 comments: ထဲက ရယ်စရာ ကော်မန့် တွေကို ကူးလာခဲ့ပါတယ်။

သန်းရွှေသမီး ဗိုက်ကြီးတာလဲ KNU လက်ချက်ပဲ..။ ရွေးကောက်ပွဲမှာ မဲခိုးရတာလည်း KNU လက်ချက်ပဲ။ နေပြည်တော်ဆောက်ရတာလည်း KNU လက်ချက်ပဲ။ သန်းရွှေမိန်းမ မော်ဒယ်ဘွိုင်းတွေကို ခိုးစားနေရတာလည်း KNU လက်ချက်ပဲ။

အင်တာနက်တွေပျက်တာလည်းKNUကြောင့်ဖြစ်ရမယ်။:)

အောင်သိန်းလင်း အိမ်ကို ချီးထုပ်နဲ့ ပေါက်တာလဲ KNU ဗျ။


Irrawaddy ကို hack တာလည်း KNU ပဲဖြစ်မှာ... ဟီးဟီး

နန်းဆုရတီစိုးပျောက်တာလည်းKNUလက်ချက်ဘဲဖြစ်ရမယ်။
ပျဉ်းမနားမြို.လယ်ကဖာရုံတစ်ခုမှာစစ်ဗိုလ်တွေနဲ.ရပ်ကွက်ကကောင်လေးတွေမိန်းခလေးအသစ်ရောက်လာတော့လုကြရင်ရိုက်ကြ
တာKNUလက်ချက်ဘဲ။ကချင်ပြည်နယ်ကလယ်မြေတွေကိုဌေးမြင့်
ဆိုတဲ့နွားသိမ်းတာKNUလက်ချက်ဘဲ။မင်္ဂလာဒုံတပ်နယ်မှာကြက် ဈေးပေါလာတာကျနော်သိတယ်KNUလက်ချက်ဘဲ။

အေး...ကုန်ဈေးနှုန်းတက်တာလဲစစ်တပ်လုပ်တာ...ဟိုဟာဖြစ်တာလဲ
စစ်တပ်ဆိုပြီးခင်ဗျားတို့အော်နေကြတာကရော..တော်တော်တရားတဲ့လူတွေပဲ
ခင်ဗျားတို့ ထမင်းစားတာရောဟုတ်ရဲ့လားဗျ....

ဟေ့ အရူး..... အဲဒီ ကုန်ဈေးနှုန်းတို့.... စီးပွားရေးတို့ဆိုတာရော.... မင်းအဖေတွေထိန်းချုပ်ထားတာ မဟုတ်လား??? အဲဒီတော့မင်းအဖေကို လက်ညိုးမထိုးလို့ KNU ကိုလက်ညိုးထိုးရမှာလား?? မင်းခေါင်းထဲမှာ ဦးနှောက်ရှိရင် စဉ်းစားပေါ့...

ကုန်ဈေးနှုန်းတက်တာလည်း KNU လက်ချက်ပဲ၊ င်္FEC ဈေးကွက်မ၀င်တာလဲ KNU လက်ချက်ပဲ...ခစ်..ခစ်...ကျေနပ်ပလား။ နောက်ဘာတွေ ၀န်ခံပေးရဦးမလဲ...ခစ်..ခစ်..။ သြော်...ပိုက်ဆံအစုတ်တွေကို ပလတ်စတစ်အိပ်နဲ့ထည့်သုံးရတာလဲ KNU လက်ချက်ပဲ...ခစ်..ခစ်

လောလောဆယ် ရခိုင်ူပည်နယ်မှာတိုက်သွားတဲ့ ဂီရိ မုန်တိုင်းကလဲ KNU လက်ချက်ပဲဖြစ်ရမယ်။ :):):)

ဟီးဟီး။
KNU ; KNLA တော်မှန်း ခုမှ သိရသဗျာ။ ကျေးဇူးပါ။
တိုင်းပြည်သယံဇာတ တွေ ရောင်းစားပီး အိပ်ကပ်ထဲ ထည့် နေတာလဲ ကေအင်န်ယူ လားဘဲ။
တေဇ စသော ခေတ်ပျက်သူဌေး ကြီးတွေ ပေါ်လာတာလဲ ကေအင်န်ယူ လုပ်တာဘဲလား။
အခွန်ထမ်းပြည်သူတွေ ဂုတ်ပေါ်ခွစီးထားတဲ့ ဦးပိုင်၊ MEC တွေ ကလဲ ကေအန်ယူ တွေလားဗျာ။
ဟီးဟီး။

ကျွန်တော် အီအီး ပါတာ သန်ကောင်တစ်ကောင် ကျတယ်..အဲ့တာ KNU ကြောင့်ပဲလား ....ဟားဟားဟား....

မိုက်ရိုင်းလိုက်တဲ့ ကေအင်ယူ၊ ပြည်သူတွေဒုက္ခဖြစ်အောင်လုပ်တယ်။ မီးပျက်တာလဲ ကေအင်ယူ၊ အောင်သိန်းလင်းချမ်းသာနေတာလဲ ကေအင်ယူ၊ သန်းရွှေသမီးတွေ သောင်းကျန်းနေတာလည်း ကေအင်ယူပဲ။ ကြိုင်ကြိုင်ကြီး အငယ်လေးတွေနဲ့ ခေါ်တွဲနေတာလည်း ကေအင်ယူပဲ။ ဗမာပြည်အခုလိုဖြစ် နေတာလဲ ကေအင်ယူပဲ၊ စားစရာမရှိအောင်လုပ်တာလဲကေအင်ယူ၊ နာဂစ်နဲ့ ဂီရိလဲ ကေအင်ယူပဲ။ ကြံဖွတ် ရွေးကောက်ပွဲမှာနိုင်တာလဲ ကေအင်ယူပဲ။ အပြစ်မရှိတဲ့လူတွေ ထောင်ထဲရောက်တာလဲ ကေအင်ယူ၊ မိုက်ရိုင်းလိုက်တာ ကေအင်ယူရယ်၊ ဒါပေမယ့် ဗိုလ်သန်းရွှေကလည်း အရှက်မှမရှိပဲကိုး.....

မြန်မာပြည်က လူတွေ ABCD တောင် မသိကြတော့ဘူးနော် ..DKBA ကို KNU လို့ မှားအသံလွင့်တဲ့အထိ စာမတတ်အောင် ရိုက်ချိုးထားတာလဲ.........KNU လုပ်ထားတာပဲဖြစ်မယ်

ငါ့သမီး ဂျီကျနေတာ --ဟင်းးဟင်းဟင်း KNU

နိုင်ငံခြားသားတွေက မေးတယ်..ဘယ်သူမဲနိုင်သွားတာလဲတဲ့...????
သိရင်ဖြေကြားပေးပါ....

မဲနိုင်တာလဲ KNU ပဲ ဟီးဟီး
Please stop non-sense. Wars, armed conflict might be entertaining for watchers. But in real life, they are not movie. People are running for life. Please have some human heart.

Good comments! might be KNUss

အော် . . မနေ့က အိမ်မက်မကောင်းတာ အခုမှဘဲ အဖြေတွေ့တော့တယ် .. KNU ကြောင့်ကိုး . . တော်တော်ဆိုးတဲ့ KNU အိမ်မက်ထဲအထိ . .

Nov 15, 2010

The SPDC - Than Shwe (Burmese political song)

ပေါတာကြီးကို ဂုဏ်ပြုတဲ့ သီချင်း
ယူကျုမှာ ရှိ

Nov 10, 2010

ဆရာတွေ စာတတ်ဖို့  လိုတယ်း)



တနင်္လာနေ့ထုတ် အသံ ဂျာနယ်မှာ ပါတဲ့ ဟာသ။
နိုင်ငံရေးသမားတွေကို နှိပ်ကွပ်ထားတာ။
ပြောင်လှောင်ရတဲ့ ရည်ရွယ်ချက်ကတော့ အမျိုးမျိုး ရှိနိုင်တယ်။

ပြောင်ချင်စရာပါပဲ။
တော်တော်များများက စာမတတ်ကြဘူး။
အထူးသဖြင့် သတင်းထောက်နဲ့ စကားပြောတဲ့အခါပေါ့။

သတင်းသမားက သူရေးမယ့် သတင်းအတွက် ဒီဆရာတယောက်ယောက်ကို ဗျူးပြီဆိုရင် အရှည်ကြီး ပြန်ဖြေတာမျိုးနဲ့ ကြုံရတာ မကြာခဏပါ။

ဒီဆရာတွေ မသိတဲ့ အချက်က သတင်းသမားမှာ စာလုံးရေ အကန့်အသတ် ရှိတယ် ဆိုတာပဲ။ ရုပ်သံ - ရေဒီယို ဆိုရင် အကန့်အသတ် ပိုများတယ်၊ သတင်းတပုဒ်ကို လွှင့်ချိန် ၁ မိနစ် ၀န်းကျင်။

အဲဒီလို အကန့်အသတ် ရှိတာ ဒီဆရာတွေ မသိဘူး)

သတင်း တက်လာလို့ ဖတ်-ကြည့်-နားထောင် တဲ့အခါ ဒီဆရာတွေက မကျေနပ် -"ငါပြောတာတွေ အကုန်လုံးကို ဒီငနဲ (သို့မဟုတ် ဒီငနဲမ) ဘာကြောင့် မထည့်ရတာလဲ" ပေါ့လေ။

