invitation card

အတွေးအမြင် (၀၀၁) သတင်းထောက် မစ္စတာ ပီတာအောင်က ဖိတ်စာတစောင်ပေးတယ်။ သူ့မင်္ဂလာဆောင်အတွက်ပါ။ သူ့ဖိတ်စာကြောင့် မင်္ဂလာ ထပ်ဆောင်ချင်စိတ်တောင် ပေါက်မိပါရဲ့။ သူ့ဖိတ်စာပြာပြာမှာ အနံ့တခု ရှိတယ်။ နံ့သာလား ကရမက်လား ဒီ နှစ်ခုထဲက တခုခုပဲ၊ သဘာဝကျတဲ့ အနံ့။ တခြား ရေမွှေးဖိတ်စာတွေလိုတော့ အနံ့က မစူးရှဘူး။

လွန်ခဲ့တဲ့ ၃ နှစ်တုန်းက ကျနော်လည်း သူ့လိုမိုက် အဲ - - - ကျနော်လည်း ကျနော့် မင်္ဂလာဆောင်အတွက် ဖိတ်စာရိုက်ဖူးတယ်။ ကူညီသူတယောက်က ဖိတ်စာအတွက် ရေမွှေးနံ့ ထည့်ထားတဲ့ ကတ်ပြား သုံးဖို့ စီစဉ်တယ်။ ကျနော်က သတို့သား ဆိုတော့ သူ့အစီအစဉ်ကို ဗီတိုသုံးလိုက်တာပေါ့။ သူတို့လည်း ကျနော့်ရဲ့ အရူးထမှုကို အူကြောင်ကြောင် ဖြစ်သွားလေရဲ့။ အများနဲ့မတူတော့ အရူးထတယ်လို့ ပြောနိုင်မှာပါ။

ဒီလို ဒီလို၊ ကျနော် ဆယ်တန်း ဒုတိယနှစ်ကတည်းက ဒီ အရူးထတဲ့စိတ် ပေါ်ခဲ့ဖူးတာပါ။ အနံ့ စူးရှလွန်းတဲ့ ရေမွှေးဖိတ်စာတွေကြောင့် ဆိုပါစို့။ တနေ့ မင်္ဂလာဆောင်ဖြစ်ခဲ့ရင်တော့ ငါ့ ဖိတ်စာမှာ ဒီလို စူးရှရှ အနံ့တွေ မပါစေရဘူးပေါ့ဗျာ။ အနံ့ကြောင့် မင်္ဂလာဧည့်ခံပွဲကို မတက်ဘူး ဆိုတဲ့သူတွေ မရှိလို့ ဘယ်သူပြောနိုင်မလဲလေ။

အနံ့စူးစူးဖိတ်စာတွေကို မုန်းတဲ့ ကျနော့်ကို ကျနော့်အစ်ကိုကတော့ နှစ်သိမ့်ဆွေးနွေး အဲ - နားချပါတယ်း) မင်းဖိတ်စာကို ဘယ်သူမှ မနမ်းပါဘူးကွာ တဲ့။ ဒါပေမယ့် မရဘူးလေ၊ လွန်ခဲ့တဲ့ ဆယ်နှစ်ကျော်ကတည်းက ကိုယ့်ကိုယ်ကိုယ် ကတိပေးထားတာ ဖျက်လို့ ဘယ်ဖြစ်မလဲ။ ဒါနဲ့ပဲ အနံ့အသက် မပါတဲ့ ကတ်ပြားကို ခက်ခက်ခဲခဲ ရှာပြီး ဖိတ်စာရိုက်လိုက်ရတယ် ဆိုပါစို့။ (ဆိုင်မှာရောင်းတဲ့ ကတ်ပြားတွေက ရေမွှေးနံ့တွေနဲ့ချည်းပဲလို့ မစ္စတာဂျွန်ဂလင်းက ပြောတယ်။)

အခု လက်ထဲရောက်နေတဲ့ ပီတာအောင်ရဲ့ ဖိတ်စာကတော့ (နောက်တခေါက် ထပ်ပြောရရင်) အနံ့ မစူးရှပါဘူး။

မကြာခင် ကျနော့်ရဲ့ အူကြောင်ကြောင် အတွေးတွေကို အထုပ်ဖြည်ပြပါဦးမယ်။
ဒီတကြိမ်တော့ ဖိတ်စာအကြောင်းကိုပဲ ရေးလိုက်ပါတယ်။
ဓာတ်ပုံကို oknation.net/blog/wattanaz/2008/11/22/entry-1 ကနေ ယူပါတယ်။ ပုံထဲက ဆရာသမားနဲ့ အခု စာဖတ်နေသူတယောက်ယောက်နဲ့ တူခဲ့ရင် ခွင့်လွတ်ပါ။ မည်သူ့ကိုမှ မရည်ရွယ်ပါ။း)

live post

[ ကျန်းကျိန် ကို ကျမ်းကျိန် ဟု ပြင်ဆင်ဖတ်ရှုပါရန်း) ]

အိုဘားမား ကျန်းကျိန်ပွဲက မြိုင်လိုက်တာ။ စကားပြောတာချည်းပဲ မဟုတ်ဘူး။ ဒီဇင်ဘာတုန်းက ကြုံခဲ့ရဖူးတဲ့ ခရစ္စမတ်ဆုတောင်းပွဲ အခမ်းအနားတခုနဲ့ တူတယ်။ သီချင်းဆိုတယ်။ သံစုံတီးဝိုင်းလေးတခုကလည်း လက်စွမ်းပြတယ်။ ဘုရားရှိခိုးဆုတောင်းသလိုမျိုး လုပ်တယ်။ (မတူတာတခုကတော့ ကဗျာရွတ်တဲ့အစီအစဉ်ပါပဲ။)

အိုဘားမား စကားပြောတော့ လူတွေ လက်ခုပ်တီး အားပေးကြတယ်။ ရွေးကောက်ပွဲအောင်ပွဲညက ပြောသလိုပါပဲ အားနဲ့ မာန်နဲ့ ပြောသွားတယ်။ အမေရိကန်တွေလည်း မြန်မာတွေ ထိုင်းတွေလို ပွဲကြိုက်ကြပုံရတယ်။ ၁၀ တန်းမှာ သင်ခဲ့ရတဲ့ ဥမ္မာဒန္တီပျို့ထဲက စကားလုံး ယူသုံးရရင်တော့ ကြက်ပျံမကျပေါ့ဗျာ။ ရွေးကောက်ပွဲမှာ ရှုံးသွားတဲ့ ဂျွန်မက်ကိန်းကြီးကိုလည်း လူအုပ်ထဲမှာတွေ့လိုက်ရ။ လူတွေကတော့ အလံတွေ လှုပ်ရမ်းပြီး မြူးနေကြတာ။

