Sep 15, 2010

patchwork




ဖြတ်စညှပ်စ စပ်ပေါင်းချုပ် စတိုင်နဲ့ လန်းနေတဲ့ကလေးမ။
ကြိုက်လို့ ကွန်ပျူတာထဲ ထည့်ထားတာ။ အခု ကွန်ပျူတာ သန့်ရှင်းရေး လုပ်ရင်း ပြန်တွေ့လို့ ပိတ်သတ်ကြီး ခံစားနိုင်အောင် တင်ပေးလိုက်ပါတယ်။

ကျနော် ငယ်တုန်းကတော့ ကျနော့်အဖွားက လွယ်အိတ်ချုပ်ပေးဖူးတယ်။ ပစ်ရမယ့် အထည် အပိုင်းအစတွေကို ချုပ်တာလေ။ Recycle လုပ်တယ် ဆိုတော့ ပတ်ဝန်းကျင် ထိန်းသိမ်းရေးသမားလို့ မထင်ပါနဲ့း) ဟုတ်ချင်လည်း ဟုတ်လိမ့်မယ်။ ပစ်ရမှာ သမြောလို့လည်း ဖြစ်မယ်။ အသေးစိတ် သိချင်ရင်တော့ အဖွားဆီကိုသာ လိုက်မေးပေတော့း)

အင်း - အဖွားကိုတော့ ပတ်ဝန်းကျင် ထိန်းသိမ်းရေးသမားတွေ သဘောကျမှာပဲ။ ကျနော် ငယ်ငယ် လွန်ခဲ့တဲ့ အနှစ် ၃၀ ကျော်တုန်းကဆို အဖွားက ပလပ်စတစ်အိတ်တွေကို လွှင့်မပစ်ဘူး။ ပြန်သုံးတတ်တယ်။ သိပ်ညစ်ပတ်တဲ့ဟာဆိုရင် လျှော်ပြီး သုံးသေးတယ်။ အိတ်ကြီးထဲ စုထည့်ထား၊ များလာလို့ လျှော်ပြီးပြီ ဆိုရင် ခြံစည်းရိုးမှာ တအိတ်ချင်း လိုက်စွပ်တယ်၊ ရေခြောက်သွားရင် သုံးဖို့ သိမ်းတော့တာပဲ။ ဆိုင်ဖွင့်ထားတဲ့ ဈေးသည်ကြီး ဆိုတော့ အိတ်တွေ သုံးပေတော့။ အဲဒီခေတ်က ကြွပ်ကြွပ်အိတ်ဆိုတာ မရှိ။

ကြွပ်ကြွပ်အိတ်ကို ဘယ်အချိန်မှ မြင်ဖူးသလဲဆို ကျနော်တို့ အမေ မဲဆောက်သွားပြီး အပြန် သယ်လာမှ မြင်ဖူးကြတယ်။ ၁၉၈၀ မတိုင်ခင်ပေါ့။ နယ်စပ်မှာ သုံးနေပြီ ကြွပ်ကြွပ်အိတ်ကို။ အကောင်းဆုံး အိပ်ပါးလို့ တံဆိပ်မှာ မြန်လို ရေးထားတယ်။ မြန်မာပြည်တွင်းမှာတော့ လက်ကိုင်ပါတဲ့ ပလပ်စတစ်အိတ်ပါးက အထူးအဆန်းပေါ့ဗျာ။

ဘာရယ်လို့ မဟုတ်ပါဘူး။ ချစ်စရာ ပုံတွေကို ဘလော့မှာ တင်ရင်းနဲ့ သတိရမိတာတွေ ရေးလိုက်တာပါ။ ဒီမှာတင် ရပ်လိုက်ပါမှပဲး) အိပ်ချိန် လွန်နေပြီလေ။


3 comments:

ဂျော်ဒီးး said...

နောက်တခါကျရင် စပ်လွယ်အိတ်ကလေးနဲ့ မော်ဒယ်ဘွိုင်းရဲ့  ဖလန်းဖလန်းပုံလေး တင်ပေးပါး)))

Moe Cho Thinn said...

အထက်ပါ စာသားအတိုင်းးး။ ။

Kay said...

စပ်ထည် လေး တွေ တကယ်လန်းတယ်..။
ကိုဇာနည် ကိုတောင်..အဲလို စပ်ထည် ဘောင်းဘီ လေး နဲ့ ဘောလုံး အစည်းလေး ကိုင်ပြီး..မော်ဒယ်ဘွိုင်း လျှောက်လာတဲ့ပုံ မြင်ယောင်လာတယ်။

း)