အဖြေကတော့ - "အယ်ဒီတာတွေ ဖြုတ်လိုက်တယ်"

ယုံချင်ယုံ၊ မယုံချင်နေ အဲဒီလို ဖြေလိုက်တာ ပိုကောင်းမယ်။
ဒီဆရာတွေ ပြောသမျှ (သို့မဟုတ် အတော်များများ) ကို သတင်းထဲ ထည့်ရင် အယ်ဒီတာက ဆဲမယ် ဆိုတော့ ဘယ်သတင်းသမားမှ ထည့်ကြမယ် မဟုတ်။

ဒီပို့စ်ကို တင်တုန်းကတော့ အပေါ်က ဟာသလေးပဲ တင်မလို့ပါ။
အခုတော့ ကျနော်လည်း အဲဒီ ဟာသထဲက နိုင်ငံရေးသမားနဲ့ တူလာပြီး)

လေကြော ဆက်ရှည်ရရင် -

နိုင်ငံရေးသမားတွေ သတင်းထောက်မေးခွန်းကို လိုတိုရှင်း တုန့်ပြန်ဖို့ အရေးကြီးတယ်။

၁။ ဒါဟာ - နိုင်ငံရေးသမားတယောက်ရဲ့ အရည်အချင်းကောင်းဖြစ်တယ်။ (ဟုတ်မယ် ထင်တယ်၊ ဟုတ်မှာပါး)
၂။ သတင်းသမားက သတင်း ရေးသား ပြင်ဆင် ဖြတ်ညှပ်ကပ် တည်းဖြတ် ရတာ အဆင်ပြေတော့ အဲဒီနိုင်ငံရေးသမားကို အထင်ကြီးမယ်။ ဒီလူ (သို့မဟုတ် ဒီလူမ) နဲ့ပဲ ဗျူးချင်တယ် ဆိုတဲ့ စိတ် ၀င်လာတယ်။ သူ့ကို ဗျူးရတာ ငါ့သတင်းအတွက် အဆင်ပြေတယ်ပေါ့ဗျာ။

လေကြောရှည်သူနဲ့ဗျူးရရင်တော့ သေပြီဆရာပဲ။ အသံဖမ်းထားတာကို ပြန်ရစ်ပြီး နားထောင်ရင်း ကျိန်ဆဲပေတော့။ အဲဒီအချိန်မှာ အယ်ဒီတာမင်းများက ဆူပြီပူပြီအော်ပြီ ဆိုရင် အသံဖမ်းစက်ကိုပဲ ပေါက်ခွဲလိုက်ချင်စိတ်၊ လေကြောရှည်သူကိုပဲ လည်ပင်းသွားညစ်ချင်စိတ် ပေါ်လာနိုင်တယ်။

ကျနော်က သတင်း မလိုက်ဖြစ် မဗျူးဖြစ်သလောက်ပဲ ဆိုတော့ ဒီပြဿနာ မကြုံရဘူး။

မနှစ်က ရေးဖြစ်တဲ့ထဲက တပုဒ်အတွက် သခင်ချန်ထွန်းကို ဗျူးတယ်။ မရေးမဖြစ် ခပ်ရိုးရိုး နိုင်ငံရေးသတင်းတပုဒ်ပါပဲ။ ဥပမာ - ရာဇလီ လာတယ်၊ ရာဇလီ ပြန်တယ် ဆိုတာမျိုးပေါ့။
ဖုန်းလိုင်းက မကောင်းဘူး။ ကျနော် နှုတ်ဆက်ချိန်က ၁၀ စက္ကန့်၊ မေးခွန်းကလည်း ၁၀ စက္ကန့်ဝန်းကျင်ပဲ ကြာမယ်။ သခင်ချန်ထွန်း အဖြေကလည်း စက္ကန့် ၂၀ ထက် မပိုဘူး။ အဘ သခင်ချန်ထွန်းက သတင်းသမားဉာဉ်ရှိတယ် လို့ ပြောရမလား။ လိုတိုရှင်း ပြောတတ်သူလို့  ဆိုရမလား။ သတင်းသမားတွေ ရေးသား တည်းဖြတ်ရလွယ်အောင် ပြောနိုင်တယ် ဆိုရမလားပဲ။

နိုင်ငံရေးသမားတွေ၊ လေ့လာအကဲခတ်သူတွေ၊ ပညာရှင်တွေကလည်း သတင်းတွေ နားစွင့်နေတာ။ ဒါဟာ သူတို့အလုပ်လည်း ဖြစ်တယ်၊ ဒါမှ သုံးသပ်ချက် ထင်မြင်ချက် ပေးနိုင်မယ်။ တခုခုဖြစ်ပြီ ဆိုတာနဲ့ သူတို့က ဘယ်လို ပြောလိုက်မယ်၊ တုန့်ပြန်လိုက်မယ် ဆိုတာမျိုး ဖြစ်နေတတ် အဆင်သင့် ရှိနေတတ်တယ်။

ဒီဆရာတွေ စာတတ်ဖို့ လိုတယ်။ ဒါမှ သတင်းထောက်တွေ အသက်ရှူ ချောင်မယ်း)


Nov 7, 2010

cats and dogs part 1

ဒီနေ့ ရွေးကောက်ပွဲနေ့။ ဘာကို ရွေးကောက်ရရင် ကောင်းမလဲ။
အင်တာနက်မှာ ရှာတော့ ရွေးကောက်စရာတွေက သိပ်များတာပဲ။
စိတ်ထဲကနေ နံရိုး နံကြားထောက်ပြီး ခွေးနဲ့ကြောင်ပုံကို ရွေးကောက်လိုက်တယ်။

ခွေးကြီးတကောင်နား သွားရပ်မိတဲ့ ကြောင် တကောင် ဘာဖြစ်သွားသလဲ။ အင်း ဘာမှ မဖြစ်ပါဘူး) ခွေးက သဘောကောင်းလို့လား ခွေးစိတ်ပျောက်နေလို့လား မသိဘူး
MSN ၀က်ဆိုက်က ရပါတယ်။ကြောင်က ခွေးအရိပ် ခိုသဗျ။ ပြီးတော့ ဘာလုပ်သလဲ။ အရိပ်ကောင်းတော့ အနားယူပြီပေါ့။း)

ကျနော့်ခွေးတွေနဲ့များ ကွာပါ့။ ကျနော့်ခွေးတွေအကြောင်း cats and dogs part 2 ဆိုပြီး တရက်ရက်တော့ ရေးရအုံးမယ်။
မူရင်းပုံမှာတော့ ဟောဒီလို စာညွှန်း ပါတယ်။
အမေကြီးကား Ohio ပြည်နယ်က ခွေးနဲ့ကြောင် တဲ့။

In this three picture combo, played out on the front walk of an Amish family in Middlefield, Ohio, a black cat approaches a resting dog, and then makes herself quite comfortable with her newfound friend. Family members said that the dog belonged to a neighbor, and the feline was one of their many barn cats.

ကဲ - ခင်ဗျားကရော ခင်ဗျားဘလော့အတွက် ဘာတွေ ရွေးကောက်မလဲ?

Nov 4, 2010

country style

ဒီမိုကရက်တစ်ပါတီရဲ့ ကြို့ပင်ကောက် မဲဆွယ် ဟောပြောပွဲ ဖြစ်ပါတယ်။ (Nov 3 - AP photo)
ကော်ဇော၊ အိပ်ယာခင်း တို့ကို စားပွဲမှာ ခင်းထားတယ်။ အသစ်တွေဖြစ်မှာပါ။ အမြင်ဆန်းတာပေါ့။ နောက်ခံအတွက် အနည်းဆုံး စောင် ၂ ထည်၊ လိုက်ကာ ၁ ခုကို သုံးထားတယ်။
ဒါလည်း အမြင် ဆန်းတာပါပဲ။
ဆံပင်ဖြူ အမျိုးသမီး ၂ ဦးလည်း ပရိသတ်ထဲ ရောက်နေတယ်။
အားနည်းချက် တခုလို့  ပြောရမလား - ပရိသတ်ထဲ လူကြီးတွေ ရောက်နေပေမယ့် လူငယ်တွေ ခုံအမြင့်နဲ့ ဖြစ်နေတယ်။ ကြမ်းတပြေးတည်း ထိုင်ဖို့ စီစဉ်ထားရင် ပိုကောင်းမယ်။ နယ်ခံတွေ စီစဉ်တာ ဖြစ်ဖို့ များတယ်။

နယ်က သာရေးနာရေးတွေမှာ အဲဒီလိုပဲ၊ စောင်တွေ အိပ်ယာခင်းတွေနဲ့ မဏ္ဍပ်ကို အလှဆင်ကြတယ်။ ဘုန်းကြီးကျောင်းက ငှားတာ ရှိသလို ရပ်ရွာ လူမှုရေး အဖွဲ့တွေဆီကလည်း ငှားကြတယ်။

ဒီပုံကို မြင်ရတာ ကျေးလက်ကို သတိရစရာပဲ။

Oct 28, 2010

i don't know!