ကဗျာရွတ်တဲ့အချိန်မှာ လူတွေ လှုပ်လှုပ်ရွရွ ဖြစ်လာတယ်။ ထပြန်ကြပုံရတယ်။ အမေရိကန်မှာလည်း အရောင်းထိုင်းပုံပဲ ကဗျာက။ ပထမကဗျာက ခပ်တိုတိုပဲ။ ဒုတိယကဗျာကို အဖိုးကြီးတယောက်ရွတ်တော့ အဆုံးပိုင်းမှာ လူတွေ ပြုံးကြတာ သတိထားမိတယ်။ ကဗျာရှည်ကြီးပြီးတော့ နိုင်ငံတော်သီချင်းဆိုမယ်လို့ အခမ်းအနားမှူး အမျိုးသမီးက ကြေညာတယ်။ သီချင်းဆုံးတော့ လူတွေ လက်ခုပ်တီးပြန်ရော။ ဒါပါပဲ အစီအစဉ်က။ စောစောတုန်းက လူကြီးတွေ (သမ္မတဟောင်းကြီးတွေနဲ့သူတို့ရဲဇနီးတွေ) တက်ရောက်ပုံကို ပြတယ်။

CNN က အဆက်မပြတ် ပြနေတာပဲ။ ဘာအစီအစဉ်မှ မပါဘူး။ ကျန်းကျိန်ပွဲကိုပဲ အဆက်မပြတ် တိုက်ရိုက် လွှင့်နေတာ။ (ကြားထဲမှာ ကြော်ငြာ ၃ ခုလောက်တော့ ခပ်တိုတို ထည့်တယ်။ ဂျော်နီလမ်းလျှောက် အရက်ပုလင်းကြော်ငြာ။ ကြော်ငြာထဲမှာ အိုဘားမားလို့ ယူဆရသူတယောက် လမ်းလျှောက်လာပုံလည်း ပါသေး။

ကျန်းကျိန်ပွဲ ပြီးတော့ CNN ဆရာ ဆရာမတွေ ဘယ်လို တင်ဆက်သလဲ လေ့လာကြမယ် ဘာညာ နဲ့ မဟေသီကို ဘေးမှာထိုင်ဖို့ စည်းရုံးပြီး တီဗွီကြည့်ရတယ်။ုကည့်ရင်းနဲ့ ကွန်ပျူတာ သုံးရတာပေါ့။း) သူ့အာရုံကို တီဗွီဆီ ပို့ပေးလိုက်တဲ့သဘော။း)

နိုင်ငံရေးပွဲကြီးက အနုပညာဆန်ဆန် ဘာသာရေးဆန်ဆန် ပြီးသွားတယ်။ အိုဘားမားခရေဇီတွေက ညကတည်းက လာပြီး စုဝေးနေကြတယ် ဆိုပဲ။ ငွေအကုန်ခံပြီး ၀ါရှင်တန်မှာ အင်အားသွားပြကြတာ အကြောင်းရှိမယ်။ ချမ်းချမ်းစီးစီး။ လေက ထန်ထန်။ အိမ်ကနေ (အလုပ်ထဲကနေ) နွေးနွေးထွေးထွေးနေပြီး တီဗွီထိုင်ကြည့်လည်း အကုန်မြင်ရတာပဲဟာ။း)

ခုလေးတင် သမ္မတဟောင်း ဖြစ်သွားတဲ့ ဘုရ်ှတို့ လင်မယားကို စစ်ရောင်သုတ်ထားတဲ့ ရဟတ်ယာဉ်ကြီးက ခေါ်သွားတယ်။ သမ္မတ ဒုသမ္မတသစ် စုံတွဲ ၂တွဲက ရဟတ်ယာဉ်တက်တာကို စောင့်ကြည့် လက်ပြနေလေရဲ့ အခု ကြည့်နေတဲ့အချိန်မှာ။
အိမ်ဖြူတော်မှာ သမ္မတဟောင်းရဲ့ အထုပ်အပိုးတွေ အပြင်ထုတ်ပြီး၊ သမ္မတသစ်ရဲ့ သေတ္တာတွေ ပုံးတွေ သွင်းလာတာကိုလည်း မြင်လိုက်ရတယ်။ အိုဘားမားအတွက်တော့ အိုကေသွားပြီ။ အနည်းဆုံး ၄ နှစ်စာ အိမ်လခ ပေးစရာ မလိုတော့ဘူး။ အိမ်အကြီးကြီးမှာ နေရမယ်။ လခလည်း ကောင်းတယ်။ ခေါင်းတော့ ကိုက်ရမယ်။ အမေရိကန်က ကမ္ဘာ့ပုလိပ်ကြီးဆိုတော့ အိုဘားမားက ရဲမှူးကြီးပေါ့။ "ဂေါ့ဘလက်စ်ယူ" ပါ ရဲမှူးကြီးခင်ဗျာ။

ကိုရီးယားသက်မွန်မြင့်သရုပ်ဆောင်တဲ့ဇာတ်လမ်းတွဲ

ဗိုင်းရပ်စ်တကောင်ကိုက်တာ ခံနေရတယ်။ ဟုတ်ပါတယ်၊ ကိုရီးယား ဗိုင်းရပ်စ်း) Love Story in Harvard ဟားဗတ်တက္ကသိုလ်ချစ်ပုံပြင် ဆိုတဲ့ ကိုရီးယား ဇာတ်လမ်းတွဲ ကြည့်နေတယ် လို့ ကြော်ငြာလိုက်တော့ ကြည့်ဖူးသူတွေက ပြောကြတယ် သူတို့လည်း ကြိုက်သတဲ့။

