Nov 6, 2012

အိုးမိုင်ဂေါ့ဒ်!!!

ကျုပ်တို့က ဆေးပဲ ပေးတယ်၊
သို့သော် ... တကယ် ကုသပေးမယ့်သူကတော့ Jesus Christ ပါပဲ လို့ အဓိပ္ပာယ်ရတဲ့ စာတန်းကို ဆေးရုံတရုံက ပေးတဲ့ ဆေးအိတ်မှာ ပုံနှိပ်ထားပါတယ်။

သာသနာပြုတာ ကျင့်ဝတ်နဲ့မညီဘူး လို့ ဆိုသူတွေလည်း ဆိုချင် ဆိုနိုင်တယ်။
ကျန်းမာရေးဝန်ထမ်း/ဌာနက ကျင့်ဝတ်နဲ့ မညီတာတွေ ရေးနေတယ် လို့လည်း ဆိုချင် ဆိုနိုင်တယ်။

မငြင်းနိုင်တာကတော့ ဒီဆေးရုံက ခေါင်းရှောင်တာ ဖြစ်ပါလိမ့်မယ်။
လူနာ ရောဂါ မသက်သာရင်၊ မပျောက်ရင်၊ ပိုဆိုးသွားရင် ဆေးရုံက အပြစ်လွတ်နိုင်တဲ့ အရေးအသား ဖြစ်နေလို့ပါပဲ။

ဝေဖန်ဖို့ နဲ့ ဆင်ခြင်ဖို့ ဝေငှလိုက်တယ် ဆိုပါရစေ။

Nov 2, 2012

ဓာတ်ပုံကြောင့် ရသ ပျက်နိုင်တယ်

ဒီနေ့ မြန်မာ့အလင်းမှာ ပါတဲ့ ဆောင်းပါးတခုထဲက ဓာတ်ပုံပါ။
မော်ကျွန်းမှာ သတင်းစာ နေ့ချင်းပေါက် ဖတ်ရလို့ အရမ်းကြိုက်ကြ ဆိုပဲ။ ဖြစ်နိုင်ပါတယ်။

ဓာတ်ပုံကတော့ အတိဿရ၀ုတ္တိဓာတ်ပုံ ဖြစ်နေတယ်။ ဆိုက်ကားဂိတ်တခုမှာ သတင်းစာက တစောင်ပဲ ၀ယ်ကြတာ။ ပြီးရင် လှည့်ဖတ်ကြမှာ။ လုပ်ကြံပြီးရိုက်ထားတဲ့ဓာတ်ပုံ ဆိုရင် ရေးတဲ့စာကို ထိခိုက်နိုင်တယ်။ ဖော်ပြတဲ့ မီဒီယာလည်း ထိခိုက်တယ်။

ဓာတ်ပုံကို ဖော်ပြချင်ရင် ဆိုက်ကားဆရာတယောက် သတင်းစာဖတ်နေတဲ့ပုံမျိုး ဖြစ်အောင် တည်းလိုက်မှ ပိုအဆင်ပြေမယ်။
ဒီဘလော့လည်း သတင်းစာဝေဖန်ရေးဖြစ်နေပြီ။
း)

Nov 1, 2012

က ကာ ကား


သတင်းစာမှာ ပါတဲ့ ကားတွေအကြောင်း နည်းနည်း ရေးရမယ် ဆိုရင် ... 


လပြည့်နေ့မှာ ကုသိုလ်ယူတဲ့ တက္ကစီ တဲ့။ အထက်က သတင်း။
နေ့ထူးနေ့မြတ်မှာ သံဃာတွေ သီလရှင်တွေကို ကုသိုလ်ပြုတဲ့ကားပါ။
လပြည့်နေ့ ရန်ကုန်မှာ အဲဒီလိုမျိုး စိတ်ကူးပေါ်တဲ့ တက္ကစီဆရာတွေ များလာနိုင်ချေရှိလား။ အင်း... များလာမယ် ထင်တာပဲ။ ဘယ်လောက် များလာမလဲတော့ မသိပါ။




ပြိုင်ကားတစီးဝင်တိုက်လို့ ဆိုင်ကယ်မောင်းသူ ဒဏ်ရာရတယ် ဆိုတဲ့ သတင်းရေးရာမှာ ကားနံပါတ်ကို အပြည့်အစုံ ရေးမထားပါဘူး။  ဓာတ်ပုံကို တည်းမထားတော့ နံပါတ်က အထင်းသား။

ဒီလို တည်းဖြတ်ရေးသားနည်းကို ကားတိုက်မှုသတင်းများမှာ တွေ့ရမှာ။
အက်ဆီးဒင့်န်ဖြစ်ဖူးတဲ့ကား ဈေးကောင်းမရတာကြောင့် ဒီလို အထာထား ရေးသားကြရာက ထုံးစံတခု ဖြစ်သွားခဲ့ပုံပါပဲ။ အခုချိန် "နိုင်ငံတော်" ကလည်း ကားသစ်ယာဉ်ကျေးမှုတော်လှန်ရေး လုပ်နေပေမယ့် ဟိုတုန်းက ဓလေ့တွေကတော့ ကျန်နေတုန်းပဲလို့ ဆိုရပါမယ်။


ဒီသတင်းမှာလည်း ဓာတ်ပုံထဲက ကားနံပါတ်ကို တည်းမထားပါ။ သတင်းမှာတော့ တည်းပါ၏။


ဒါက ဗိုလ်တထောင်မြို့ ယာဉ်တိုက်မှုသတင်း။
ဓာတ်ပုံမှာရော သတင်းမှာပါ နံပါတ်ကို ဖျောက်လိုက်ပါတယ်။

 နံပါတ်ကို သတင်းထဲ ဓာတ်ပုံထဲ ဒီလိုဖျောက်လိုက်တာဟာ သတင်းသမား ကျင့်ဝတ်နဲ့ မညီဘူးလို့ ပြောရင် ဆဲမယ့်သူ ဘယ်လောက်များမလဲ မသိပါ။

ဘလော့မှာ မရေးတာ ကြာလို့ ကားပုံသတင်းတွေ စုပြီး တင်လိုက်ပါပြီ။
လမ်းကြုံလို့ရောက်လာသူများ၊ တည့်တည့်လာသူများ ဖတ်ကြပါကုန်။

းD

Oct 11, 2012

ထန်းလက်ခုံ


မြန်မာ့အလင်းသတင်းစာမှာ ဒီကနေ့ တွေ့ရတဲ့ သတင်းပါ - နေပြည်တော်မှာ ခုံအမျိုးမျိုးလုပ်ပြီး စီးပွားရေးအဆင်ပြေ တိုးတက်လျက်ရှိတယ် တဲ့။ ဘယ်လိုတိုးတက်တာလဲ? မိသားစုဝိုင်းလုပ်တာ တနေ့ကို ထန်းလက်ထိုင်ခုံ သုံးလေးလုံးပြီးတယ် လို့ ဆိုတယ်။ အဲဒီ သုံးလေးလုံးရဲ့ ပေါက်ဈေးက စုစုပေါင်း ကျပ်တသောင်း (US$ 13) ထက် မကျော်ပါဘူး။ တနေ့တာ ခုံလုပ်ပြီးရောင်းတဲ့ အဲဒီငွေထဲ ကုန်ကြမ်း+လုပ်အားခတို့လည်း ပါပါတယ်။
 ဒီပမာဏနဲ့တော့ စီးပွားရေးအဆင်ပြေ တိုးတက်တယ် ဆိုတဲ့ ဝေါဟာရကို သုံးနိုင်သလား။ 