စလုံး နိုင်ငံခြားရေး ၀န်ကြီး George Yeo နဲ့ အပြုံးချင်း ဖလှယ်နေတာကတော့ ကြံ့ဖွံ့ ၀န်ကြီး ဦးဉာဏ်ဝင်း ဖြစ်ပါတယ်။ ဗီယက်နမ် အာဆီယံပွဲမှာ မနေ့က ရိုက်ထားတဲ့ AFP သတင်းဌာနရဲ့ ပုံပါ။
ဘယ့်နှယ်လဲ ချစ်စရာ မကောင်းဘူးလား။
အင်းပါ၊ ဟုတ်ပါတယ်၊ နောက်က အမျိုးသမီးကို ပြောတာပါး)

နိုင်ငံတကာ ဆွေးနွေးပွဲ တက်ပြီ ဆိုတော့ ၀န်ကြီးခမျာ မေးခွန်းတွေနဲ့ ရင်ဆိုင်ရတ
ာပေါ့။
ဒေါ်အောင်ဆန်းစုကြည်ကို ရှေ့လထဲ တကယ်လွှတ်ပေးမှာလား ဆိုတဲ့ မေးခွန်းကို ဦးဉာဏ်ဝင်းက သူ ရေစစ္စရီ လုပ်ထားတဲ့ စကားလုံး သုံးပြီး ပြန်ဖြေတယ်လို့ ဆိုပါတယ်။
ဝန်ကြီး သုံးလိုက်တဲ့ စကားလုံးကတော့ I don't know ဖြစ်ပါတယ် တဲ့။ သွပ် - သွပ် - သွပ်
------------------------------------------------

အောက်ကပုံကတော့ AP က ရိုက်လိုက်တဲ့ ပုံပါ။ မနေ့က ရန်ကုန်မြို့ သတင်းစာရှင်းလင်းပွဲမှာ ဆိုပဲ။ ဟုတ်ပါတယ် ဒီပုံထဲကလူဟာ သွားလေသူ မြို့တော်ဝန် ဦးအောင်သိန်းလင်း ဖြစ်ပါတယ်။ ဘောင်းဘီဝတ် ဗိုလ်မှူးချုပ် ဘ၀ကနေ ကြံဖွံ့အမတ်လောင်း ဦးအောင်သိန်းလင်း ဖြစ်သွားလေသူ ကို ဆိုလိုတာပါ။ သွားလေသူ ဆိုတဲ့ စကားလုံးကြောင့် ၀မ်းနည်းဝမ်းသာ မဖြစ်ကြပါနဲ့အုံး)

သူ့အကြည့်က ၀ါးမယ် စားမယ် ဆိုတဲ့ အကြည့်မျိုး ထင်တယ်။
ဝါးမယ် စားမယ် ဆိုတာ အခွင့်အရေးမှန်သမျှ လက်ကုန်နှိုက်တာကို ပြောတာ မဟုတ်ပါဘူး၊ မေးခွန်းထုတ်တဲ့ သတင်းထောက်ကို အမှုန့်ကြိတ်ပစ်မယ်၊ ကြိတ်လို့ မရရင် ၀ါးစားပစ်မယ် ဆိုတဲ့ အကြည့်နဲ့ တူတယ်လို့ ပြောတာပါ။

ရယ်စရာ ကောင်းတာက ဒီဆရာကို သတင်းစာရှင်းလင်းပွဲမှာ မေးခွန်းတွေ ဖြေဖို့ တာဝန်ပေးတဲ့ကိစ္စပဲ။ အမြှော်အမြင် ကြီးပါပေ့ ချိုကုပ်ဒူးကြီးရယ်။ ဦးအောင်သိန်းလင်းက နိုင်ငံရေးသမား လုပ်လို့ မရသေးဘူး ဆိုတာ အခုလောက်ဆို ချိုကုပ်ဒူးကြီးဆီ အစီရင်ခံစာတွေ တက်လောက်ပြီ ထင်ပါရဲ့။

မလိမ်တတ်ဘူး ဆိုပဲ ဒီဆရာက။

ကြံ့ဖွံ့ ဆိုင်းဘုတ်ထောင်ပြီး လမ်းခင်းတာက နိုင်ငံပိုင်ငွေနဲ့  ခင်းသလား၊ ကြံ့ဖွံ့ငွေနဲ့ ခင်းသလား ဆိုတဲ့ မေးခွန်းကို "မဖြေနိုင်ဘူး"လို့ မစ္စတာအောင်သိန်းလင်းက ပြောလိုက်တယ်လို့ ဘီဘီစီသတင်းမှာ နားထောင်လိုက်ရပါတယ်။ ဒီလိုဖြေမယ်ဆိုရင်လည်း အစကအတည်းက ရှင်းလင်းပွဲ မလုပ်နဲ့ပေါ့၊ မဟုတ်ဘူးလား။

ဘာကြောင့် ကြံ့ဖွံ့ကလမ်းခင်းတယ်ဆိုပြီး ကျောက်တိုင်တွေ ဆိုင်းဘုတ်တွေ စိုက်ရသလဲ လို့ ထပ်မေးတော့ အဲဒီလမ်းကို သွားမေးဖို့ မြို့တော်ဝန်က ပြန်ဖြေပါသတဲ့။

မြို့တော်ဝန်ရဲ့ဖြေနည်းတွေက မော်ဒန်ပါပဲ လို့ ဖေးဖေးမမ ပြောရမလား၊ ပေါကြောင်ကြောင်လို့ ပွင့်ပွင့်လင်းလင်း ပြောရမလား မသိတော့ပါဘူး။

ဒီ ဓာတ်ပုံ ၂ ပုံအကြောင်း လက်ဆော့ထားတဲ့ ဒီစာကို ရယ်စရာအဖြစ် သတ်မှတ်ပြီး fun ဆိုတဲ့ Labels တပ်မှာပါ။ ဒီစာက မရယ်ရဘူး ဆိုရင်တော့ အောက်က အပြောင်းအလဲတွေ လုပ်တဲ့ ဗိုလ် သန်းရွှေ အတွက် ကြောင်ရုပ်လေးပေးတဲ့ အကြံ ကို နားထောင်လိုက်ပါ။ အမှန်တကယ် ရယ်ရမှာဖြစ်ကြောင်း အာမခံပါတယ်း) :D

နားထောင်ပြီးပြီ ဆိုရင်လည်း ထပ်နားထောင်ဖို့ တိုက်တွန်းပါတယ်။ သေချာပေါက် ထပ်ပြီး ရယ်ရပါစေ့မယ်း)
--------------------------------------------------

Oct 27, 2010

ladies

ဒီကလေးမ LA က ဖြစ်မယ် ထင်တယ်။ ချစ်စရာ။
LA အခြေစိုက် ဆရာများရဲ့ ၀က်ဆိုက်ကနေ ကော်ပီကူးထားတာမို့ အဲဒီလို ထင်တာပါ။ LA သွားတုန်းက မတွေ့ခဲ့ပါဘူး။
ကလေးမရဲ့ တခြားပုံတွေလည်း ရှိပါ့။ ရေကူးဝတ်စုံ ဘီကီနီနဲ့မို့ အဲဒီပုံတွေက ဒီမှာ တင်ထားလို့ မကောင်းဘူး။ (ပုံကြီးချဲ့ပြီး နံရံမှာ ကပ်ထားမှ ကောင်းမယ်း)

ဒီပုံမှာ နောက်ခံ မျဉ်းတွေက ပုံကို အထောက်အကူ ပေးနေသလိုပဲ။ ဘယ်လို ထင်လဲ။
အင်း - ဘက်ဂရောင်း အကူအညီ မပါလည်း ဒီကလေးမ ချစ်စရာ ကောင်းနေတာပါပဲ။

ဝတ်စုံကလည်း မိုက်တာပဲ။
ကဲ - လာခဲ့ နောက်တပုံ။



ဒါလည်း အဲဒီ ၀က်ဆိုက်က ယူထားတာပဲ။ ကြာပါပြီ။ သနပ်ခါးနဲ့ ဆိုတော့ ကြည့်လို့ ကောင်းသွားတယ်။ သနပ်ခါး မပါရင် သာမန်ပဲ ဖြစ်မယ် ထင်တယ်။ အင်း - မသေချာဘူး။ သနပ်ခါး မပါဘဲ အပြင်မှာ ဆုံဖြစ်မှ သေချာ ဆုံးဖြတ်နိုင်မယ်း)

ဒါကတော့ နန်းဆုကေဆွမ်
ဦးစွာဂီတ (first music) ဂျာနယ်ထဲက ဖြတ်ညှပ်ကပ်ထားတာ။ သူ့ ဒူးပေါ်ကဟာ အသားကပ် ဘောင်းဘီလား၊ ဆင်ဆာ ဖြတ်ထားတာလား မသိရဘူး။
ဒီပုံလည်း တင်ဖို့ မရည်ရွယ်ပါဘူး။ ဖြတ်ညှပ်ကပ်ထားပြီး ဘာလုပ်ရမှန်း မသိတာနဲ့ ကောက်တင်လိုက်တာ။ ဘလော့မှာ ဘာမှ မတင်တာ ကြာပြီလေ။ ရန်ကုန်က မွေးစားမေမေကလည်း စီဘောက်ကနေ လှမ်းလှမ်းအော်နေလို့ တခုခုတော့ တင်သင့်ပြီ ဆိုပြီး ဒီပုံလေးတွေ တင်လိုက်ခြင်းပါပဲ။