သရုပ်ဆောင်တွေအကြောင်း အရင်ပြောရရင် မင်းသမီးအဖြစ် Kim Tae-hee ဆိုတဲ့ ကလေးမက သရုပ်ဆောင်တယ်။ သူကို ဂူဂယ်လိုက်တော့ 1980 ဖွားလို့ စွယ်စုံကျမ်းက ဆိုတယ်။ ကိုရီးယားကနာမည်ကြီးတက္ကသိုလ်တခုကနေ ဖက်ရှင်ဒီဇိုင်း ဘာသာရပ်နဲ့ ဘီအေဘွဲ့ ရထားတယ်။ SBS ရုပ်သံဌာနရဲ့ ဇာတ်လမ်းတွဲတွေမှာ သရုပ်ဆောင်ခဲ့သေးတယ်။
ဒီကလေးမကိုကြည့်ပြီး သူ့လို ကြည့်ကောင်းတဲ့တယောက် တို့ဆီမှာလည်း ရှိသားပဲလို့ တွေးမိတယ်။ သူ့ လိုပဲ "သက်မွန်မြင့်"လည်း အဆင်းလှတာပဲ။ ဟုတ်တယ်နော်။
ဒီကလေးမ သရုပ်ဆောင်တာ ကောင်းတယ်။ သရုပ်ဆောင်ဆုကြီးတွေတောင်ရထားတယ် ဆိုပဲ။
ဟောသမှာ ဆုစာရင်း-
* 2007 Daejong Film Awards: Overseas Popularity Award-Female (The Restless)
* 2007 Paeksang Arts Awards: Movie section Popularity Award-Actress (The Restless)
* 2005 Paeksang Arts Awards: TV section Popularity Award (Love Story in Harvard)
* 2004 SBS: Highest Popularity Award for actress (Love Story in Harvard)
* 2004 SBS: 10 Stars Award
* 2004 KBS: New Actress Award (Forbidden Love)
* 2003 SBS: New Star Award (Screen & Stairway to Heaven)

မင်းသားက Kim Rae-won ဆိုတဲ့ ကောင်လေး။ ၁၉၈၁ ခုနှစ်ဖွား။ သူက သရုပ်ဆောင်၊ မော်ဒယ်၊ ဆယ်ကျော်သက်ကတည်းက ရုပ်သံမှာ လှုပ်ရှားခဲ့သတဲ့။ သူလည်း ခေသူမဟုတ် ဘွဲ့ရ ပညာတတ် ဆိုပေမယ့် ရုပ်ရှင်ထဲမှာတော့ အင်္ဂလိပ်စကားပြောခန်းတွေမှာ အသံထွက် အားနည်းတာ တွေ့ရတယ်။ black ကို blat လို့ သုံးလေးခါမက အသံထွက်တယ်း)

ဇာတ်လမ်းကတော့ ဟားဗတ်တက္ကသိုလ်ရောက် ကိုရီးယားကျောင်းသားတွေရဲ့ ကြည်နူးစရာတွေကို ရိုက်ထားတာပါ။ စာသင်တာ စာလေ့လာတာတွေလည်း ပါပါတယ်၊ ခုချိန်ထိ ကြည့်ရသမျှတော့။ နောက်ဆုံးတော့ မင်းသမီးနဲ့ မင်းသား ညားကြလေသတည်း နဲ့ အဆုံးသတ်ထားတယ်၊ ပြီးတော့ ကလေးသုံးယောက်တောင် ရသွားသေးရဲ့လို့ ၀ီကီစွယ်စုံကြမ်းက ဆိုတယ်။

ဝီကီမှာ နိဒါန်းပျိုးထားတာကတော့ ၂၀၀၄ မှာ ထုတ်လွှင့်ခဲ့တဲ့ ရုပ်သံဇာတ်လမ်းတွဲဖြစ်တယ်၊ အောင်မြင်တယ် တောင်ကိုရီးယားမှာရော အရှေ့အာရှမှာပါ။ အမျိုးသားသရုပ်ဆောင် အင်္ဂလိပ်စကားပြောညံ့တာတောင် အောင်မြင်တယ်။ အမျိုးသမီးသရုပ်ဆောင်တွေက သိသိသာသာကို အင်္ဂလိပ်စကားပြော ပိုကောင်းတယ် တဲ့။ ဟားဗတ် ဆိုပေမယ့် ကယ်လီဖိုးနီးယားမှာရှိတဲ့ တက္ကသိုလ် ၂ခုမှာ ရိုက်ခဲ့တာလို့ ဆိုတယ်။

တနေရာမှာ ဇာတ်ပို့မင်းသမီးက ဗီလိန်ဇာတ်ပို့ (လူကြမ်းမင်းသား)ကို နမ်းဖို့ ကြိုးစားတယ်။ ဟိုသကောင့်သားက အနမ်းမခံဘူး။ ငါက ရှေးရိုးဆန်တဲ့ကောင်ကွ တဲ့။ အဲသလိုပြောပြီး သူက အဲဒီကလေးမကို နမ်းပါလေရော။ ဒီကောင်ကလည်း နေရာတကာ ရှေးရိုးဆန်တဲ့သတ္တ၀ါပဲ။း) ကျနော်တို့နိုင်ငံက အမျိုးသားတွေလည်း သူ့လိုပဲ ရှေးရိုးဆန်ကြမယ်ထင်တယ်း)

ဇာတ်လမ်းက ခပ်တိုတိုရိုက်လို့ရမှာပါ။ နို့ပေမယ့် လနဲ့ချီပြီး တီဗွီမှာ ပြလို့ရအောင် ရိုက်တာက ပညာပဲ။ လူတွေ တီဗီရှေ့လာထိုင်စောင့်ပြီးကြည့်အောင်လုပ်နိုင်တာ ပိုပြီး ပညာပါတယ်။း)

ဇာတ်လမ်းကို လှည့်လိုက်တာ၊ ဆွဲဆန့်တာတွေကို သည်းခံပြီး ကြည့်နေရတယ်။ သူတို့ ဘယ်လို တင်ဆက်သလဲ ဆိုတာကို လေ့လာချင်၊ မင်းသမီးကို ကြည့်ချင်တော့လည်း သည်းခံရတယ်လေ။း) ဘာကြောင့် လူတွေ ကိုရီးယားဇာတ်လမ်းတွဲတွေကို ကြိုက်နေရသလဲ ဆိုတာကိုလည်း လေ့လာဖြစ်တယ်။ လေ့လာဆဲပဲ။ ကျနော့်မဟေသီက စာမေးပွဲတွေ ဆက်တိုက်ရှိနေလို့ ကိုရီးယားလေ့လာမှုကို ခဏဆိုင်းထားရတယ်။ သဘက်ခါတော့ ပြန်အစပြုနိုင်ကောင်းရဲ့။

တရုတ်မတယောက်က ပြောဖူးတယ်၊ ကိုရီးယားမင်းသမီးတွေချောတယ် ဆိုတာ မိတ်ကပ်ကောင်းလို့ပါ ဆိုပဲ။ သူပြောတာလည်း တချို့မင်းသမီးတွေအတွက် မှန်ကောင်း မှန်ပါလိမ့်မယ်။