ဒီထန်းလက်ထိုင်ခုံတွေက ပိုးမထိုးဘူး လို့ သတင်းအဆုံးမှာ ရေးထားတယ်။ ၀ယ်ချင်စရာပဲ။ ပုံမှာပြထားတဲ့ခုံက ကြာကြာထိုင်လို့ ကောင်းမယ့်ပုံ မပေါ်ဘူး။ ကြည့်လို့တော့ ကောင်းတယ်။ တခြားပုံစံတွေ ရှိရင် ၀ယ်ချင်ပါတယ်။
 ကျနော့်မှာလည်း ၀ယ်ချင်တာတွေ သိပ်များနေတော့ ငှားနေဖို့ စိတ်ကူးယဉ်ထားတဲ့အခန်းမှာ ဒီပစ္စည်းတွေ ဆံ့ပါ့မလားမသိတော့ဘူး)


Oct 4, 2012

စနေ တနင်္ဂနွေ နဲ့ ထွေထွေရာရာ




ပြီးခဲ့တဲ့စနေ ချင်းမိုင်မြို့ပြင်က ရေကန်ကြီးတခုကို ရောက်ဖြစ်တယ်။ ပုံမှာ တွေ့တဲ့အတိုင်း ငါးမျှားသူလေးငါးယောက်ကိုလည်း တွေ့ရတယ်။ ရင်ခုန်ဖို့အတွက်၊ အပျော်အတွက် မျှားသလား၊  အ၀စားဖို့ မျှားသလား မသိ။


ဒါကတော့ အိမ်ရောက်မှ ဂူဂယ်လ် လမ်းမြင်ကွင်း ( google street view ) ကနေ တွေ့ရတာကို ကော်ပီကူးလိုက်တာပါ။ တောင်ကုန်းအတက်မှာ ဒီကန်ကို ဘွားခနဲ တွေ့ရတာ။


ရေကန်က အတော်ကြီးပေမယ့် မလှမ်းမကမ်းမှာ သူ့ထက်ကြီးသောကန် ရှိနေတယ်။ မြေပုံမှာ တွေ့ရတာကို ပြောတာပါ။ ရှုခင်းကတော့ အင်မတန် ကောင်းတာပဲ။ နေ့တိုင်း မြင်နေရတဲ့ မြို့ထဲကမြင်ကွင်းများနဲ့ တခြားစီ။ သိပ်ကောင်းတဲ့နေရာ။ ဈေးသည်လည်း မလာဘူး။ အကြွေးရှင်လည်း မလာဘူး။ ရင်မဆိုင်ချင်တဲ့မျက်နှာနဲ့လည်း ရင်ဆိုင်စရာ မလိုဘူး)

 
 ပုံဆွဲပြစမ်း ဆိုရင် ....  ဟောဒီမြေပုံပါပဲ။ မြို့ထဲကနေ မဲ့ဂျိုးတက္ကသိုလ်ကို သွားတယ်။ အဲဒီတက္ကသိုလ်ဘေးက လမ်းအတိုင်း ရွာတချို့ကိုဖြတ်ပြီးရင် ရေကန်လေးကို ရောက်ပြီ။


အမှိုက်မပုံရ လို့ တည့်တည့်ရေးထားတာ မဟုတ်ပါ။ သဘာဝပတ်ဝန်းကျင်ကို မဖျက်ဆီးပါနှင့် လို့ ရေးထားတာပါ တဲ့။  စာဖတ်တတ်သူက ဘာသာပြန်ပြတယ်။ အမှိုက်ပုံးဘာကြောင့်မထားလဲ မေးမနေနဲ့ ကိုယ့်လူ၊ ချင်းမိုင်မြို့လယ် ကျုံးဘေးမှာတောင် အမှိုက်ပုံး တပုံးမှ မရှိဘူး ထင်တာပဲ။


ဒါက ရေကန် ရောက်ခါနီး တွေ့ရတဲ့လမ်းဘေးမြင်ကွင်း။ သစ်ပင်တွေမှာ သင်္ကန်းစလေးတွေ ချည်ထားတယ်။ ဘာအတွက် ချည်ထားလဲ မသိပါ။ ဘာသာရေးယုံကြည်ချက်တခုကြောင့် ချည်တာလား၊ သစ်ပင် မခုတ်အောင် အမှတ်အသား ပြုထားတာလား မသိပါ။
 
ဒီလမ်းကို မကြာခဏ ရောက်ဖြစ်တယ်။ တကယ့် မြို့ပြင်။ ကားအသွားအလာ ရှင်းတယ်။ ဒီနားက ခြံတခုမှာ အိမ်က ခွေး ၂ ကောင် လာထားတယ်။ တ ကောင်ကတော့ လူ့ပြည်မှာ မရှိတော့ဘူး။ နောက်တကောင်တော့ ရှိသေးတယ်။ စနေနေ့ကသူ့ဆီ သွားလည်တာလေ။ အပြန် ခြံမှာနေတဲ့မိသားစုက ငှက်ပျောသီး ၂ ဖီး လက်ဆောင်ပေးလိုက်တယ်၊ စကားမစပ်။


ဒါက ရေကန်ရှိရာကို ညွှန်ပြတဲ့ ဆိုင်းဘုတ်။ လမ်းမှာတွေ့ရတဲ့ ရွာတရွာမှာပါ။

ကဲ - ပြီးခဲ့တဲ့တပတ်ကတော့ အဲဒီနေရာ ရောက်ခဲ့ပြီ။ လာမယ့် စနေတနင်္ဂနွေတော့ မြို့ထဲမှာပဲ ဟိုဟိုဒီဒီ သွားဖြစ်လိမ့်မယ်။

ဒီလိုနေ့မျိုး လျှောက်သွားစရာကတော့ အလိုလို ပေါ်လာတာပဲ။ မိသားစုအတွက် အချိန်ပေးရတဲ့နေ့ပေါ့။ တပတ်မှာ ၂ ရက် အချိန်ပေးတယ်။

တချို့က အလိုက်မသိကြဘူး၊ ဒီလိုနေ့မျိုးမှာ ဘာလေးလုပ်လိုက်ပါအုံး၊ ဘာလေး လုပ်ပေးပါအုံး ဆိုပြီး ရပ်ဝေး ရပ်နီးကနေ လှမ်းပြောကြတယ်၊ လူက တပတ်ငါးရက် အလုပ်ကို သွားတယ်။
သို့သော်ငြား အွန်လိုင်းအလုပ် ဆိုတော့ ... အင်တာနက်ခေတ်မှာ အလုပ်က လူဆီကို လိုက်လာတာပဲ။


ဒါကြောင့် စနေတနင်္ဂနွေ ရောက်လာဖို့ စောင့်ရတာ ပျော်စရာမဟုတ်ချေဘူး။ ရောက်လာရင်လည်း ဟေး... ဟား... အော်ဟစ်စရာ မလိုတော့ဘူး။
 

ဟူး....