Oct 21, 2010

follow-up post


မြန်မာပြည်မှာ တယ်လီဖုန်း ဆက်သွယ်ရေး အံ့မခန်း တိုးတက်မှုကို သရော်ထားတဲ့စာတစောင် ဟိုနေ့က ဒီဘလော့မှာ တင်လိုက်တယ်။ အဲဒီတုန်းက ရေးသူ ဘယ်သူမှန်း မသိဘူး။

ဒုက္ခရောက်ချိန်မှာ ဖုန်း ၄ လုံး ရှိပါလျက်နဲ့ သေရတဲ့အကြောင်း။ တယ်လီဖုန်းလိုင်းတွေ အေးချမ်းသာယာ အဲ - - အသုံးမကျပုံကို ဆော်ထားတာ။

စာတပုဒ် ဖတ်လို့ ကောင်းတယ် ဆိုရင် ဒီလိုပဲ အီးမေးလ်နဲ့ လက်ဆင့်ကမ်းကြတယ်။ (ကျုပ်ရေးတဲ့စာတော့ ခုထိ ကျုပ်ဆီ အီးမေးနဲ့ ရောက်မလာသေးဘူး။ ဖတ်မကောင်းဘူး ထင်ပါရဲ့။ အင်း - ကောင်းကောင်း ရေးအုံးမှပဲ။ နက်ကတိုင်တွေ ဘာတွေ တပ်ပြီးတော့လေး)

စောစောက စကား ပြန်ဆက်ရရင် လက်ဆင့်ကမ်း အီးမေးပို့ပြီး ဖြန့်တဲ့အခါ ရေးသူအမည် မပါတတ်သလို ဘယ်ဝက်ဆိုက်က ယူတယ် ဆိုတာလည်း မပါတာ မဖော်ပြတာ များတယ်။

အဲဒီ သရော်စာရဲ့ မူရင်း ၀က်ဆိုက် လိပ်စာ နောက်မှ သိရလို့ နောက်မှ ထည့်ပေးလိုက်ပါတယ်။ ကာယကံရှင် စိတ်မကွက်ဘူး ထင်ပါရဲ့။

ဒီလိုပဲ သူများရေးတဲ့စာကို ကိုယ့်ဘလော့မှာ တင်တော့ အကျိုး ကျေးဇူး တချို့က - ရေးရ သက်သာ အချိန်ကုန် သက်သာတာပါပဲး) ကိုယ့်ဘလော့မှာ တင်တာ အားမရလို့ ဧရာဝတီ ဘလော့မှာပါ သွားတင်ပစ်လိုက်တယ်း)

ကျနော့် ဘလော့ကို ပုံမှန် အဆက်မပြတ် အားပေးသူ တယောက်က ရန်ကုန်ကနေ ကော်မန့် လှမ်းရေးတယ်။

“နိုင်ငံတော်”က blogspot ကို ပိတ်ထားတယ်လေ (--x%*_@^+?#f/9=q--# နိုင်ငံတော်)။ ပိတ်ထားတဲ့အတွက် မေမေလေးက ဘလော့ကို ကျော်ခွဝင်ပြီး ဖတ်ရတယ်။ သို့ပေမယ့် ကော်မန့် ပေးလို့ မရဘူး လို့ ဆိုတယ်။ ပရော်စီတွေကလည်း ဖတ်ရရုံလောက်ပဲ အားကိုးရတယ် ထင်ပါ့။

ကော်မန့် ပေးမရလို့ သူက အီးမေးလ် ပို့လိုက်တယ်။ ဒါကြောင့် သူ့ကော်မန့်ကို ပို့စ် တခု အဖြစ် တင်လိုက်ပါတယ်။ ဖတ်ကြပါအုံး)

ရေးကြဗျို့ ရေးကြ.. ဒါလေးများ.. GSM ဆိုတာ ဘေးချင်းကပ် GSM ချင်း ဆက်ရင်တောင် ဆက်သွယ်မှု ဧရိယာ ပြင်ပ ရောက်နေရုံလောက်လေးဟာ။ ၅ သိန်းတန်ကလဲ သတ်မှတ်ထားတဲ့ ဧရိယာထဲမှာတောင် မိချင်ရင် မိတယ်၊ မမိချင်ရင် မမိဘူး။ ဘာဖြစ်လဲ.. ခါတော်မီ.. မဲဆွယ်ကောင်းရုံ ထုတ်ထားတာကိုဘဲ။ ကမ်းရိုးတန်းဖုန်း ဆိုတာလဲ နာဂစ်အရှိန်နဲ့ ပိုက်ဆံရမှန်း သိလို့ နံပါတ်တွေ တိုးရင်းပွားရင်းနဲ့ တောင်မမိ မြောက်မမိဖြစ်နေတာလေးရယ်ပါ။

iphone ကျတော့ကော ပိုက်ဆံ ချူကောင်းရုံ ထုတ်ထားတာလေ။ gmail ကို သုံးရက် ကြာတာတောင် ၀င်မရဘူးလို့ မပြောနဲ့.. အခိုင်အမာ adsl လို မျိုးတောင် ပုဂ္ဂလိက လိုင်းမျိုးဆို နံနက်စောစောနဲ့ သန်းခေါင်ကျော်လောက်ဘဲ အင်တာနက်လို့ ရနေတာ။ နှေးသမှ ပက်ကျိကွန်နက်ရှင် လို့ နာမည် ရထားပြီးသားဗျ။ ခုလဲ အကြားအမြင် ရပ်ကွက်က မကြာမီ လာမည် ဆိုတဲ့ “ဂေါက်ရွေးပွဲ” ကြီး မတိုင်မီ အင်တာနက် သုံးသူအားလုံး ကို ဆက်သွယ်မှုဧရိယာ အပြင်ဖက် ရောက်အောင် ပို့ထားမလို့ တဲ့။ မျက်ခုန်းကတော့ ခပ်လှုပ်လှုပ်ရယ်။

ဗိုလ်ချုပ်အရေလဲ သိန်းဇော် တို့က ဒါနဲ့များ သူ့ကိုယ်သူအရွေး ခံရမယ် ထင်နေသေးဗျား။ အားကြိုးခနွဲ မဲတွေ ဆွယ်လို့.. ဟီဟိ..။ ။

ရေးသာရေးရ ဒီစာစုလေးက မြန်မာပြည် ကို ဆိုလိုတာ မှ ဟုတ်ပါစ လို့ အတွေးစလေးက ၀င်လာပါရဲ့။ တကယ်တော့ မြန်မာပြည်ရဲ့ ကြန်အင်လက္ခဏာ ဆိုတာက… လျှပ်စစ် မီးပျောက်..ရေမလောက်၊ ဆက်သွယ်ရေးခက်.. လမ်းကပျက်..၊ လူတွေကမွဲ..ရောဂါစွဲ..။ အင်း.. တွက်မပြနိုင်တတ်အောင် အဆိုးတွေ အတန်ပင် များပါရဲ့.. ခုတော့ မီးမလာ ဆက်သွယ်ရ ခက်ရုံလေးနဲ့ သေရသတဲ့လား ဟယ်.. တခါတည်းမှဘဲ.. နော့..။

Oct 19, 2010

a joke from Rangoon

ရန်ကုန်က ကျနော့် မေမေ အီးမေးလ် ပို့လိုက်တာပါ။
http://chanye-chanye.blogspot.com/ ကနေ ကော်ပီယူပြီး ဖြန့်ပါတယ်
ဖတ်ပါအုံး။
a joke from Rangoon

မြန်မာနိုင်ငံရှိ ပုဂ္ဂလိက အရောင်း စင်တာတစ်ခုတွင် ဖြစ်သည်...။

လုံခြုံရေးဝန်ထမ်း တစ်ဦးက စတိုးဆိုင်ပိုင်ရှင် သူဌေးနှင့် အတူ ဓာတ်လှေခါးထဲတွင် မီးပျက်၍ ပိတ်မိနေ၏။

အလုပ်သိမ်းချိန် နောက်ဆုံး ပြန်သူများဖြစ်သောကြောင့် မည်သူ့ကိုမှ အကူအညီတောင်းရန် မလွယ်ကူပေ။ နောက်ရက်မှစ၍ အရောင်းစင်တာ တစ်ခုလုံး သီတင်းကျွတ် ၅ရက် ပိတ်မည် ဖြစ်သောကြောင့် နောက်နေ့များတွင်လည်း မည်သူမျှ ရှိမည် မဟုတ်။

ဓာတ်လှေခါးထဲမှ အရေးပေါ်ခလုပ်ကို နှိပ်သော်လည်း အလုပ် မလုပ်သဖြင့် စိတ်ဓာတ်ကျသွား၏။ ဤအခြေအနေတွင် အောက်စီဂျင် အခဲအခက်ကြောင့် ၂ ရက် ၃ ရက်လောက်ကြာလျှင် အသက်ပါ သေဆုံးနိုင်သည့် အခြေအနေနှင့် ရင်ဆိုင်နေရသည်။

၂ ယောက်စလုံး မထင်မှတ်ဘဲ လတ်တလော ဖြစ်ပွားခဲ့သော ချီလီနိုင်ငံ မိုင်းတွင်း ပိတ်မိသော လုပ်သမားများ အဖြစ်အပျက်ကို တွေးမိပြီး မဆီမဆိုင် ပျော်ရွှင်သွားသည်။

"နောက် ၂ ၊ ၃ ရက်အကြာ ကယ်ဆယ်ရေးဝန်ထမ်းများ သူတို့ကို လာကယ်မည်...
သူတို့ လွတ်မြောက်လာသောအခါ လူတကာက ဝိုင်းဝန်း ကြိုဆို ဂုဏ်ပြုကြမည်...
အကျိုးခံစားခွင့်များ ရမည်..."