ရန်ကုန်က ရုပ်ရှင်ဗီဒီယို ဒါရိုက်တာတွေကတော့ ကိုရီးယားကားတွေကို သိပ်အထင်မကြီးဖို့ ပြောတယ်။ သူတို့လည်း စွမ်းဆောင်နိုင်ပါတယ်လို့ ဆိုလိုဟန်ရှိတယ်။

ရုပ်ရှင်တကား အောင်မြင်ဖို့ ဆိုတာ ဒါရိုက်တာကောင်းရုံနဲ့ ဘယ်လုံလောက်မလဲ။ ဒါရိုက်တာဆိုတာ ခေါင်းစဉ်ခွဲလေးတခုပါ။ တခြားခေါင်းစဉ်ခွဲတွေလည်း အနည်းဆုံး ဆယ်ခု ဆယ့်ငါးခု ရှိပါလိမ့်မယ်။ ။ THE EN :D

Prime Minister

အလုပ်တခု လျှောက်ထားတယ်။ ကျနော့်မိတ်ဆွေတချို့လည်း အဲဒီမှာ ၀င်လုပ်နေတယ်။ ဘာအလုပ်ပါလိမ့်ဆိုပြီး လိုက်စုံစမ်းရင်တော့ တွေ့မှာပါပဲ။ အဲဒီအခါမှ "ဟင်၊ ဟယ်၊ အမ်၊ အောင်မယ်လေး၊ မထင်ရဘူးနော်" လို့ ပြောတဲ့သူတွေ ရှိနိုင်သလို၊ ငါလည်း အဲဒီမှာလုပ်ဖို့ လျှောက်လွှာတင်ဦးမှပဲ လို့ ဆုံးဖြတ်သူတွေလည်း ရှိပါလိမ့်မယ်။ ကဲ ကျနော့်လျှောက်လွှာ ဖတ်စေ -

သို့
သဘာပတိ

အကြောင်းအရာ။ ။ ဟိုနေ့ကပြောတဲ့ကိစ္စ။

ကျနော့်ကို ၁ နေရာ ပေးပါ။ လိုချင်တဲ့နေရာက ဝန်ကြီးချုပ်။ တကယ်လိုချင်တာက လည်ရာ ပြန်စားရေးဝန်ကြီး ဌာန။ ဒါပေမယ့် သူများ ဦးသွားပြီ။

အဲဒါမရတော့လည်း ကျန်တာ ရွေးယူမယ်လေ။ လစာ ငါးထောင့်ငါးရာ ရနိုင်မယ်လို့ မျှော်မှန်းပါတယ်။ ဘာကြောင့်လဲ ဆိုတော့ “တောင်ကျရေ နွားနှစ်ကောင် မဝ သလိုပ၊ မောင်ဘဖေ ငါးထောင် မရတာကြောင့်” ဆိုတဲ့ ကဗျာလည်း ရှိတယ်မဟုတ်လား။ ဟိုတုန်းက ၀န်ကြီးတွေက ငါးထောင် ရတဲ့သဘော။ ၀န်ကြီးချုပ်ဆိုတော့ သူတို့ထက် ငါးရာ ပိုရသင့်ပေတာပေါ့။

ဝန်ကြီးချုပ်က ဘာတွေလုပ်ရတယ် ဆိုတာတော့ ကျနော်လည်း မသိ။ သိလည်း မသိချင်ဘူး။ တချို့က အဲဒီနေရာအတွက် အသည်းအသန်ဖြစ်နေတယ် ဆိုတော့ အင်မတန် အိုကေမယ့် ရာထူး ဖြစ်လိမ့်မယ် လို့တော့ ထင်တယ်။ ကြုံတုန်း ယူထားတာ ဆိုပါစို့။

ဒီအလုပ်ရရင် ကိုယ့် ရှေ့ရေးအတွက် အထောက်အကူဖြစ်တယ်။ အလုပ်တခုခု လျှောက်တဲ့အခါ ကိုယ်ရေးရာဇ၀င်မှာ ဖြည့်စရာအကြောင်းအရာ တခု ရမယ်လေ။

ပြည်ပမှာ စင်ပြိုင်အစိုးရသစ် ပေါ်တော့မယ်လို့ ကြားတယ်။ ဘာရယ်လို့မဟုတ်ဘူး၊ ကျနော်လည်း နေရာတခုခု ရချင်တယ်။ ဒါပေမယ့် အဲဒီမှာ ၀င်အရွေးခံဖို့ ကျနော့်မှာ အခွင့်အရေး ရှိမယ် မထင်။ ၀မ်းနည်းစရာပဲ။ ဒါကြောင့်လည်း အခွင့်သာတဲ့အခါ ရတဲ့နေရာတခုခု ယူမယ်လို့ ဆုံးဖြတ်လိုက်ရတာပါ။

ဒါပါပဲ၊ နောက်နေ့ တွေ့တာပေါ့။

ကြိုတင်ကျေးဇူးတင်လျက်

မစ္စတာဇက်

စာကြွင်း- သဘာပတိရဲ့ အတည်ပေါက်ပို့စ် ကို ဖတ်အပြီး ဒီလျှောက်လွှာ တင်လိုက်တာပါ။

Jan 4

အိမ်ထောင်ပြုမယ်၊ မင်္ဂလာဆောင်မယ် ဆိုပြီး ရက်ရွေးတော့ လွတ်လပ်ရေးနေ့ကို ရွေးလိုက်တယ်။ နိုင်ငံရေးဆန်တာလည်း မဟုတ်၊ ဗေဒင်ဆရာပေးတဲ့ရက်လည်း မဟုတ်ရေးချမဟုတ်။ ဝေဒပြက္ခဒိန်ထဲက မင်္ဂလာရက်မြတ် ဆိုတာတွေလည်း မကြည့်ဖြစ်။ ရက်ရွေးဖို့ ဦးဇင်းသက်အောင်နဲ့ တိုင်ပင်လိုက်တာပါပဲ။

ဦးဇင်းက နက္ခတ်တွေ ဘာတွေ ကြည့်တတ်ပုံတော့ မရဘူးး) မကြည့်တတ်လည်း အရေးမကြီး၊ သူ့ကျောင်းမှာ မင်္ဂလာဆွမ်းကပ်၊ ပရိသတ်ကိုဧည့်ခံမယ် ဆိုတော့ ကျောင်းက ကိုယ်တော်တွေ အဆင်ပြေမယ့်နေ့၊ ဆွမ်းစားဆောင် အားတဲ့ရက်ကို မေး၊ ဆရာတော်ကိုလျှောက်ပြီး ရက် ၁ ရက် ရသွားတာ။ ဟုတ်ကဲ့ လွတ်လပ်ရေးနေ့ပေါ့း)