Sep 15, 2012

ကိုရီးယားမင်းသမီး မင်းသား


[Songhyekyo_Levisladystyle2.jpg]
ဆောင်းဟေကို

ကိုရီးယား ဖေ့ဘုတ်တို့ ဘာတို့မှာ လူကြိုက်အများဆုံးသရုပ်ဆောင် စစ်တမ်းကောက်တော့ အောက်ပါအတိုင်း ရလဒ် ပေါ်လာတယ် ဆိုပဲ။ ဒီနေ့ ကြေးမုံ စာ ၆။


ပုံတွေ ကြည့်လိုက်တော့ အမျိုးသမီးက ဆောင်းဟေကို တယောက်ပဲ ပါနေတယ်။

ဒီစစ်တမ်းကို ကြည့်ပြီး ကောက်ချက် ၂ ခု ချမိတယ်

၁။ ကိုရီးယားမှာ အမျိုးသမီးတွေကို ကြိုက်ရကောင်းမှန်း မသိဘူး/
၂။ ဖေ့ဘုတ်တို့ ဘာတို့ကို ကိုရီးယားအမျိုးသားတွေ မသုံးကြဘူး/

း)

ဘယ်ဟာ ဖြစ်နိုင်မလဲ။

Sep 3, 2012

ချောကလက် ပေးပါ


ချောကလက်စားရင် နှလုံးရောဂါ နဲ့ လေဖြတ်တာတို့ကို ခံနိုင်ရည်ရှိမယ် တဲ့။ ဒီကနေ့ မြန်မာ့အလင်း သတင်းစာက ဆိုတယ်။ သူကတော့ အင်တာနက်ကို ကိုးကားထားတာပဲ။ သတင်းရင်းမြစ်တိကျမှုကတော့ "ရန်ကုန်မြို့ကဦးမောင်မောင်" လိုပါပဲ။

ရင်းမြစ်အကြောင်း မပြောလိုပါဘူး၊ ပြောလိုတာကေ
ချာကလက် "သင့်တင့်မျှတစွာ ပုံမှန်စားသုံးပေးပါက" ဆိုတာပါပဲး)

သင့်တင့်မျှတစွာ ဆိုတာ ဘယ်လောက် ပမာဏကို ဆိုလိုတာလဲ။ သတင်းမှာတော့ ဓာတ်ပုံကို ညွှန်းထားတယ်။ ဓာတ်ပုံကို ကြည့်လိုက်တော့ ချောကလက်ပြားကြီး တထိုင်တည်း တွယ်တော့မယ့်လူကို တွေ့ရတယ်။

Good Health ဂျာနယ် သတင်းတပုဒ်မှာလည်း ချောကလက်ရဲ့ ကောင်းကျိုးတွေ တလှေကြီး တွေ့ရပါတယ်။ ရေးထားတာက ဒီလိုပါ -

ချောကလက် စားတာကြောင့် လေဖြတ်နိုင်ခြေ နည်းပါးနိုင်ကြောင်း မကြာခင်ကမှ ပြုလုပ်ခဲ့တဲ့ သုတေသန ပြုချက်အသစ်တွေ အရ သိရပါတယ်။ ပထမလေ့လာမှု တစ်ခုမှာ တစ်ပတ်ကို ချောကလက် တစ်စိတ်စားသူ လူပေါင်း ၄၄၄၈၉ ယောက် ပါဝင်ပါတယ်။

သူတို့တွေဟာ ချောကလက် မစားသူတွေထက် လေဖြတ်နိုင်ခြေ ၂၂ ရာခိုင်နှုန်းနည်းတာကို တွေ့ရပါတယ်။ ဒုတိယလေ့လာမှုမှာ တစ်ပတ်ကို ချောကလက် ၅၀ ဂရမ်စားသူ ၁၁၆၉ ယောက်ပါဝင်ပြီး ချောကလက် မစားသူတွေနဲ့ နှိုင်းယှဉ်ပါက လေဖြတ်နိုင်ခြေကြောင့် သေဆုံးနှုန်း ၄၆ ရာခိုင်နှုန်း လျော့နည်းတာကို တွေ့ခဲ့ရပါတယ်။ လေ့လာမှုတွေ အရ နေ့စဉ် အညိုရင့်ရောင် ချောကလက် အနည်းငယ်စားတာဟာ သွေးတိုးရောဂါ ရှိသူတွေမှာ သွေးဖိအား လျော့နည်းနိုင်တာကို တွေ့ရှိခဲ့ပါတယ်။

ဒါ့အပြင် ချောကလက်ဟာ သွေးတွင်း မကောင်းတဲ့ ကိုလက်စရောအဆင့် (LDL)ကို ကျဆင်းစေနိုင်ပြီး သူ့မှာပါဝင်တဲ့ serotonin ဟာ စိတ်ဓာတ်ကျ ဝေဒနာကို သက်သာ နိုင်ပါတယ်။


ကောက်ချက် ချရမယ် ဆိုရင် - ဆရာဝန်ကို ရှောင်ရှားဖို့ ချောကလက်စားရတော့မယ်ပေါ့လေ။ သို့သော်လည်း ချောကလက် အများကြီးစားဖို့လည်း မသင့်ဘူး လို့ တခြား ကျန်းမာရေးဆိုင်ရာ ဆောင်းပါးများက ဆိုတယ်။
အ၀လွန်ရောဂါ ကာကွယ်ဖို့ လျှော့စားရမယ့်ထဲမှာ ချောကလက် ဆိုတာလည်း ပါနေတာကို တွေ့ရမှာပါ။

သတင်းတွေအရ ဆိုရင် ချောကလက်မှာ ဆိုးကျိုးထက် ကောင်းကျိုး ပိုများနေပါတယ်။
ဒီတော့ အ၀လွန်မယ့်ပုံမရှိတဲ့ အမျိုးသားတယောက်ကို လက်ဆောင်ပေးချင်တယ် ဆိုရင်တော့ ချောကလက်က အသင့်တော်ဆုံးပစ္စည်းတခု ဖြစ်ပါလိမ့်မယ်။



Aug 26, 2012

သပွတ်အူ

~





ညဈေးတန်းတခုမှာ ရိုက်ထားတဲ့ သပွတ်အူတွေပါ။
အခုလေးတင် ဧရာဝတီဘလော့မှာ ဒီပုံကို သုံးလိုက်ပါတယ်။
သပွတ်အူကို ဓာတ်ပုံရိုက်ပြီး ဒီငနဲ ဘာလုပ်မှာလဲ တွေးမိသူတွေ တွေးမိလိမ့်မယ်။ ကဲ - ခုတော့ အသုံးကျနေပါပြီ။

ဓာတ်ပုံတွေ ရိုက်ထားတာကတော့ အများကြီးပဲ။ အားလုံးကို ဖိုင်တွေခွဲပြီး မသိမ်းဖြစ်သေးပါဘူး။ ရိုက်ထားတာတွေ များလွန်းလို့ စနစ်တကျသိမ်းဖို့ အချိန် မရှိဘူး ဖြစ်နေတယ်။
ပြဿနာပဲ။
ခုနေခါ ရုတ်တရက် သေသွားရင်တော့ ဒီပြဿနာက ရှင်းစရာမလိုဘူးဖြစ်သွားမယ်း)

အချိန်ကို စီမံခန့်ခွဲမှု ကောင်းကောင်း လုပ်နိုင်ရင် ဒီပြဿနာ ပြေလည်မယ် လို့ တွေးစရာရှိတယ်။
အင်း ... မလွယ်ဘူး။ လောကကြီးမှာ ပြဿနာ သိပ်များနေတော့
စီမံခန့်ခွဲမှု မည်မျှပင် ကောင်းစေကာမူ လူ့အလို နတ်လိုက်နိုင်မယ် မထင်ဘူး။

သပွတ်အူပုံသုံးလိုက်တာက အောက်ကပို့စ်မှာ ဖြစ်ပါတယ်။
ကနဦးတုန်းကတော့ လွှတ်တော်အထက်မှာ ဘယ်သူရှိနေသလဲ လို့ ခေါင်းစဉ် ပေးထားပါတယ်။
ရေးရင်း ပေနည်းနည်းရှည် လေနည်းနည်းရှည်မိတော့ ခေါင်းစဉ် ပြောင်းလိုက်ရတယ်။
နေပြည်တော်က သပွတ်အူဇာတ်တော်ကြီး ဆိုပြီး ပြောင်းလိုက်တယ်။
ပျော်စေပျက်စေပေါ့ဗျာ။