စသဖြင့် တွေးရင်း အရေးပေါ် ကယ်ဆယ်ရေးကို ဆက်သွယ်နိုင်လျှင် အဆင်ပြေပြီဟု စဉ်းစားပြီး ဆက်သွယ်ရေး အတွက် တိုင်ပင်ကြသည်။

သူဌေးက လက်ထဲရှိ GSM ဖုန်းကို ကြည့်လိုက်သည်...
Service Signal လုံးဝ မမိ။

ဟန်မပျက်ဘဲ ခါးကြားတွင် ချိတ်ထားသော ၅သိန်းတန် ဖုန်းကို ထုတ်၍ ကြည့်လိုက်သည်..
service signal အပြည့်။

လုံခြုံရေးဝန်ထမ်းကို မချိပြုံး ပြုံးပြလိုက်ပြီး မီးသတ်ကို ဖုန်းလှမ်းခေါ်သည်
"လူကြီးမင်း၏ ဖုန်းသည် သတ်မှတ်ဧရိယာကျော်လွန်နေသဖြင့် ခေါ်ဆို၍ မရနိုင်ပါရှင်"

စိတ်ဓာတ်မကျသေးဘဲ နောက်ထပ် ကန်းရိုးတန်းဖုန်းကို ထုတ်ပြီး ခေါ်သည်...

လိုင်းဝင်သည်။ သို့သော် သူပြောတာ ကိုယ်မကြား၊ ကိုယ်ပြောတာလည်း သူကြားပုံမရ။
"မကြားရဘူး" ဟု ပြောလိုက်သော အသံတစ်ခုသာ ကောင်းကောင်း ကြားလိုက်ရပြီး ဖုန်းကျသွားသည်။

ထို့နောက် ဖုန်းလိုင်း လုံးဝ မဝင်တော့။ မက်ဆေ့ခ်ျ ပို့ဖို့လည်း မစဉ်းစားမိလိုက်။

မျှော်လင့်ချက် မရှိသလောက် ဖြစ်နေချိန်တွင် ခေတ်မီသော လုံခြုံရေး ဝန်ထမ်းက သူဌေးထံမှ iphone ကို မြင်သွားသည်။ ထို့ကြောင့် internetကို wireless ဖြင့် ဝင်ပြီး ဆက်သွယ် အကူအညီ တောင်းကြည့်ရန် အကြံပေးသည်။

အကြံပေးသည့် အတိုင်း အိုင်ဖုန်းဖြင့် အင်တာနက် ချိတ်ကြည့်ရာ wireless မိသည်။ ၂ယောက်လုံး ပျော်သွားသည်။ နည်းပညာရဲ့ အကျိုးကျေးဇူးတွေပဲ။
xxxxxxxxx

နောက် ၃ ရက်အကြာ...

ကယ်ဆယ်ရေးအဖွဲ့များ ဓာတ်လှေခါးကို ဖွင့်ထုတ် ကယ်ဆယ်ခဲ့သော်လည်း နှစ်ဦးစလုံး အသက်ရှူ ကြပ်ပြီး သေဆုံးနေကြလေပြီ။

သေဆုံးသူတို့ အနီး တဝိုက်တွင် ဟန်းဆက် ၄လုံးကို တွေ့ရသည်။
ထိုဖုန်းများထဲတွင် အိုင်ဖုန်းက Gmail page ကို loading လုပ်နေသည်ကိုလည်း တွေ့ရှိရလေ၏။
xxxxxxxxx

နေရာတကာ ပါဝင်တတ်သော ပါလရာကြီး ၄ဦးက သေဆုံးနှစ်ဦး၏ အသုဘတွင် ဝမ်းနည်းခြင်း အထိမ်းအမှတ်အဖြစ် အောက်ပါအတိုင်း လှူဒါန်း နှစ်သိမ့်ပေးခဲ့သည်။
* ဦးတေဇထံမှ ကျပ် ၁ သိန်းတန် ကျွန်းသား ခေါင်းတလား ၂ လုံး
* မြန်မာနိုင်ငံ ဘောလုံး ဥက္ကဌ ဦးဇော်ဇော်က ကျန်ရစ်သူမိသားစုအတွက် MNL ဖလား အခမဲ့ ကြည့်ခွင့် လက်မှတ်

* အယ်လ်ပိုင်းမှ ဦးစိုင်းက အသုဘသို့ လာသူများအတွက် အခမဲ့ ရေသောက်နိုင်ခွင့် လက်မှတ်များ

* နိုင်ငံတော် သမ္မတလောင်းက အုတ်ဂူတွင် အလှဆင်ရန် ဂန္ဓမာပန်း တစ်ပွင့်စီ

ပေးကမ်းခဲ့ပြီး အားပေးစကား ပြောကြားရင်း မဲဆွယ် စည်းရုံးသွားကြလေတော့သတည်း။

Oct 6, 2010

joke for irrawaddy blog

သတင်းထူးပါရင် ပြောပါ

ပြောပါအုံး သတင်းထူး ပါရင်။ ဒီနေ့ ကြေးမုံ သတင်းစာမှာတော့ ဟောသလို တပုဒ် တွေ့ရတယ်။

စာမျက်နှာ ၃ ရောက်တာနဲ့ အဲဒီသတင်းကို ချက်ချင်း ဖတ်ဖြစ်အောင် ခေါင်းစည်းရဲ့ အခင်းအကျင်းကို ပြင်ဆင်ထားလေရဲ့။ သတင်းထူးလို့ နေမှာပေါ့။

ဘင်္ဂလားပင်လယ်အော် ဆိုတော့ ရော့ခ်ဂီတ သတင်းများလား။

လေဖိအားနည်း ဘာညာ ဖြစ်ပေါ် ဆိုတော့ ကောင်းတာပေါ့။ ဘာမှ မဖြစ်တာထက်စာရင် တခုခု ဖြစ်တာ ကောင်းတာပေါ့ လို့ တွေးမိတယ်။

သတင်းကလည်း တကြောင်းထဲ။ ၀ါကျ တကြောင်းထဲ။ ကြိုက်တယ်ဗျာ။ ဒါမျိုးသတင်းတွေ ဖတ်ချင်နေတာ။ ကျစ်လျစ်တယ်။ အချိန်ကုန် သက်သာတယ်။ အရေးအသား ပြတ်သားတယ်၊ ရဲရင့်တယ်။ သတင်းသမားတွေ ပြောတဲ့ ဘကုန်း ၆ လုံး မဟုတ်ရင်တောင် ၆ လုံး နီးပါး ပါတယ်။ ဘာဖြစ်တယ်၊ ဘယ်အချိန်၊ ဘယ်နေရာ၊ ဘယ်သူက ပြောတယ် စသဖြင့်။

လေဖိအားနည်းရပ်ဝန်း ဆိုတာ ဘာလဲ။
အမ် - စာဖတ်သူတယောက် လုပ်နေပြီး ဒါလေးတောင် မသိဘူးလား။ မသိရင်လည်း မတတ်နိုင်ဘူး။ ကျနော်လည်း မသိတော့ မရှင်းပြတတ်ဘူးဗျာ။

ကဲ - သတင်းစာ နေ့စဉ်ကြည့်ရှုပါ၊
သတင်းထူးပါရင် ပြောပါ။ (သံနေသံထားဖြင့် အော်ဖတ်ရန်)

မနေ့က သတင်းစာ
မနေ့က သတင်းစာလည်း ထူးတာ တခုတော့ ပါတယ်။ မင်းတြားကြီးကို ထိုင်ကန်တော့ကြတဲ့ ဓာတ်ပုံပါ။
မင်းတြားကြီးကို သူ့လူတွေက ထိုင်ကန်တော့ရတယ် ဆိုတာ ကြားဖူးထားမှာပေါ့။ အပြင်မှာ လျှောက်ပြောနေတာတွေ မှန်တဲ့အကြောင်း သတင်းစာထဲ ဓာတ်ပုံနဲ့တကွ ကြော်ငြာတာ ထင်ပါရဲ့။

အောက်တိုဘာ ၃ ရက်နေ့က လာအိုနိုင်ငံ ဗီယန်ကျန်းမြို့တော် လေဆိပ်မှာ မြန်မာသံအမတ်၊ မြန်မာစစ်သံမှူးနဲ့ ၀န်ထမ်း ကြီးငယ်တို့ ဖူးမျှော်တာကို ခံယူနေတဲ့ ဗိုလ်ချုပ်မှူးကြီး သန်းရွှေ နဲ့ ဗိုလ်ချုပ်မှူးကြီး ကြိုင်ကြိုင်။
စက်ဝိုင်း ၀ိုင်းပြတာကတော့ အဆက်မပြတ် လက်အုပ်ချီနေတာကို သိစေချင်လို့ပါး)