ဖိတ်ကြားထားသော ဧည့်သည်တော်များ ကြွရောက်ကြပါတယ်။
စိတ်မကောင်းစရာတခုက မိတ်ဆွေတချို့ကို မဖိတ်ဖြစ်လိုက်တာပဲ။ ကိုဘိုလေး ဆောဒီးဗျား) နောက်တခါ ထပ်ဆောင်ဖြစ်ရင် အသေအချာ ဖိတ်ပါ့မယ်း)

လွတ်လပ်ရေးနေ့မှာ ဆောင်တယ် ဆိုတော့ နှစ်စဉ်နှစ်တိုင်း မင်္ဂလာဆောင်နှစ်ပတ်လည်နေ့ကို လွန်သွားမှ သတိရတာမျိုး ဖြစ်စရာအကြောင်း သိပ်မရှိတော့ဘူး။ လွတ်လပ်ရေးနေ့ဟာ နိုင်ငံတခု အစပြုတဲ့ နှစ်ပတ်လည်နေ့။ ကျနော်နဲ့မဟေသီရဲ့ နှစ်ပတ်လည်နေ့။

အိမ်ထောင်ပြုပြီးပြီဆိုတော့ လူလွတ်သူငယ်ချင်းတချို့က မေးကြတယ်၊ အိမ်ထောင်ပြုတာ ကောင်းလား မကောင်းလား။ ဒီလို မေးခွန်းတွေက စွန့်စားတော့မယ်သူတွေ မေးတတ်တယ်လေ။ ဒီတော့ သူတို့စိတ်ကြိုက် ဖြေသင့်တာပေါ့။ ကောင်းတယ် လို့ပဲ ဖြေလိုက်ရုံး)

ငယ်တုန်းက ဖတ်ဖူးသလိုပါပဲ အိမ်ထောင်ပြုတယ်ဆိုတာ ကိုယ့်ဘ၀ ကိုယ့်အချိန်တွေ သူ့ကိုတ၀က်ပေး၊ ကိုယ်ကလည်း သူ့ဆီက တ၀က်ပြန်ယူတဲ့သဘောပါ။ အပြန်အလှန် နစ်နာကြတာပဲ။ အဲသလိုပဲ ဖြေဖြစ်တယ်။

ပထမ နှစ်ပတ်လည်နေ့တုန်းက မဟေသီကို ပြောဖူးတဲ့ ဟာသတပုဒ် ရှိတယ်။
"ကျမတို့ အိမ်ထောင်သက် ၂၀ ပြည့်အထိမ်းအမှတ် အနေနဲ့ ခြံထဲက ကြက်တကောင်ကိုချက်ပြီး ညစား စားလိုက်ကြရအောင် လို့ ဇနီးသည်က ပြောတယ်။ သူ့ယောက်ကျားက ဘာပြန်ပြောသလဲ ဆိုတော့ မလုပ်ပါနဲ့ကွာ လွန်ခဲ့တဲ့ အနှစ် ၂၀ တုန်းကဖြစ်ခဲ့တဲ့ မှားယွင်းမှုအတွက် ဒီကြက်ကလေးမှာ အပြစ်မရှိပါဘူး" တဲ့း)

ဒီနှစ်မှာ ပြောဖြစ်တဲ့ နောက် ဟာသ တပုဒ်က နှစ်ငါးဆယ်ပြည့် အိမ်ထောင်သက်အတွက် ညစာ ထွက်စားတဲ့လင်မယား အပြန်လမ်းမှာ ယောက်ကျားက မျက်ရည်ကျတဲ့အကြောင်း။ သူ့မိန်းမ ထင်တာက ၀မ်းသာလို့ ကျတဲ့မျက်ရည်ပေါ့။ နောက်ဆုံးတော့ ယောက်ကျားက ပြောပြတယ်၊ ငါ လက်မထပ်ခင်က အကြောင်းတွေကို စဉ်းစားနေတာပါ၊ အဲဒီတုန်းက မင်းအဖေက ငါ့ကို သေနတ်နဲ့ချိန်ပြီး ခြိမ်းခြောက်တယ်၊ ငါ့သမီးကို ယူရင်ယူ မယူရင်တော့ မင်းကို ထောင် အနှစ် ၅၀ ချမယ် တဲ့။ အင်း - ထောင်အချခံလိုက်ရင်တော့ မနက်ဖြန်ဆို ငါ လွတ်ပြီး) ဆိုပဲ။

ဟာသဖတ်ပြီး ရယ်လိုက်တာ ကောင်းပါတယ်း) မရယ်ရင်တော့ ၀မ်းနည်းရမယ်း)

Jan 3

ဇာနည် ဆိုတဲ့ နာမည်ကို ဘယ်သူမှည့်ပေးတာလဲ၊ အင်္ဂလိပ်လို Zarny လို့ ဘာကြောင့် စာလုံးပေါင်းရတာလဲ၊ နှစ်သစ်မှာ ဘာလုပ်နေလဲ -

ဘယ်သူမှ မမေးတဲ့ မေးခွန်းတွေကို ကိုယ်တိုင်မေး ကိုယ်တိုင်ဖြေရရင် - ဇာနည်ဆိုတာ မြန်မာပြည်မှာကတည်းက သုံးခဲ့တဲ့ နာမည်တခု။ ကျနော့်မိတ်ဆွေ ကိုချစ်တင်က ပြောတယ် - "မင်း နာမည်ဝှက်တခုပေးပါ၊ နောက်ပိုင်း အဲဒီနာမည် ဆက်သုံးကြမယ်" တဲ့။ လုံခြုံရေးအတွက် သုံးခဲ့ရတဲ့ အမည်ဝှက်တွေထဲက တခုပေါ့။ ဒီလိုနဲ့ အသုံးတွင်လာတယ်။

ကျားမ မရွေး သုံးကြတဲ့ ဒီနာမည်ကို အများစုက အင်္ဂလိပ်လို Zarni လို့ စာလုံးပေါင်းတယ်။ "I" နဲ့ ပေါင်းကြတယ်။ ကျနော်ကတော့ "Y" နဲ့ ပေါင်းတယ်။ အများနဲ့မတူချင်လို့ ထွင်တာလား မေးလာရင် မဟုတ်ပါ လို့ ဖြေရမယ်။ Hotmail နဲ့ Yahoo ၊ နောက်ပိုင်းမှာ Gmail အီးမေးလ် အကောင့်တွေ ဖွင့်တဲ့အခါ "I" နဲ့ က သူများတွေ ဦးသွားကုန်ပြီ။ ဒါနဲ့ လက်ကျန် "Y" ကို သုံးဖြစ်သွားတယ်။ အဲဒီလို စာလုံးပေါင်းရင်လည်း အသံထွက် မှန်နေတာပဲလေ။