ဧရာဝတီဘလော့မှာ မဖတ်ရသေးရင် ဒီမှာ ဖတ်သွားပါအုံး -



ပြည်သူ့လွှတ်တော်ကို ချုပ်ကိုင်နေတဲ့သူ ရှိနေသလား ဆိုပြီး သောကြာနေ့ ပြည်သူ့လွှတ်တော်အစည်းအဝေးမှာ အမတ်တဦးက သူရဦးရွှေမန်းကို မေးပါတယ်။

ကဏ္ဋကောစလုပ်နေတဲ့ အခြေခံဥပဒေခုံရုံးနဲ့ ပတ်သက်ပြီး ဆောင်ရွက်စရာ ကိစ္စတွေ ရှိနေတယ်၊ ခဏသီးခံ ဆိုလို့ သီးခံနေတာ လို့ သူက ဆိုပါတယ်။

သူ့ရဲ့ တင်ပြချက်က ဒီလိုပါ -
သမ္မတထံက ပြန်ကြားလာမယ့်ရလဒ်အပေါ်မှာမူတည်လျက် ဆက်လက် လုပ်ဆောင်ရန် ခဏသီးခံပါလို့ လွှတ်တော်ဥက္ကဋ္ဌရဲ့ သဘောထားကြီးမှုကို အလေးထား လေးစားသောအားဖြင့် လည်းကောင်း ကျွန်တော်တို့ပြည်သူ့ကိုယ်စားလှယ်များက သီးခံ စောင့်ဆိုင်းခဲ့ကြပါတယ်။

သို့သော်လည်း ၎င်း သြဂုတ်လ ၂၁ ရက်နောက်ပိုင်းမှာလည်း ဘာမျှ ဆက်လက်ဆောင်ရွက်ပေးခြင်း၊ ထူးခြားမှု မရှိတဲ့အတွက် ကျွန်တော်တို့ အားလုံးရဲ့ အယူအဆတွေဖြစ်ပေါ်လာပါတယ်။ ကျွန်တော်တို့အားလုံးရဲ့ တင်ပြချက်ကို လွှတ်တော်ဥက္ကဋ္ဌကြီးက လျစ်လျူရှုထားပါပြီလား။ သို့တည်းမဟုတ် ကျွန်တော်တို့ လွှတ်တော်ရဲ့အပေါ်မှာ လွှမ်းမိုးထားတဲ့အဖွဲ့အစည်းတစ်ခုရှိပြီလား။ သို့မဟုတ် လွှမ်းမိုးထားတဲ့ လူပုဂ္ဂိုလ်တစ်ဦးဦးရှိနေပြီလားဟု ထင်မြင်ယူဆမိပါတယ်။

သာပေါင်းမဲဆန္ဒနယ်မှ ဦးဝင်းသန်း

ပြည်သူ့လွှတ်တော်ဥက္ကဋ္ဌ သူရဦးရွှေမန်းက ဒီလို ပြန်ရှင်းပါတယ် -
လွှတ်တော်အပေါ်တွင် လွှမ်းမိုးသော အဖွဲ့အစည်း သို့မဟုတ် လူပုဂ္ဂိုလ် တစ်ဦးတစ်ယောက်မျှ မရှိကြောင်းကိုလည်း လွှတ်တော်ကို အသိပေး တင်ပြလိုပါတယ်။

ယခု ရက်ပိုင်းအတွင်း အမျိုးသား လွှတ်တော်က ဖွဲ့စည်းပုံအ‌ခြေခံ ဥပဒေဆိုင်ရာ ခုံရုံးနဲ့ ပတ်သက်၍ စတင် ဆောင်ရွက်မယ် ဆိုတာလည်း ကြားသိထားရပါတယ်။
ဒါကြောင့် မိမိတို့ လွှတ်တော် ကိုယ်စားလှယ်များ အနေနဲ့ မိမိတို့ လွှတ်တော် အခန်းကဏ္ဍ ရောက်တဲ့အခါမှာ ဆောင်ရွက်ဖွယ်ရာ ဆောင်ရွက်နိုင်အောင် သီးခံ စောင့်ဆိုင်း ‌ဆောင်ရွက်ပေးပါရန် မိမိအနေနဲ့ ထပ်မံ မေတ္တာရပ်ခံပါတယ်။
ပြည်သူ့လွှတ်တော် ဥက္ကဋ္ဌ သူရဦးရွှေမန်း

ဆက်ပြီးသီးခံကြပါ၊ ခုံရုံးကိစ္စကို ဦးခင်အောင်မြင့်တို့ ကိုင်တွယ်ပါလိမ့်မယ် တဲ့။

နေပြည်တော်မှာ ခုံရုံး ဖြစ်နေကြတဲ့ပြဿနာက ကြီးသထက် ကြီးလာပါပြီ။

သမ္မတက စာပို့လိုက်၊ ကြားဝင်ရှင်းပေးလိုက်။
သမ္မတကပဲ ဦးခင်အောင်မြင့်၊ သူရဦးရွှေမန်းတို့ကို ခေါ်ပြီး ညှိနှိုင်းလိုက်။
ဒါတွေကို ဆက်တိုက် တွေ့နေရပါတယ်။
ဒေါ်အောင်ဆန်းစုကြည်နဲ့ သမ္မတတို့ တပတ်အတွင်း ၂ ကြိမ်တွေ့စဉ်မှာလည်း နေပြည်တော်ဝင်္ကပါထဲက ဒီ သပွတ်အူထုပ်ကိစ္စ ပြောဖြစ်ကြမယ်လို့ ယူဆရပါတယ်။

ဒီအခြေအနေတွေကို ကြည့်ခြင်းအားဖြင့် ဗိုလ်ချုပ်ကြီးများရဲ့ သပွတ်အူထုပ်ဇာတ်တော်ကြီး ဇာတ်ရှိန် အတော်တက်နေပုံရတယ်လို့ ဆိုနိုင်မယ် ထင်ပါတယ်။


ဆက်စပ်
- ဦးသိန်းစိန်နဲ့စကားကောင်းနေလို့ လွှတ်တော်အစည်းအဝေးပျက်

- ဗိုလ်ချုပ်မှူးကြီးမွှေးခဲ့တဲ့မီး




ညွှန်း - ပြည်သူ့လွှတ်တော် အွန်လိုင်း pyithuhluttaw.gov.mm



~

Aug 20, 2012

စိုစိုစွတ်စွတ် မဲဆောက်



သုံးယောက်တစီး

မနေ့ညက မဲဆောက်ရောက်တယ်။
မနက်ဖြန် ချင်းမိုင် ပြန်ပါမယ်။

မဲဆောက်မှာ နေမထက်ဘဲ မိုးရွာနေတာ တလ ၀န်းကျင် ရှိပြီလို့ ဆိုတယ်။
တချို့လမ်းတွေ ရေဖွေးဖွေးနဲ့။

လွန်ခဲ့တဲ့ ၂ နှစ်ကျော်က မရှိသေးတဲ့ လမ်းသစ်တချို့ကို တွေ့ရတယ်။
အဲဒါကလွဲလို့ အပြောင်းအလဲ သိပ်မတွေ့ရသလိုပါပဲ။

မိုးတိတ်ချိန် ကားပေါ်တက်အိပ်နေတဲ့ ၂ ကောင်

တော်သေးပြီ။
နောက်မှ ဆက်ရေးမည်။



Aug 12, 2012

စနေနေ့မှာ ငါးကင် သုံးဆောင်ခြင်း

အကြေးခွံပေါ် ဆားဖြူးထားပြီး ကင်တဲ့ငါး။
စပါးလင်နဲ့ ပင်စိမ်းရွက်လည်း နည်းနည်းထည့်ထားတယ်။