ကဲ - သတင်းစာတွေ ဖတ်ကြပါ။ သတင်းထူး ပါရင် ပြောပါ။

Oct 3, 2010

tight dress

အင်္ကျီတွေ သိမ်းထား ကိုယ့်လူတို့
အောက်တိုဘာ ၄ ရက်နေ့ထုတ် အလင်းတန်း ဂျာနယ်က ပုံတပုံဗျာ။
မဟုတ်ပါဘူး၊ ဒီ ၂ ယောက် မင်္ဂလာ မဆောင်သေးပါဘူး။
ပြောချင်တာက ပြေတီဦးရဲ့ အင်္ကျီကို ကြည့်ပါအုံး၊ ခပ်ပါးပါး။ ကျပ်ကျပ်။
မတော်တော့တဲ့ အင်္ကျီလို့ ဆိုနိုင်ပေတာပေါ့။

ကဲ - ခင်ဗျားတို့ရဲ့ အင်္ကျီတွေ သိမ်းထား ကိုယ့်လူတို့။ ကျပ်နေပြီ ဆိုပြီး မ၀ဲလိုက်၊ လက်ဆင့်မကမ်းလိုက်နဲ့အုံး။
နာမည်ကျော်မင်းသားလိုမျိုး ကျပ်ကျပ် သေးသေးကို ၀တ်တာ စတိုင်ကျတယ်၊ လန်းတယ် ဆိုတာကို အများက လက်ခံရင် အဲဒီခပ်ကျပ်ကျပ်တွေက အသုံးဝင်အုံးမှာ၊ ပွဲတိုးအုံးမှာပဲ မဟုတ်လား။

လျှော် ခေါက် သိမ်းပြီး ပရုပ်လုံး ထည့်ထားပေတော့း)

ဆက်ပြီး လေရှည်ရရင် အခုပုံက မေမြို့မှာ ရိုက်ထားတဲ့ ပုံပါ။ ဂျာနယ်မှာ ရေးထားတာကတော့ Kandawgyi Hill Resort ဆိုပဲ။ ကန်တော်ကြီးတောင်ကုန်း ပေါ့ဗျာ။ နာမည်ကတော့ အလန်းစား။
သူတို့ရိုက်ခဲ့တဲ့ ရုပ်ရှင်နာမည်ကတော့ ပိုလန်းသဗျ။

ဒီမောင်နှံက "သွား လူဆိုး ဒါမျိုးတော့ တတ်တယ်" ဆိုတဲ့ ရုပ်ရှင်ကို ပုပ္ပားမှာ ရိုက်ပြီးသကာလ မေမြို့မှာ ဗီဒီယို ၂ ကား ထပ်သွားရိုက်ကြပါသတဲ့။ မလွယ်ပါလား။ ခရီးစဉ်တခုမှာ ဆက်တိုက် ရိုက်တော့ ပင်ပမ်းမှာပဲ။ တော်ပါသေးရဲ့ ကျနော်က ဓာတ်ရှင်မင်းသား မဖြစ်ခဲ့ဘဲ သတင်းသမား ဖြစ်နေတာ။

(ဒါက ဧရာဝတီ ဘလော့အတွက် ရေးတဲ့ ပို့စ်။ ကိုယ့်ဘလော့မှာလည်း ကော်ပီ ကူးထည့်လိုက်ပါတယ်)

Sep 28, 2010

Waihnin Pwint Thon Speaks for Burma and Political Prisoners at the UK Labour Party Conference

ဝေနှင်းပွင့်သုန်ရဲ့ လေဘာပါတီ အစည်းအဝေး မိန့်ခွန်း


မျက်ရည် ကျမိပါရဲ့

Sep 15, 2010

patchwork




ဖြတ်စညှပ်စ စပ်ပေါင်းချုပ် စတိုင်နဲ့ လန်းနေတဲ့ကလေးမ။
ကြိုက်လို့ ကွန်ပျူတာထဲ ထည့်ထားတာ။ အခု ကွန်ပျူတာ သန့်ရှင်းရေး လုပ်ရင်း ပြန်တွေ့လို့ ပိတ်သတ်ကြီး ခံစားနိုင်အောင် တင်ပေးလိုက်ပါတယ်။

ကျနော် ငယ်တုန်းကတော့ ကျနော့်အဖွားက လွယ်အိတ်ချုပ်ပေးဖူးတယ်။ ပစ်ရမယ့် အထည် အပိုင်းအစတွေကို ချုပ်တာလေ။ Recycle လုပ်တယ် ဆိုတော့ ပတ်ဝန်းကျင် ထိန်းသိမ်းရေးသမားလို့ မထင်ပါနဲ့း) ဟုတ်ချင်လည်း ဟုတ်လိမ့်မယ်။ ပစ်ရမှာ သမြောလို့လည်း ဖြစ်မယ်။ အသေးစိတ် သိချင်ရင်တော့ အဖွားဆီကိုသာ လိုက်မေးပေတော့း)

အင်း - အဖွားကိုတော့ ပတ်ဝန်းကျင် ထိန်းသိမ်းရေးသမားတွေ သဘောကျမှာပဲ။ ကျနော် ငယ်ငယ် လွန်ခဲ့တဲ့ အနှစ် ၃၀ ကျော်တုန်းကဆို အဖွားက ပလပ်စတစ်အိတ်တွေကို လွှင့်မပစ်ဘူး။ ပြန်သုံးတတ်တယ်။ သိပ်ညစ်ပတ်တဲ့ဟာဆိုရင် လျှော်ပြီး သုံးသေးတယ်။ အိတ်ကြီးထဲ စုထည့်ထား၊ များလာလို့ လျှော်ပြီးပြီ ဆိုရင် ခြံစည်းရိုးမှာ တအိတ်ချင်း လိုက်စွပ်တယ်၊ ရေခြောက်သွားရင် သုံးဖို့ သိမ်းတော့တာပဲ။ ဆိုင်ဖွင့်ထားတဲ့ ဈေးသည်ကြီး ဆိုတော့ အိတ်တွေ သုံးပေတော့။ အဲဒီခေတ်က ကြွပ်ကြွပ်အိတ်ဆိုတာ မရှိ။

ကြွပ်ကြွပ်အိတ်ကို ဘယ်အချိန်မှ မြင်ဖူးသလဲဆို ကျနော်တို့ အမေ မဲဆောက်သွားပြီး အပြန် သယ်လာမှ မြင်ဖူးကြတယ်။ ၁၉၈၀ မတိုင်ခင်ပေါ့။ နယ်စပ်မှာ သုံးနေပြီ ကြွပ်ကြွပ်အိတ်ကို။ အကောင်းဆုံး အိပ်ပါးလို့ တံဆိပ်မှာ မြန်လို ရေးထားတယ်။ မြန်မာပြည်တွင်းမှာတော့ လက်ကိုင်ပါတဲ့ ပလပ်စတစ်အိတ်ပါးက အထူးအဆန်းပေါ့ဗျာ။

ဘာရယ်လို့ မဟုတ်ပါဘူး။ ချစ်စရာ ပုံတွေကို ဘလော့မှာ တင်ရင်းနဲ့ သတိရမိတာတွေ ရေးလိုက်တာပါ။ ဒီမှာတင် ရပ်လိုက်ပါမှပဲး) အိပ်ချိန် လွန်နေပြီလေ။


Aug 30, 2010

corn in soup


ပြောင်းဖူးဟင်းရည် တဲ့။ ဟိုတပတ်က တရုတ်ကြီးတယောက် ချက်တာ။ ကျနော် အလုပ်လုပ်တဲ့ ဆိုင်မှာ အလုပ်သမားတွေကို ကျွေးတဲ့ ညစာတမျိုး။ ထမင်းနဲ့ စား။ ဟင်းရည်ထဲ ဘာတွေ ပါသလဲတော့ မသိဘူး။ မေ့ပြီ။

အိမ်မှာတော့ ပြောင်းဖူးစေ့နဲ့ ချက်တဲ့ ဟင်းရည် ပျစ်ပျစ်ပဲ သောက်ဖူးတယ်။ ဒါနဲ့ သူငယ်ချင်းတယောက်ရဲ့ တယ်လီဖုန်း ခဏငှားပြီး ရိုက်ထားလိုက်တာ အမှတ်တရ။

ဘလော့တခုမှာလည်း ဒီလို ဟင်းရည် ရှိပ။

စားစရာတွေဖြစ်ဖြစ် စိတ်ဝင်စားဖွယ်တွေကို ဓာတ်ပုံရိုက်ဖို့ ကင်မရာ ခပ်သေးသေးတလုံး ၀ယ်ဦးမှပဲ။

ဒီနေ့အဖို့ ပို့စ် ခပ်တိုတို နဲ့ ပုံတပုံ တင်နိုင်တယ် ဆိုတော့ ကဲ - - - တော်သေးပြီ။

း)

Aug 29, 2010

ju ju's talk on RFA tv

မြန်မာမိန်းကလေးတဦး၏ ဘ၀နှင့်အားမာန် ဆိုပြီးတော့ RFA က ရုပ်သံလွှင့်ထားတယ်။
ကျနော်တို့ မိတ်ဆွေ ကိုမင်းမင်းရဲ့ သမီးလေး။ ဂျူးဂျူး။
နိုင်ငံရေးလှုပ်ရှားသူဖခင်နဲ့ ဝေးကွာခဲ့ချိန် အသက် ၂ နှစ် အရွယ်က စပြီး မိခင်ရဲ့ အုပ်ထိမ်းမှုနဲ့ ကြီးပြင်းခဲ့ရသူ မြန်မာ အမျိုးသမီးငယ် ဂျူးဂျူးရဲ့ ဘ၀နဲ့ အားမာန်တွေကို ရိုက်ကူး တင်ပြထားပါတယ် တဲ့။