နှစ်သစ်ကူးမှာ ဘာတွေလုပ်ဖြစ်သလဲ ဆိုတော့ အင်း - သိပ်မထူးခြားပါဘူး၊ ခါတိုင်းနေ့တွေလိုပဲ ကွန်ပျူတာရှေ့ ထိုင်တယ်။ ဒါဆို ဘာတွေ မလုပ်ဖြစ်ဘူးလဲ ဆိုတော့ -
၁။ ညစ်ပတ်ပြီး အနံ့နည်းနည်းထွက်နေတဲ့ အိမ်ကခွေး၂ကောင်ကို ရေမချိုးပေးဖြစ်သေးဘူး (သူတို့ကလည်း မတောင်းဆိုပါ၊ ဒါနဲ့ပဲ သူတို့နဲ့ တသွေးတသားတည်းရှိကြောင်း ကိုယ့်ရပ်တည်ချက်ကို အခိုင်အမာ ပြသတဲ့အနေနဲ့ ဒီကနေ့ ကျနော် ရေမချိုးဘူး)၊
၂။ ကျန်းမာရေးလေ့ကျင့်ခန်း ဆိုတာတွေ မလုပ်ဖြစ်သေးဘူး၊
၃။ ဘာသာရေးအတွက် အချိန်မပေးဖြစ်သေးဘူး၊
၎။ ပြောတတ်ချင်တဲ့ ယိုးဒယားစကား၊ ဂျပန်စကားတွေကို မလေ့လာရသေးဘူး။

လုပ်ဖြစ်တာတွေထဲက တခုကတော့ အဟောင်းဆိုင် သွားတယ်။ ဘတ် ငါးဆယ်တန် အင်္ကျီအဟောင်း ၄ ထည် ၀ယ်ဖြစ်တယ်။ တီရှပ် ၃ ထည်၊ ရှပ်အင်္ကျီ ၁ ထည်။ ငွေ ၂၀၀ ပေးတော့ ၅၀ ပြန်အမ်းတယ်။ ဆိုင်ရှင် အတွက်မှားသလား လျှော့ပေးတာလား မသိဘူး။ အမ်းတဲ့ငွေကို ကိုင်ပြီး သူ့ကို ပြန်ကြည့်ပေမယ့် သူက ဂရုမစိုက်ဘူး။ ကိုယ်လည်း စကားမတတ်တာနဲ့ ကျေးဇူးတင်ကြောင်းပြောပြီး အဟောင်းဆိုင်ကနေ ပြန်ခဲ့တယ်။ ( ကျေးဇူးတင်ကြောင်းတော့ ယိုးဒယားလို တတ်တယ်။ ကျနော် ပြောတတ်တဲ့ စကား လေးငါးခွန်းထဲမှာ အဲဒါလည်း ပါတယ်။ )

အဟောင်းဆိုင်တွေအကြောင်း ရေးဦးမှပဲ၊ အစားအသောက်အကြောင်းတွေလည်း ရေးချင်နေတာ ကြာလှပေါ့၊ နိုင်ငံရေးအကြောင်းတော့ ရေးရတာ ငြီးငွေ့ပြီး) မနက်ဖြန်လည်း ပို့စ်ခပ်တိုတိုလေးဖြစ်ဖြစ် တင်လိုက်ဦးမှ စသဖြင့် ဒီကနေ့ စဉ်းစားမိတယ်။

မနက်ဖြန်က ကျနော့်အတွက် အရေးကြီးတယ်။ ဘာကြောင့်လဲ ဆိုတော့ - အင်း - အဲဒီအကြောင်း မနက်ဖြန်မှ ပြောပြပါမယ်လေ။ ။

Jan 1

နှစ်သစ်ကူးပြီ၊ အသက်တနှစ်ပိုကြီးလာပြီ ဆိုတဲ့ ဟိုကလေးတယောက်ရဲ့ စကားက ကျနော့်အတွက် အင်မတန် မှန်တယ်။ ဟိုနေ့က မွေးနေ့ဗျာ။ လေးဆယ် နီးလာပြီဗျာ။း) အဲဒီနေ့က အလုပ်ထဲကလူတွေ အကုန်လုံး နေ့လည်စာ အ၀ စားကြတယ် မြို့ပြင်က အပန်းဖြေစခန်း (resort)တခုမှာ။ မစားခင် (ရော စားအပြီးမှာပါ) တယောက်ပြီးတယောက် ပြောကြ ဆိုကြ ရှေ့နှစ် ဘာလုပ်မလဲ အကြံပေးကြ။


အကြံပေးကြမှာပေါ့၊ အလုပ်ထဲကလူတွေ အဲဒီနေ့က အဲဒီနေရာသွားပြီး ဆွေးနွေးကြတာကိုး။ တနှစ်လုံး ဘာတွေလုပ်ခဲ့လဲ၊ ရှေ့နှစ် ဘာလုပ်မလဲ ဆိုပြီး။ စကားပြော၊ စားသောက်၊ ဗရုတ်ကျကြတာ ညနေစောင်းသွားတယ်။ ကိုယ့်မွေးနေ့ပွဲ လုပ်ပေးတာတော့ မဟုတ်ပါဘူး။ မွေးနေ့နဲ့ ဆွေးနွေးပွဲ လုပ်တဲ့နေ့ တိုက်ဆိုင်သွားတာ။း)

ဒီနေ့က နှစ်ဆန်းတရက်နေ့။ မနေ့က နှစ်သစ်ကူးညမှာ ကျနော် ဘာမှ မဖြစ်ခဲ့ကြောင်း အကြောင်းကြားတဲ့အနေနဲ့ ဒီပို့စ်ကို ရေးပါတယ်။ (အပေါ်၂ပိုဒ်က နိဒါန်း။ ) သိတဲ့အတိုင်းပဲ မင်္ဂလာရှိတဲ့အချိန်လို့ သတ်မှတ်ကြတဲ့ နှစ်သစ်ကူးမှာ ယာဉ်တိုက်မှုတွေ မူးပြီးရန်ဖြစ်တာတွေ ရှိတယ်ဆိုတော့ ကိုယ့်ကို စိတ်ပူသူတွေ မတော်တဆ ရှိခဲ့ရင် ခမျာများ စိတ်အေးရအောင် ဒီပို့စ်နဲ့ သတင်းပို့ပါတယ်။ နှစ်သစ်မှာ ထိခိုက်ဒဏ်ရာရမှု မရှိ ပေါ့ဗျာ။ မနေ့ညက ဘန်ကောက် ကပွဲရုံတခုမှာတော့ နှစ်သစ်ကို ကြိုတဲ့သူ ၅၀ ကျော် သေဆုံးခဲ့တယ် တဲ့ ရေဒီယိုမှာ ကြားလိုက်ရး(