ပါဝင်တဲ့အဆာများ


သံပရာ
ကြက်သွန်နီ

ကြက်သွန်ဖြူ
ဂျင်း
စပါးလင်
ပဲငံပြာရည် အကြည်ရည်

ဆား
အစပ် ကြိုက်တတ်ရင် ငရုပ်သီးစိမ်း ထည့်ပါ။

သံပုရာသီး

သံပုရာသီးကို ကြိုက်မှထည့်ပါ။
စားခါနီးမှထည့်လည်း ရပါတယ်။
သံပုရာသီးကြောင့် အရသာ ပိုကောင်းလာသလို ငါးညှီနဲ့ကိုလည်း ထိန်းသိမ်းပြီး ဖြစ်ပါတယ်။

ငှက်ပျောရွက်နဲ့ကင်မယ် ဆိုရင်

၁။ ငါးကို ငှက်ပျောရွက်နဲ့ လုံလုံခြုံခြုံ ထုပ်ပါ။ ငှက်ပျောရွက်ထုပ်
ချည်ရတုပ်ရခက်ရင် သွားကြားထိုးတံသုံးပြီး ပိတ်နိုင်ပါတယ်။
၂။ ငှက်ပျောရွက် မည်းသွားရင် ငါးကျက်ပါပြီ။


ငွေရောင်စက္ကူ (foil) နဲ့ ကင်မယ် ဆိုရင်

၁။ ငွေရောင်စက္ကူပေါ်မှာ ငါးထည့်မယ့်နေရာကို ဆီနည်းနည်းသုတ်
၂။ အဆာတွေနဲ့နှပ်ထားတဲ့ငါးကို လုံအောင် ပတ်ပြီး ကင်
foil သုံးရခြင်းရဲ့ အားသာချက်က မီးသွေးမီးနဲ့ ကင်နိုင်သလို မီးဖို (အာဗင်/oven) ထဲထည့်ပြီး ကင်နိုင်တာပါပဲ။

foil နဲ့ ထုပ်ထားတဲ့ငါး

အကောင်လိုက် ကင်မယ် ဆိုရင် အသားကို ဓားနဲ့ နည်းနည်းမွှန်းလိုက်။ ပြီးရင် အဆာတွေနဲ့ နှပ်လိုက်။

အကောင်လိုက် မကင်ဘူး ဆိုရင် - ငါးအတုံး/အပြားဖြစ်အောင် ဖြတ်တောက်၊ အဆာတွေနဲ့နှပ်ပြီးမှ ထုပ်ပိုး ကင်နိုင်ပါတယ်။

ငါးရံ့၊ ပလာတူး၊ ဆယ်လမွန်၊ ငါးကွမ်းရှပ် ကြိုက်တာဝယ်ကင်ရုံပါပဲ။

ကုန်တိုက်တွေ ရောက်တဲ့အခါ ငါးရောင်းတဲ့အတန်းမှာ mackerel, salmon, snapper, bream, talapia ဆိုတာတွေ တွေ့လိမ့်မယ်။ အကုန်လုံး ကင်စားနိုင်တဲ့ငါးတွေပါပဲ။

မနေ့က လက်တွေ့ ကင်စားခြင်း

မနေ့က ငါးကင်စားကြတယ်။ အထက်မှာ ဖော်ပြထားတဲ့ အဆာများ မီးဖိုထဲ မရှိတာကြောင့် မထည့်ဖြစ်ပါဘူး။ (သို့သော်လည်း ၀ယ်ထားတဲ့အချဉ်ရည်ထဲမှာ အဲဒီအဆာတွေ အကုန်ပါပုံရပါတယ်)


ပထမ ၂ ကောင်ကို ဧရာဝတီသတင်းထောက် ခင်ဦးသာ နဲ့ လ၀ီဝမ်တို့ ကင်ကြတယ်။ မေ့ပြီး အကြေးခွံ ခွာလိုက်တော့ ငါးတွေ တစစီကျိုးပဲ့မသွားစေဖို့ အသက်အောင့်ပြီး ကင်ကြတာ တွေ့ရတယ်။ ဘာအဆာမှ မထည့်ဘူး။

နောက် ၂ ကောင် ထပ်ကင်တော့ စာတတ်သွားပြီ၊ အကြေးခွံမခွာတော့ဘူး။ ငါးပေါ် ဆားဖြူးတယ်၊ ငါးဗိုက်ထဲ ပင်စိမ်းရွက်နည်းနည်း နဲ့ စပါးလင် ထည့်ပြီး ကင်လိုက်တယ်။

ဆားက ငါးအသားထဲ စိမ့်ဝင်သွားမယ်လို့ ယူဆရတယ်။

ငါး ၄ ကောင်စလုံး အရိုးပဲ ကျန်တဲ့အထိ စားလိုက်ကြတယ်။ (ငါးကင်နေတုန်း လ၀ီဝမ်သွားကြော်တဲ့ ကန်စွန်းရွက်ကြော်ကလည်း သဲနည်းနည်းပါတယ်လို့ သတင်း သဲ့သဲ့ ထွက်ပေမယ့် ကုန်တာပါပဲ)

ငါးကင်စားတဲ့အခါ အကောင်းဆုံးကတော့ ကင်ပြီးရင် ချက်ချင်း စားလိုက်တာ ဖြစ်ပါလိမ့်မယ်။
ဆိုင်မှာသွားဝယ်စားရင် ဈေးကြီးတယ်။ အခုလို ကိုယ်တိုင်ကင်တော့ ချွေတာရာရောက်ပါတယ်။

ကျန်းမာရေး ဂရုစိုက်သူများ ငါးကို စားကြတယ်။
သွားမရှိ သွားမကောင်းသူများအတွက်လည်း ငါးက စားရ အဆင်ပြေတယ်။ သွားကြားလည်း မညှပ်တော့ဘူး။
ပင်လယ်ငါးစားရင် ခေတ်မီတယ်လို့ တချို့က ၀ါဒဖြန့်ကြတယ်။ လူတွေ ခေတ်မီဖို့ ပင်လယ်ငါးတွေ အနစ်နာခံကြရသလို ဖြစ်နေတယ်။
ထားပါတော့ - သုတေသန ပြုချက်များအရ ဆိုရင် ငါးစားသူ ဥာဏ်ရည်တက်မယ်၊ ဥာဏ်ကောင်းတယ်။
ကမ္ဘာ့အသက်အရှည်ဆုံးပုဂ္ဂိုလ်များ စုဝေးရာ ဂျပန်မှာလည်း ငါးအစားများကြတယ်လို့ ဆိုတယ်။

ငါးကို ကင်တာပဲဖြစ်ဖြစ်၊ ချက်တာပဲ ဖြစ်ဖြစ် အချိန်တိုတိုလေးနဲ့ ကျက်တာက သဘောကျစရာ ဖြစ်ပါလိမ့်မယ်။

ပုဇွန်အကွေး၊ ငါးအနွေး လို့ ဆိုကြတယ်။ မီးပေါ်တင်လိုက်လို့ ပုဇွန်က ကွေးသွားပြီ၊ ငါးကနွေးသွားပြီ ဆိုရင် ကျက်ပြီပေါ့။

Jul 23, 2012

ဘာကြောင့် ဓာတ်ပုံသုံးနေကြသလဲ

ဓာတ်ပုံတွေကို ကိုယ့်သတင်းဌာန တံဆိပ် ထည့်တာတွေ ခေတ်စားနေပြီ။
မထည့်လို့လည်း မဖြစ်ဘူး။
အွန်လိုင်းရောက်သွားရင် ဒီဓာတ်ပုံကို ဘယ်သူပိုင်သလဲ ဆိုတာ ခြေရာပျောက်သွားတတ်လို့ပါ။