RFA ၀က်ဆိုက်ကနေ ကော်ပီကူးပြီး တင်လိုက်ပါတယ်။

2010-09-24




ကိုမင်းမင်းနဲ့ အမျိုးသမီးက အခု မဲဆောက်မှာ ဖြစ်လိမ့်မယ်။ ဂျူးဂျူးက RFA ရုပ်သံမှာ ပြောထားတဲ့အတိုင်း ယူအက်စ်မှာ။
သူတို့ မိသားစု ကိုမင်းမင်းနဲ့ ဆုံဖို့ နယ်စပ်ကို ရောက်နေချိန်မှာ ကျနော် စတွေ့ဖြစ်တယ်။ မဲ့စရီးရန်း ဆိုတဲ့ မြို့လေး။ သူတို့တွေ ကယားပြည်နယ်ကို ဖြတ်ပြီး ထိုင်းကို ၀င်လာကြပုံ ရတယ်။ မေးမကြည့်မိ။
မိသားစုတွေ ပြန်ဆုံတွေ့ကြတာ မြင်ရတော့ ၀မ်းသာမိသေးတယ် ဘေးကနေပြီး။
ခုတော့ ကလေး ပညာရေးအတွက် မိသားစု ပြန်ခွဲကြရပြန်ပြီ။
မကြာခင်မှာ ပြန်ဆုံနိုင်ကြပါစေ။

Aug 26, 2010

my new blog in Eng

အချိန်ဆင်းရဲလွန်းတဲ့ ကြားထဲက
http://amigo-zarny.blogspot.com
ဆိုတဲ့ နာမည်နဲ့ ဘလော့ တခု လုပ်ထားသဗျ။

အချိန်ပိုင်း အလုပ် ၂ခု ဖြစ်တဲ့ စားသောက်ဆိုင် နဲ့ ကုန်စုံဆိုင်က မြန်မာလို မဖတ်နိုင်သူ မိတ်ဆွေများအတွက်ပါ

amigo အမီးဂို ဆိုတာ သူငယ်ချင်း တဲ့။ စပိန် စကား။ ဒါနဲ့ လိပ်စာမှာလည်း အမီးဂို ထည့်လိုက်တာ။

အင်္ဂလိပ်လို ရေးကြတဲ့ မြန်မာပြည်သား ဘလော်ဂါများရဲ့ ဘလော့လင့်တွေကိုလည်း တင်ထားလိုက်တယ် ကိုယ်နဲ့တော့ လိုင်း မတူပေမယ့် တင်ရမှာပေါ့လေ။

ပထမဆုံး ပို့စ်က နန်းဆုရတီစိုးပုံပါပဲ။ ဘာရယ်လို့ မဟုတ်ပါဘူး။ အင်တာနက်သုံးနေတုန်း တွေ့တဲ့ပုံတွေထဲက နှစ်သက်စရာမို့ တင်လိုက်တာပါ။

အခု ဘလော့ကို တလ သုံးလေးကြိမ်လောက်ပဲ တင်ဖြစ်တယ်။ အင်္ဂလိပ်ဘလော့ကိုတော့ များများ တင်ဖြစ်မယ် ထင်တယ်း) ဘိုလို ကျွမ်းလို့တော့ မဟုတ်ပါ။ မြန်မာဘလော့မှာ ရှိတဲ့ ပုံတွေကို ကော်ပီကူးပြီး စာ တလုံးနှစ်လုံးပဲ ရေးပြီး တင်မှာမို့ပါ။

တော်သေးပြီ
း)

Aug 12, 2010

a satire writing from Email box

ကျနော့် မွေးစားအမေ အီးမေး ပို့လိုက်တာတွေထဲက ဒီတပုဒ်ကို ကြိုက်တာနဲ့ ဘလော့မှာ တင်လိုက်ဦးမှ လို့ စဉ်းစားမိတယ်။
ဘလော့က သေနေတာ ၂ ပတ် ပြည့်သွားပြီ မဟုတ်လား)
ရေးတဲ့သူကိုတော့ ကျနော် မသိပါဘူး။
သူ့စာ ဒီဘလော့မှာ တင်ထားတာကို မလိုလားဘူး ဆိုရင်တော့ ဖြုတ်ပေးရမှာပေါ့။
အခုတော့ ဖတ်ပြီး ရယ်ကြ ပြုံးကြပါဦး)
အဖြတ်အတောက်တွေက ကျနော် လုပ်ထားတာ။ မူရင်း အီးမေးထဲမှာက ခပ်စိပ်စိပ် ရေးထားတယ်။



အမတ်လောင်း မစ္စတာ သခင်ကြီး ဒေါက်တာ မာဂျေ

အဟေ ဟေ့ဟေ …… ရီရတယ်ဟေ့၊ အမတ်လောင်း မစ္စတာ သခင်ကြီး ဒေါက်တာ မာဂျေ တဲ့။ ခင်ဗျားကြီးက ရွေးကောက်ပွဲမှ မလာသေးဘူး၊ ဘာအရူးထတာလဲ ဆိုသံနဲ့ အတူ ပေါက်ချလာသူက တပည့်ကျော် ကြွက်နီပေါ့ ခင်ဗျာ။ လက်ထဲမှာလည်း မာဂျေ လျှောက်ဝေထားတဲ့ ဗစ်ဇစ်တင်းကပ် လို့ ခေါ်တဲ့ နံမည်ကပ်ပြားကို ကိုင်လို့။

ဟေ့ကောင် ကြွက်နီ စောစောစီးစီး ငါ မင်္ဂလာ ယူနေတာကို ဘာ လာ ဖျက်ဆီးတာလဲ။ လာမယ့် ၂၀၁၀ ရွေးကောက်ပွဲမှာ ငါလည်း အမတ် တစ်နေရာဝင် အရွေးခံမလို့။ ဘာလဲ မင်းက မနာလိုဖြစ်နေတာလား လို့ ငေါက်လိုက်တယ် ဆိုရင်ပဲ ဒင်းက အမလေး အမလေး ဘာမှလည်း မနာလို ဖြစ်စရာ မရှိပါဘူးဗျာ။ ခုဟာက ခင်ဗျားကြီး အချိုး မပြေလို့ လာတာ၊ နေစမ်းပါဦး ဘာလို့ အမတ်လောင်းတွေရော၊ မစ္စတာ တွေရော၊ သခင်ကြီး တွေရော ဒေါက်တာ တွေရော စုံလို့ ပါလား၊ ဒါက စတန့် ထွင်တာလားလို့ ပြန်မေးသေးတယ်။

ဟေ့ကောင် နိုင်ငံတကာနဲ့ ရင်ဘောင် တန်းနိုင်အောင်ရယ်၊ ကမ္ဘာ့ခေတ်ကြီးထဲမှာ အမီ လိုက်နိုင်တယ် ဆိုတာ လူသိအောင်ရယ် မစ္စတာလို့ တပ်ထားတာ၊ သခင်ကြီး ဆိုတာက ငါ့မှာ မျိုးချစ်စိတ် အပြည့် အ၀ ရှိကြောင်းနဲ့ မြန်မာဘုရင် လက်ထက်က ဘုရား ထူးခံရတဲ့ မျိုးရိုးက ဆင်းသက်တယ် ဆိုတာ ဖော်ညွှန်းထားတာ၊ ဒေါက်တာကတော့ ငါ အင်တာနက် ပေါ်ကနေ ငါးသိန်းပေးပြီး ၀ယ်ထားတာ၊ လျှောက်ပြော မနေနဲ့ဦး။ သူများ တွေဆို ဒေါက်တာ ဒေါက်တာနဲ့ သုံးတာ ကြာလှပြီ၊ ငါ့မှာ အခုမှ စသုံးရတာ ဘာပဲ ပြောပြော ဒေါက်တာ တပ်ထားတော့ လူရှိန်တာပေါ့ကွာ၊ ဒါတောင် ဂျီမေးလ်လည်း သုံးတတ်ပါတယ်။ ဖေ့စ်ဘွတ်မှာလည်း အကောင့် ရှိပါတယ် ဆိုတာတွေ မရေးသေးဘူး။

ခင်ဗျားကြီးကတော့ ငွေရှာတာက လွဲရင် အကုန် လုပ်တတ်တယ် ဆိုတဲ့ ကြီးပေါကြီးပဲ။ ဒါထက် နေစမ်းပါဦး ဘယ်နယ်ကနေ အမတ် ၀င်ရွေးမှာလဲ တဲ့။

ဟ .. ငါ့မြို့ကနေ အရွေး ခံမှာပေါ့ဟ၊ တစ်သက်လုံး ငါ့ကို တောသား တောသားလို့ ပြောခဲ့တဲ့ မြို့ကြီးသားတွေ အခု ဘယ်က ၀င်ရွေးရမှန်း မသိ ဖြစ်နေချိန်မှာ ငါက ငါ့တောမြို့လေးက အရွေး ခံမှာပေါ့။ တောသား ဖြစ်ရတဲ့ သုခ ပေါ့ကွာ လို့ ဖြေလိုက်ရတယ်။