ဒီနေ့ နေ့ခင်း ချင်းမိုင်မြို့ပြင်က ဟွေ့တင်ထောက် (Huay Tueng Tao) ရေကန်ကြီးကို သွားတယ်။ ၀င်ကြေး တယောက်ကို ဘတ် ၂၀။ ကမ်းစပ်က ဆိုင်တခုမှာ ထိုင်တယ်၊ မြန်မာပြည်သား ၅ယောက်၊ အာဖရိတိုက်ကတယောက်၊ အင်္ဂလိပ်တယောက် ပေါင်း ၇ ယောက်။ ထိုင်းအစားအစာ စားတယ်။ ပုဇွန်အစိမ်းသုတ် ဆိုတာ ရောက်လာတော့ အဖုံးဖွင့်ကြည့်တာ အဖြူရောင် ပုဇွန်ဆိတ် ၁ ကောင် ခုန်ထွက်လာလို့ ပြန်အုပ်ထားရတယ်။ ပုဇွန်ဆိတ်အရှင်လေးတွေကို ငါးပိရည်၊ ငရုတ်သီး စသဖြင့်တို့နဲ့ နယ်ထားတဲ့အသုတ်။ တယောက်က ဇွန်းနဲ့ ရောသမမွှေလိုက်ပြီး လေးငါးမိနစ်ကြာတော့ ပုဇွန်ဆိတ်တွေ ခုန်မထွက်တော့ဘူး။ နောက်တယောက်က မှတ်ချက်ချတယ်၊ ပုဇွန်အစိမ်းသုတ် မဟုတ်ဘူး အဲဒါ ပုဇွန်အရှင်သုတ် တဲ့။ တယောက်က မစားဘူး။ ငါးပိ မကြိုက်လို့ ဖြစ်နိုင်။ ကျန်တဲ့သူတွေက စားတယ်။ ပုဇွန်ဆိတ်လေးတွေက သေးလွန်းတော့ စားဖြစ်ကြတာဖြစ်မယ်။ အကောင်ကြီးရင်တော့ အရှင် စားဖို့ ၀န်လေးမှာပဲ။ (မျောက်ကို ကြိုးတုပ်၊ စားပွဲပေါ်မှာ တင်၊ ပြီးတော့ ဦးနှောက်ကို ဖောက်စားတာမျိုးရုပ်ရှင်ထဲ မြင်ဖူးတယ်။ အပြင်မှာ ဒီလိုစားတာ တကယ်ရှိလို့ ရိုက်ပြတဲ့သဘောဖြစ်မယ်။)

လူတွေက အများကြီးပဲ။ ကားတွေ ဆိုင်ကယ်တွေနဲ့ လာကြတယ်။ ဆိုင်ထဲကနေ လှမ်းကြည့်တော့ ရေကန်ထဲမှာ ရေဆင်းချိုးသူတွေ တွေ့တယ်။ အဲဒီအုပ်စုက မြန်မာစကား ပြောကြတယ်။ ရှမ်း ကချင် ပလောင်တွေနဲ့ တူတယ် သူတို့ က။ လူမျိုးမတူလို့ မြန်မာစကားကို သုံးကြတာပဲ။ တူရင်တော့ ကိုယ်ပိုင်စကားကို သုံးကြလိမ့်မယ်။ ဘေးက ဂစ်တာနဲ့အုပ်စုကလည်း မြန်မာပြည်ကဖြစ်နိုင်တယ်ဆိုတာ တဖြည်းဖြည်း သတိထားမိတယ်။ ဆိုတာက ရှမ်းသီချင်းတွေ။ သောက်တာက ၀ီစကီ။

ကျနော်တို့ဝိုင်းမှာလည်း ဘီယာ ၂ ပုလင်း ကို ၃ ယောက် သောက်ကြတယ်။ နာမည်ပျက်ရုံသောက်တဲ့သဘောဖြစ်မယ်။ အာဖရိက ဆရာသမားက ဖျာပေါ် မထိုင်တတ်ဘူး။ ခြေထောက်ကွေးပြီး မထိုင်တတ်ဘူး။ ဂျင်းဘောင်းဘီဝတ်ထားတာကြောင့်ဖြစ်မယ်။ ရုပ်ရှင်ထဲက အာဖရိကသားတွေကတော့ မြေကြီးပေါ် ထိုင်နေတာပဲ။ နောက်ဆုံးတော့ ဆိုင်ရှင်က သူ့အတွက် ခွေးခြေတလုံး ယူလာပေးမှ အဆင်ပြေသွားတယ်။ ရလဒ်က ကျနော်တို့ဝိုင်းကို လူတွေ ကွက်ကြည့်ကွက်ကြည့်ပေါ့။ ဒီဆရာ သူများထက် ခွေးခြေတလုံး ပိုမြင့်လို့လေ။ မျက်လုံးထဲ မြင်ကြည့်ပါဦး။ အားလုံးထိုင်တာက ကွပ်ပျစ်ပေါ်က ဖျာပေါ်မှာ။ သူက ဖျာပေါ်မှာ ခုံအသေးလေးနဲ့။း)

ချင်းမိုင်မှာတော့ လူတွေက နှစ်သစ်ကို အပြင်ထွက်ပြီး ကူးကြတယ်။ လမ်းမကြီး လမ်းကြိုလမ်းကြား ကားတွေ အပြည့်ပဲ။ မြို့ပြင်က အဲဒီရေကန်မှာတောင် လူတွေ ပြည့်နေတယ်။ တခြားမြို့ကလူတွေလည်း ရောက်လာကြ၊ အဝေးရောက်နေသူတွေလည်း ပြန်လာကြတာကြောင့် ဖြစ်နိုင်။

မနှစ်တုန်းက မြန်မာနှစ်သစ်ကူးမှာ သူငယ်ချင်းတယောက်ဆီ သွားလည်ဖူးတာ သတိရတယ်။ မဲဆောက်မြို့ပြင်က အလုပ်သမား တန်းလျားတခုမှာ။ သူက ကျနော့်မဟေသီရဲ့ ငယ်သူငယ်ချင်း။ ကျနော်တို့ကို ပက်ပ်စီ၂ပုလင်းနဲ့ ဧည့်ခံတယ်။ အကြွေးဝယ်လာတာ လို့ ဆိုတယ်။