တချို့ကလည်း မသိလို့ ခရက်ဒစ် မှားပေးမိတယ်။
တချို့ကလည်း ကိုယ့်ဟာလိုလို လုပ်ပစ်လိုက်တယ်။
စသဖြင့် စသဖြင့်။

ဒီခေတ်မှာ ကင်မရာတွေက အရမ်းပေါတော့ ဓာတ်ပုံတွေလည်း ပေါတယ်။ နာမည်မတပ်လို့ မဖြစ်တော့ဘူး။

တံဆိပ် ထည့်တာတော့ ထည့်ပေါ့လေ။
ကောင်းပါတယ်။
ခုရှင်းမှ နောင်ရှင်းမယ်။

သို့သော်လည်း ကိုယ့်တံဆိပ်ကို အလယ်တည့်တည့်မှာ ထည့်တာမျိုးကတော့ ရုပ်ဆိုးလွန်းပါတယ်။

ဓာတ်ပုံ ထည့်တဲ့ရည်ရွယ်ချက်က ကိုယ့်သတင်း ကိုယ့်စာ ပိုပြီး လေးနက်၊ ဆွဲဆောင်မှုရှိဖို့ ဖြစ်ပါလိမ့်မယ်။

အခုတော့ ရည်ရွယ်ချက်က ကိုယ့်ဓာတ်ပုံ မခိုးဖို့ တလွဲမသုံးဖို့ ဖြစ်နေပါပြီ။

ဂွကျလှတယ်။

ဘယ်လောက် ဂွကျသလဲ ဆိုတာ အထက်က ပုံကိုသာ ကြည့်ဗျာ။

Jul 14, 2012

တန်ဖိုးကြီးလက်ညှိုး


မောက်စ် နှိပ်တဲ့ လက်ခြောင်း ယောင်ကိုင်းနေ။
ညနေပိုင်း ခြံထဲက လမ်းယိုင်းသီး ခူးတော့ ၀ါလုံး/တံချူထဲ အိမ်လုပ်နေတဲ့ ပိတုန်းလား ဘာလား မသိ ၂ ချက် ဆော်တာ အခုလို ယောင်ကိုင်းသွားတာပဲ။
ယောင်တဲ့လက်ညှိုး အပေါ်ထောင်ပြီး ဒီစာကိုရိုက် ပုံကို ဆိုက်သေးအောင် လုပ်။
တမိနစ်နဲ့ ပြီးရမှာ ၁၅ မိနစ်ကျော်တာတောင် မပြီူးသေးဘူး။
ဖြတ်တော့ မဖြတ်ရပါဘုူး လို့ ခံရဖုးသူတို့က ဆိုတယ်။
တော်ပါသေးရဲ့။
း)






Jul 8, 2012

သံတမန်


သံအမတ်သစ်ကြီး ဒဲရက်မစ်ချယ် ရန်ကုန်လာတော့မယ်။ ဒီအကြောင်း ရန်ကုန်မြို့ ယူအက်စ်သံရုံး Facebook မှာ ကြော်ငြာထိုးလိုက်တော့ ၀ဲကမ်း ၀ဲကမ်း ဆိုပြီး အရမ်း ကြိုဆိုကြောင်း ကော်မန့်တွေ ပေးနေကြပါတယ်။

ဒီလူကြီးလည်း အရင်လူတွေလုပ်တဲ့အလုပ် ဆက်လုပ်ရမှာပါပဲ။
အရင်လူတွေ ဘာလုပ်သလဲ သိချင်ရင် ၀ီကီလိ ကိုသာ မွှေနှောက် ဖတ်ရှုပါလေး)

သံတမန်ဖြစ်ရတာ မလွယ်ပါဘူး။ ထောက်လှမ်းရေးအလုပ်ပဲ လုပ်နေရတာ များပါတယ်။ ကိုယ်တာဝန်ကျတဲ့နိုင်ငံအကြောင်း စုံစမ်း၊ တခြား သံတမန်တွေနဲ့စကားပြောပြီး သတင်းဖလှယ် စကားနှိုက် ၊ သံခင်းတမန်ခင်းကိစ္စများလည်း ဆောင်ရွက် .... အင်း ... မလွယ်ပါလား။ နိုင်ငံတကာမှာ ဗိုလ်ကျချင်တဲ့ အမေရိကန်ရဲ့ သံတမန်တွေဆို ပိုပြီး အလုပ်ရှုပ်ရှာမှာပဲ။

မြန်မာသံတမန်များကတော့ လတ်တလောမှာ ပရိုမိုးရှင်းတွေပဲ လိုက်လုပ်နေရမယ် ထင်တယ်း)

သံတမန်ပညာ ဆိုတာ မွေးရာပါ မဟုတ်ပါဘူး။ သူတို့ကို သင်တန်းမျိုးစုံ ပေးလွှတ်လိုက်တာပါ။

သံတမန် ဆိုလို့ လူသိများတဲ့ ဟာသ တခုကို ပြန်နူးရရင် -

အမျိုးသမီးတယောက်နဲ့ သံတမန်တယောက် ဘယ်လိုကွာခြားသလဲ ဆိုတဲ့ ဟာသ။

သံတမန်တယောက်က
ရက်စ် လို့ ပြောတယ်ဆိုရင် တကယ့် ဆိုလိုရင်းက Maybe (ဖြစ်နိုင်ပါတယ်) တဲ့။

ဖြစ်နိုင်ပါတယ် လို့ ပြောရင်တော့ အဲဒီ သံတမန် ဆိုလိုတာက No (ဟင့်အင်း) တဲ့။

တကယ်လို့များ သံတမန် တယောက်က No လို့ ပြောလာရင် ဘယ်လို ဘာသာပြန်ရမလဲ။ ဘယ်လိုမှ ဘာသာပြန်မနေနဲ့ - သံတမန် ဆိုတာ No လို့ ဘယ်တော့မှ မပြောကြဘူး တဲ့။

အဲဒါကတော့ သံတမန်တွေ ပေါ့လေ။

အမျိုးသမီးတွေကရော -

မိန်းမတယောက်က No လို့ ပြောခဲ့ရင် Maybe ဖြစ်နိုင်ပါတယ်ရှင် လို့ ဆိုလိုပါတယ်။

ဖြစ်နိုင်ပါတယ်ရှင် လို့ ပြောလာရင်တော့ အဲဒါ Yes လို့ ဆိုလိုတာပဲ။ (ရှုပ်လာပြီ မဟုတ်လား)

ဒါဆိုရင် Yes လို့ပြောလာရင် ဘယ်လိုနားလည်ရမလဲ။ ဘယ်လိုမှ နားလည် မနေနဲ့ Yes လို့ပြောလာရင် အဲဒါ မိန်းမ မဟုတ်ဘူး တဲ့။

ဟာသလေးကတော့ ဒါပါပဲ။

အနောက်တိုင်းဟာသ ဆိုတော့ အနောက်တိုင်းကိစ္စ၀ိစ္စတွေ ကြားဖူးနားဝရှိမှ ဒီဟာသ ရီရလိမ့်မယ် ထင်ပါတယ်း)

ကျနော်လည်း တ၀က်လောက်ပဲ ရီရပါကြောင်း။

Jun 21, 2012

smile!