သင်းက နှာခေါင်းတစ်ချက် ရှုံ့ပြီး နေစမ်းပါဦး ခင်ဗျားကြီးက ခင်ဗျားမြို့ အတွက် ကောင်းရာ ကောင်းကျိုး ဘာတွေများ လုပ်ပေးဘူးလို့လဲ။ အခုမှ သူများယောင်လို့ ယောင်ရတယ် အမောင် တောင်မှန်း မြောက်မှန်း မသိ ဆိုသလို ဖြစ်နေပါဦးမယ် တဲ့။

မင်းကလေ ငါ့ဆိုရင် တသက်လုံး အထင်ကို မကြီးဘူး၊ ဟေ့ကောင်… ပါကစ္စတန်သမ္မတနာမည် မသိတဲ့ ဘုရ်ှတောင် အမေရိကန် သမ္မတ ဖြစ်သေးတာ။ ဒါတွေမလိုပါဘူး။ ဘယ်ဆရာတော် ဘုရားကြီး ဆိုလဲကွာ ပြောသလို စိတ်ထားကောင်းဖို့ ပထမ တဲ့။ ငါ ဘယ်သူ့ အပေါ် ယုတ်မာတာများ မင်း တွေ့ဘူးသလဲ လို့ ဖြေလိုက်တော့

တော်စမ်းပါ။ ဆရာတော်ကြီးတွေရဲ့ အဆို အမိန့်တွေကို ကိုးကား ချင်ရင် အဲဒီ ဆရာတော်ကြီး တွေရဲ့ ဘွဲ့ လောက်တော့ သိအောင် လုပ်ထားရတယ် ဗျ။ ခုန ခင်ဗျား ပြောတာ အမရပူရ မဟာဂန္ဓာရုံ ဆရာတော်ကြီး ပြောခဲ့တာဗျ။ ပြီးတော့လည်း ခင်ဗျား ပြောသလို စိတ်ထား ကောင်းဖို့ ပထမ မဟုတ်ဘူး။ စိတ်ကောင်း ရှိဖို့ ပထမလို့ ပြောခဲ့တာ။ ထားပါတော့ဗျာ။ ဒါပေသိ ခု အမတ် လုပ်မယ့်ကိစ္စက ဒါနဲ့ မဆိုင်ဘူး ထင်တယ် တဲ့။

ဟေ့ကောင် လောကကြီးမှာ စိတ်ကောင်း စေတနာကောင်း ရှိရင် ဘာလုပ်လုပ် ကုသိုလ် ရတယ်။ ဘာလုပ်လုပ် အောင်မြင်တယ်။ ငါက မကြွားချင်သေးလို့။ မြန်မာဘုရင် လက်ထက် တုန်းက ငါ့ဘေးက မြို့သုံးမြို့ကို စားရတဲ့ မြို့စား၊ မြစ်ကမ်းထိပ်မှာ အိမ်ကြီးနဲ့ နေတာကို အင်္ဂလိပ်မြန်မာ ဒုတိယ စစ်မှာ သောက်အင်္ဂလိပ်က စစ်သဘောင်္ပေါ်က အမြောက်နဲ့ တေ့ပစ်သွားလို့ သေရရှာတာ။ သူ့ကျွန် ဖြစ်ရတာကို သူများထက် ငါက ပိုနာတယ်။ နို့မို့ဆိုရင် ငါလဲ မြို့စားရဲ့မြစ် ဆိုတော့ အခု ဆိုရင် မြို့စား ဖြစ်နေပြီ။ ဒီလောက်တောင် မျိုးနဲ့ရိုးနဲ့ နေလာတဲ့ ငါ့ကိုမှ မဲမထည့်ရင် ဘယ်သူ့ကို ထည့်ကြမှာလဲ။

ဒါကတော့ ခင်ဗျားကြီး တွေးလုံးကိုဗျ။ ခင်ဗျားကြီး ပြောပေါက် ဆိုပေါက်နဲ့ ဘုရင်ခေတ်က ဆိုရင် စအိုကနေ တံကျင်လျှို အသတ်ခံရတာ ကြာပြီ။ ဒါထက် နေစမ်းပါဦး။ ခင်ဗျားက ဘယ် ပါတီကနေ ၀င် အရွေးခံမှာလဲ၊ ခင်ဗျားတို့ ပါတီရဲ့ ပေါ်လစီက ဘာလဲ ပြောပါဦး တဲ့။

ငါက ဘယ်ပါတီကမှ မပါဘူး။ တသီး ပုဂ္ဂလိက၊ ငါ့မူကတော့ ကောင်းတာ အားလုံး လုပ်မယ်။

ဒါဆိုရင် ကာရာအိုကေ သွားတာတို့၊ အနှိပ်ခန်း သွားတာတို့လည်း ကောင်းတာတွေ ဆိုတော့ ဆက် လုပ်မှာပေါ့နော် တဲ့။

ဟေ့ကောင် စကားကောင်း ပြောနေတာကို လာ မဖောက်နဲ့။ တော်ကြာမှ အမတ်မင်း မာဂျေ အနှိပ်ခန်းမှာ ဖယောင်းတိုင် မှုတ်ခြင်း ဆိုပြီး ကျော်မကောင်း ကြားမကောင်း ပါလာဦးမယ်။ ဒီခေတ် ဂျာနယ်လစ်တွေက လွယ်တာ မဟုတ်ဘူး။ တစ်ခုခု ဖြစ်လို့ စိတ် မထိန်းနိုင်ရင်လည်း လက်ရောက်မှုနဲ့ တရား စွဲ ခံရဦးမယ်၊ မနေနိုင်လို့ စာနဲ့ တုံ့ပြန်ရင်လည်း အသရေ ဖျက်မှုတို့ ဘာတို့က လာဦးမယ်။

ထားပါတော့ ငါ ဆက်ရှင်းပြဦးမယ်။ ငါ့မြို့မှာ ငယ်ငယ်တုန်းက ညလုံးပေါက် မီးရတယ်။ အခု မရတော့ဘူး။ ငါ အမတ်ဖြစ်ရင် ညလုံးပေါက် မီးရအောင် လွှတ်တော်ထဲမှာ အရေး ဆိုပေးမယ်။ ငါတို့မြို့က ဘောလုံး အသင်း အတွက် အကြောဖြေဆေးတို့ ဘာတို့ ထုတ်တဲ့ သူတွေ ဆီကနေ စပွန်ဆာ ရှာပေးမယ်။ ပြည်မြို့နဲ့ ငါတို့မြို့ကြားမှာ ရွှံ့လမ်း (အဲလေ) ကျောက်ခင်း ကားလမ်း ရှိတယ်။ ဒါကို ကတ္တရာလမ်း ဖြစ်အောင် အရေး ဆိုပေးမယ်။ အရေးအခင်း မဖြစ်ခင်က ငါတို့မြို့နားမှာ ဧရာဝတီ မြစ်ကူး တံတား ဆောက်ဖို့ ဂျပန်က တိုင်းထွာထားတာ ရှိတယ်။ အရေး အခင်းကြောင့်အဲဒီ စီမံကိန်း ပျက်သွားတယ်။ အဲဒီ တံတားကြီး ပြန်ဆောက်ပေးဖို့ ဂျပန်ကို သွားပြီး အရေးဆိုပေးမယ်….. လို့ မဲဆွယ်လိုက်ရင် ငါ့ကိုမှ မဲမထည့်ရင် ဘယ်သူ့ကို မဲ သွားထည့်ကြမှာလဲ လို့ ရှင်းပြလိုက်ရင်ပဲ..

နို့နေပါဦး ခင်ဗျား ပြောတဲ့ အထဲမှာ တိုင်းပြည်ကို တိုးတက်အောင် စီးပွားရေး ပေါ်လစီက ဘယ်လို ချမယ်၊ နိုင်ငံခြားရေး ပေါ်လစီက ဘယ်နည်း ချမယ်၊ ကျန်းမာရေး ပညာရေးက ဘယ်သို့ ဘယ်ပုံ စသဖြင့်လည်း မပါပါလား တဲ့။

… ဟ ဒါတွေက နိုင်ငံရေး ပါတီတွေ လုပ်ကြလိမ့်မယ် ငါ့အပူ မဟုတ်ဘူး လို့ ဖြေလိုက်တော့.. သင်းက ခင်ဗျားကြီးကို မဲပေးရကျိုးတော့ တော်တော် နပ်မှာပဲ၊ အင်းလေ တွက်ရေးတော့ စက်သူဌေးပေါ့၊ လက်တွေ့မှာ စက် မရှိတာက ခက်တာ.. ခင်ဗျားကြီး ပြောတဲ့ အတိုင်း ဟုတ် မဟုတ် မကြာခင် စောင့်ကြည့်ရဦးမယ် ဆိုပြီး ပြန်သွားပါလေရော။

အနာဂတ်ရဲ့ အမတ်လောင်းနဲ့ ခင်တယ် ဆိုပြီး ဂုဏ်လဲ မယူတတ်ဘူး။ အလကား အကောင်၊ ဒါကြောင့် ဒီကောင် မိန်းမ မရတာ ………..

မာဂျေ