Ph. D ရဖူးတယ် ဆိုရင် ဘယ်သူမှ ယုံမယ် မထင်ဘူး။

PASSED HIGHSCHOOL with DIFFICULTY.. လို့ လူနားလည်အောင် ပြောရင်တော့ ယုံမယ် ထင်တယ်း)

ဒါပါပဲ

ပြုံးလိုက်ပါလေ
း)

Jun 11, 2012

ဘန်ကောက်ကို ရောက်လာပြန်ပြီ

ကျနော် ဘန်ကောက်ရောက်နေတာ တပတ် ရှိပြီ။ နောက်ထပ် အနည်းဆုံး ၂ ရက် ထပ်နေရမယ်။

အခု ကျနော့်လက်ထဲမှာ အထုပ်တထုပ် ရောက်နေတယ်။
ယူအက်စ်မှာနေတဲ့ ဦးဝင်းဖေက သူ့ပန်းချီကားတွေကို ချင်းမိုင်က မြန်မာပန်းချီပြခန်း လူကြုံပို့လိုက်တာပါ။
အဲဒီလူကြုံက ဘန်ကောက်အထိပဲ ရောက်တယ်။ ချင်းမိုင် မရောက်ဖြစ်သေးဘူး။
ဒီတော့ ပန်းချီကားထုပ်ကို ကျနော် သယ်သွားပေးမယ်။ အပမ်းမကြီးပါဘူးလေ။ အထုပ်က ကျောပိုးအိတ်ထက်ကြီးနေတာတခုပဲ ပြောစရာရှိတယ်း)
အဲဒါက အပေါ်က ဓာတ်ပုံအကြောင်း မိတ်ဆက်စာပါ။ ကဲ - ဘန်ကောက်အကြောင်း ပြန်ဆက်ရရင် -

ဘန်ကောက်ဟာ အရင်ကထက်ပိုပြီး နှစ်သက်စရာမကောင်းတဲ့မြို့ ဖြစ်လာတယ်။

၂၀၀၀ တုန်းက မကြာခဏ ဘန်ကောက်ရောက်ဖြစ်တယ်။ အဲဒီတုန်းက ကိုသားညွန့်ဦး၊ မအင်ကြင်းတို့အိမ်မှာ တည်းတာပေါ့။ ခုတော့ သူတို့ ၂ ယောက်လည်း ၃ ယောက်ဖြစ်သွားပြီး ယူအက်စ် ရောက်နေတယ်။

သူတို့ Lat Phrao လမ်း တနေရာမှာ ရှိတုန်းက သူတို့အိမ်က ကျနော်တို့ ဘန်ကောက်ရောက်တိုင်း တည်းကြတာပေါ့။ မြို့ထဲ မသွားတတ် မလာတတ်မို့ သူတို့နဲ့ လိုက်လိုက်သွားဖြစ်တယ်။ ဘန်ကောက်လမ်းတွေကလည်း ရန်ကုန်ထက် ပိုရှုပ်၊ ကျနော်က ထိုင်းလိုလည်း မပြောတတ် ဆိုတော့ ပိုပြီး အားကိုးဖြစ်တယ်း)

ဘတ်စ်၊ ရထား၊ အငှားကား စီးပုံစီးနည်း သူတို့ကြည့်ပြီး လေ့လာရတယ်။
အငှားကားစီးရတာ ဘာခက်တာမှတ်လို့။ သို့သော်
ဘန်ကောက် တက္ကစီသမားတချို့က အင်္ဂလိပ်လို ပြောကြ မေးကြတယ် - မင်း ဘယ်နိုင်ငံကလဲ တဲ့။ မြန်မာပြည်ကလို့ ဖြေလို့ မဖြစ်ဘူး။ ကိုယ့်ကိုမေးတဲ့
တက္ကစီဆရာက သာမန် စပ်စုတတ်တဲ့ လူကောင်းလား၊ လူဆိုးလား၊ တိုင်တတ် တောတတ်တဲ့သူလား မသိနိုင်ဘူး။ ဒီတော့ ဖိလစ်ပိုင်၊ စင်္ကာပူ စသဖြင့် ဖြေမိတာများတယ်။

ကိုယ်သွားတဲ့အိမ်တွေ အခန်းတွေမှာက ပတ်စ်ပို့မရှိသူတွေ များတယ်လေ။ ကျနော့်လို့ ဒုက္ခသည်လက်မှတ်နဲ့ ဖြစ်နိုင်သလို သူတို့မှာရှိတဲ့ ပတ်စ်ပို့ကလည်း မိတ်အင်ဘန်ကောက် ဖြစ်နေတတ်တယ်း) ဒီတော့ I am from Singapore ပေါ့ဗျာ။

လေပေါတဲ့ တက္ကစီဆရာတယောက်နဲ့ စကားစပ်မိတုန်းက ရီစရာနဲ့ ကြုံရသေးတယ်။

မင်း ဘယ်နိုင်ငံကလဲ။
ငါ စင်္ကာပူက။

အိုး၊ ဗဲရီးဂွတ်။
ဟုတ်တယ်၊ ဂွတ်တယ်။

မင်းတို့ဝန်ကြီးချုပ်က တကယ် တော်တာပဲ။
ဟုတ်တယ်၊ လီကွမ်ယုက သောက်ရမ်း တော်တယ်။ ငါတို့အားလုံး သူ့ကို ချစ်တယ်။

မဟုတ်ဘူး၊ လီကွမ်ယု မဟုတ်ဘူး၊ သူက ၀န်ကြီးချုပ်ဟောင်းလေ။ ငါပြောတာက လက်ရှိ ၀န်ကြီးချုပ်လေကွာ။ အင်း - ငါ နာမည် မေ့နေပြန်ပြီ (လို့ သူက လေရှည်တော့ ကျနော်လည်း လျှောက်ပြောရတော့တယ်။ အရေးထဲ ဂိုချုပ်တောင် နာမည်ကို သူရော ကျနော်ပါ မေ့နေတာမို့)
သြော် ...................... ဟုတ်တယ်၊ ငါတို့ဆီက ၀န်ကြီးချုပ်တွေ အကုန် တော်တယ်။

မင်းတို့ ၀န်ကြီးချုပ်နာမည် ဘယ်သူ? အား - ဘယ်သူပါလိမ့်။
မင်း စင်္ကာပူ ရောက်ဖူးလား။ လာလည်ပါလား။ အရမ်းကောင်းတယ်။

အင်း - လည်တာပေါ့ကွာ။ xxxx ဟဲဟဲ
ဟုတ်ကဲ့ xxxx ဟဲဟဲ xxxx

xxxxxxxxxxxxxxxxxxxxx
zzz

xxxxxxxxxxxxxxxxxxxx
zzzzz

မင်းနဲ့ စကားပြောရတာ အရမ်း အရမ်း ကောင်းတယ်ကွာ။
အေး ငါလည်း အဲဒီလိုပဲ ထင်တယ်။

တကယ်ပြောတာကွ။ စကားပြောလို့ အရမ်း အဆင်ပြေတယ်။ တချို့ခရီးသည်တွေနဲ့ စကားပြောဖြစ်တယ်။ သူတို့နဲ့ အင်္ဂလိပ်စကား ပြောရတာ မအိုကေဘူး။ မင်းနဲ့ အိုကေတယ်။ မင်းပြောတာ ငါနားလည်တယ်။ ငါပြောတာလည်း မင်းနားလည်တယ်။ ကောင်းတယ်။
ဟုတ်တယ်။

အဲဒါပါပဲဗျာ။ ဒီ ရယ်စရာအကြောင်း ကျနော့်မိန်းမကလွဲလို့ ဘယ်သူ့ကိုမှ မပြောမိသလောက်ပါပဲ။

၂၀၀၀ ၀န်းကျင်က ဘန်ကောက်ကို ဆယ်ကြိမ်မက ရောက်ဖြစ်ပေမယ့် အခုတော့ ကျဲသွားပြီ။
တည်းနေကျအိမ်မှာတည်းဖို့ မဖြစ်နိုင်လို့ ဟိုတယ်မှာပဲပေါ့။

ချိန်းပြီး ဆုံရ တွေ့ရမယ့်လူလည်း သိပ်မရှိတော့ဘူး။ ရှိတဲ့သူကလည်း အချိန်ရှားပါးသတ္တ၀ါတွေဖြစ်ကုန်ပြီ။

မပြောင်းလဲတာကတော့ ဘန်ကောက်ပဲ။ ဟိုတုန်းကလို မြောင်းပုပ်နံ့၊ ဟိုတုန်းကလို ပူပူလောင်လာင်၊ ဟိုတုန်းကလို ရှုပ်ယှက်ခတ်နေတုန်းပါ။ ယာဉ်ကြောပိတ်တာတော့ ပိုဆိုးလာတယ်။

ဘန်ကောက်ဟာ နေထိုင်သွားလာလို့ မကောင်းပေမယ့် အချက်အချာကျတဲ့နေရာ၊ အရေးပါတဲ့နေရာ ဖြစ်နေတာကြောင့် ရောက်လာရပြန်ပါပြီ။

နောက် ၂ ရက် ကျော်ရင်တော့ ကျနော် ချင်းမိုင်ပြန်ရောက်ကောင်းပါရဲ့လေ။

တော်သေးပြီ။
လျှောက်ရေးထားတာ ဖတ်ကြတဲ့အတွက် ကျေးဇူးတင်ပါတယ်။

May 17, 2012

လမ်းကြုံရင် ဒီစာကို ဦးသိန်းစိန်ဖတ်ဖို့ ပရင့်အောက်ပြီး ယူသွားလိုက်ပါ

(ဓာတ်ပုံ- AP)

မြန်မာပြည်ကို အလည်ရောက်ခဲ့တဲ့ တောင်ကိုရီးယား သမ္မတ လီမြောင်ဘတ်က ရန်ကုန်မြို့ အာဇာနည်ဗိမာန်ကို သွားရောက် အလေးပြုပါတယ်။

ဗိုလ်ချုပ်အောင်ဆန်းတို့ဂူတွေရှေ့မှာ ၁၉၈၃ ဗုံးခွဲမှုအတွင်း ကျဆုံးသွားတဲ့ ကိုရီးယားဝန်ကြီးတွေကို အလေးပြုတာပါ တဲ့။

ဒီသတင်းကြောင့် ဘောင်းဘီချွတ်ဦးသိန်းစိန်တို့အုပ်စု အဆဲခံနေရပါပြီ။
အဲဒီနေရာ ရောက်ခဲ့တာတောင် ဘာကြောင့် ဗိုလ်ချုပ်အောင်ဆန်းတို့ကို အလေးမပြုသလဲ?
ခရီးစဉ်အတွက် အသေးစိတ် အကြောင်းအရာ လပေါင်းများစွာ ကြိုတင် ညှိနှိုင်းစဉ်က ဒီအချက်ကို သတိမပြုမိဘူးလား?
စတဲ့ စတဲ့ မေးခွန်းတွေ တက်လာပါတယ်။

ဗိုလ်ချုပ်ပုံကို ဦးသိန်းစိန်ရုံးခန်းထဲ ချိတ်ထားတာဟာ ပြစားဖို့ပဲ (for show လုပ်ဖို့ပဲ) မဟုတ်လား?
အောင်ဆန်းကို ခင်ဗျားကြီးတို့ လေးစားမှုမပြရဲသေးဘူး မဟုတ်လား?
ဗိုလ်သန်းရွှေကို ဒီလောက်အထိ ကြောက်ရသလား ဆိုတဲ့ မေးခွန်းတွေတော့ မတွေ့ရသေးပါဘူး။

ကိုယ်ကတော့ ပြည်ပရောက်တဲ့အခါ ဟိုချီမင်း၊ ဂန္ဒီတို့ရဲ့ အထိမ်းအမှတ်တွေ အလေးပြုတယ်၊ ကိုယ့်ဆီလာတဲ့ ၀န်ကြီးတွေ ၀န်ကြီးချုပ်တွေ သမ္မတတွေကို ရန်ကုန်က အာဇာနည်ဗိမာန် အလေးပြုဖို့ မစီစဉ်တော့ဘူးလား။

ဒီမိုကရေစီအစိုးရလို့ ကိုယ့်ကိုယ်ကိုယ် ဆိုင်းဘုတ်တပ်ရင် ဒီမေးခွန်း ဖြေဖို့ ကြိုးစားလိုက်ပါအုံး။

မြောက်ကိုရီးယားအကြမ်းဖက်သမားတွေလို ငနဲတွေရဲ့ ရန်ကို စိုးရိမ်လို့ အာဇာနည်ဗိမာန်ကို ဘယ်နိုင်ငံခြားခေါင်းဆောင်ကိုမှ မသွားစေလိုဘူးလို့ ဖြေမှာလား။

အဲဒီလို ဖြေမယ် ဆိုရင်တော့ အာဇာနည်ဗိမာန်ဟာ တနှစ်မှ တရက်ပဲ ဖွင့်တဲ့နေရာတခု ဖြစ်သွားပြီပေါ့။

ကျန်တဲ့ ၃၆၄ ရက်က အာဇာနည်ဗိမာန် ပိတ်တဲ့သဘော သက်ရောက်ပါတယ်။ ဒါဆိုရင် နှမြောစရာပဲ။ အဲဒီနေရာက နေရာကောင်းဗျ။ တယောက်ယောက်ကို လုပ်ငန်း လုပ်ခွင့် ပေးလိုက်ပေါ့ဗျာ။ နိုင်ငံတော်လည်း ၀င်ငွေရတာပေါ့။ မဟုတ်ဘူးလား ဦးသိန်းစိန်။








Apr 19, 2012

အန္တရာယ်

Young monk on the back of a motorbike at Dala Township outside Yangon, Burma in August 2010 လို့ ဘလော်ဂါ ဓာတ်ပုံဆရာ တိုဟူးက ဆိုတယ်။
ရန်ကုန်မှာပါ တဲ့။
ပြဿနာပဲ - ဒီအတိုင်း သွားရင် ဆိုင်ကယ်က တခုခုကို ၀င်တိုက်တော့မှာပဲ လို့ ထင်ရတယ်။

ဒလမြို့မှာ ဒီလိုပဲ မောင်းကြသလား။

Apr 18, 2012

လျှောက်ငေးမယ် လျှောက်တွေးမယ်

ခရီးသည်တိုဟူးရဲ့ ဘလော့မှာ တွေ့တဲ့ပုံ။
ပုံက ဆွဲဆောင်မှု ရှိတယ်။
ဘာရယ်လို့တော့ မဟုတ်ပါဘူး။

သူ့ဆံပင်က နောက်ဘက်မှာတော့ ထုံးထား စည်းထားတာပဲ။
ရှေ့ဘက်မှာတော့ ဒီအတိုင်း ပစ်ထားတယ်။
ဒီလိုဆံပင်ပုံစံမျိုးကို ရှေးတုန်းက စိတ်ကူးမိကြပါ့မလား။
ရှေးတုန်းက စတိုင်လည်း ဖြစ်နိုင်တာပဲ။
Woman washing a Buddha statue at the Shwedagon Paya in Yangon, Burma in August 2010 လို့ ဘလော်ဂါခရီးသည်က ဆိုထားတယ်။

မူရင်းက http://tofuphotography.blogspot.com/2011/08/washing-statue.html

နောက်ခံ အ၀ါခြောက်ရင့်ရင့်က ရှားတယ်လေ။
ဒါကလည်း ဓာတ်ပုံရဲ့ ထူးခြားမှု။
ဘုရားဆင်းတု ပါရင် ဒီပုံက ပိုကောင်းမယ်။

အင်း ... ရွှေတိဂုံ ဘယ်တော့ထပ်သွားရပါ့မလဲ မသိ။
ရှေ့နှစ်ထဲမှာ သွားနိုင်မယ် ထင်ပါရဲ့း)