(ဒီစာရေးနေတုန်း မဟေသီက နောက်ကနေ မေးတယ်၊ မဟေသီ ဆိုတာ ဘာလဲ တဲ့။ မဟေသီ ဆိုတာ မိဖုရားကြီးလို့ အဓိပ္ပာယ် ရကြောင်း ဘာသာပြန်ပေးလိုက်တယ်။ မြန်မာစကားက သူ့မိခင်စကားမဟုတ်တော့ ကျနော့်ကို အဲသလို မေးတတ်တယ်။ ကျနော့်အဖြေ ကြားတော့ သူက နှာခေါင်းရှုံ့ပြတယ်။ သူက မိဖုရားကြီးဆိုတော့ ကျနော်က ဘုရင် ဆိုတဲ့သဘော သက်ရောက်သွားတယ်လို့ ထောက်ပြတယ်။ ဟုတ်သားပဲ။ မိဖုရားကြီးဆိုမှတော့ မိဖုရားငယ်တွေလည်း ရှိနိုင်မယ်လို့ သူ့ကို ပြန်နောက်လိုက်တယ်။း)

ပက်ပ်စီ ၂ပုလင်း အကြွေးဝယ်တာ ပြန်ဆက်ဦးမယ်။ သူက ဟိုကာတွန်းထဲကလို "စားဟေ့ အားမနာနဲ့ စောစောက တွန်တဲ့ကြက်ကို ချက်ထားတာ" လို့ ဆိုလိုတာ မဟုတ်ပါဘူး။ သူတို့မှာ ဒီ၂ပုလင်းဖိုးလောက်တော့ ပိုက်ဆံရှိပါတယ်။ သူ ထပ်ရှင်းပြတာက နှစ်သစ်ကူးမှာ ငွေမသုံးဘူး၊ ငွေမထွက်ဘူး တဲ့၊ နှစ်ကူးမှာ ငွေအထွက်ခံလိုက်ရင် တနှစ်လုံး ငွေတွေ ထွက်လိမ့်မယ်လို့ အယူရှိတယ် တဲ့။ မင်္ဂလာရှိတဲ့အချိန်မှာ တွေ့ရတတ်တဲ့ သူတို့ရဲ့ဓလေ့။

သူတို့က မွန်ပြည်နယ် တနေရာကနေ မဲဆောက်ရောက်လာကြတာ။ နှစ်ဆန်းတရက်နေ့မှာ ငွေမထုတ်ဘူး အကြွေးဝယ် တယ် တဲ့။ အကြွေးမရရင် အငတ်ခံမယ် ပေါ့။
ဒါဆို တနှစ်လုံး အကြွေးဝယ်ရတော့မယ်၊ မကြာခဏ ငတ်ပြတ်တော့မယ် လို့ ပြောင်းပြန် ယူဆသူလည်း ရှိမှာပဲ။ နှစ်ကူးမှာ အကြွေးမ၀ယ်ဘူး၊ ၀၀စားမယ်၊ များများစားမယ်ပေါ့။ ဒီလိုယူဆသူလည်း ရှိမှာပါ ကမ္ဘာပေါ်မှာ လူမျိုးစုံ ဓလေ့မျိုးစုံ မဟုတ်လား။

ကျနော်ကတော့ ဓလေ့တွေကို သိပ်ဂရုမစိုက်ခဲ့ဘူး။ အခု အသက်ကြီးလာတော့လည်း ဂရုမစိုက်ဘူး။ အထင်သေးတာမျိုးလည်း တဖြည်းဖြည်း နည်းလာတယ်။ ဟိုတုန်းကတော့ ဒါမျိုးတွေ (ကိုယ်မလုပ်တာတွေ) တွေ့ရင် ပြက်ရယ်ပြုတာ အထင်သေးတာ ထုံးစံပဲ။ ခုတော့ တယောက်ယောက်က ဒါကိုယုံတယ်ဆိုရင် သြော် - အင်း - အင်း ပေါ့။ အထင်မသေးဖို့ ပြီးတော့ အထင်မကြီးဖို့ ကိုယ့်ကိုယ်ကိုယ် သတိပေးဖြစ်တယ်။

Resolution ဆိုတာလည်း ရှိတယ် လူတချို့မှာ။ နှစ်သစ်မှာ ငါဘာလုပ်မယ် ဆိုပြီး ဆုံးဖြတ်ထားတာမျိုး။ ကျနော့်မှာတော့ အဲဒါမျိုး မရှိဘူး။ နှစ်သစ်မှာ နှစ်ဟောင်းကဟာတွေပဲ ပြန်လုပ်မှာပဲ။ အထင်သေးလည်း မတတ်နိုင်ဘူး။ နှစ်ဟောင်းကဟာတွေ ဆိုတဲ့ထဲမှာ မကောင်းတာတွေရော ကောင်းတာတွေရော ပါမယ်။
နှစ်သစ်မှာ လူဟောင်း စိတ်ဟောင်းနဲ့ပေါ့။

၂၀၀၈ မှာ ကောင်းတာရော မကောင်းတာပါ သိပ်မလုပ်ဖြစ်ဘူး ထင်တာပဲ။ ကိုယ်ဘာတွေ လုပ်ခဲ့တယ်ဆိုတာ ပြန်မကြည့်ဖြစ်။ ၂၀၀၉ မှာ ဘာလုပ်မယ် ဆိုတာလည်း ဒီနေ့ နှစ်ဆန်းတရက်နေ့အထိ မတွေးဖြစ်သေးဘူး ထင်တာပဲ။ မတွေးချင်တာလည်း ပါပါတယ်။ ကျနော်က အဲဒီလို လူစားမဟုတ်ဘူး။ နှစ်သစ်ကူးကာလမှာ ဒါမျိုးတွေ မတွေးတတ်ဘူးလို့ ပြောတာပါ။ ဘာလုပ်ဦးမှပဲ ဘာတွေပြုပြင်ဦးမှပဲ ဆိုတာကတော့ တခါတလေ တွေးဖြစ်တာပေါ့။ နှစ်သစ်ကူးချိန်အထိ စောင့်မနေနိုင်။ ဒါပဲဗျာ။ ဘုဂလန့်ပို့စ် ဖြစ်သွားပြီလား မသိ။း)

necessary or not necessary

ကာတွန်းတွေမှာ ရှင်းပြချက် ဖွင့်ဆိုချက်တွေ အမြဲတမ်း ထည့်ဖို့ လိုသလား။ တယောက်နဲ့တယောက် အယူအဆ မတူကြ။

ဟိုတလောက မစ္စတာမောင်ရစ် ကာတွန်းတပုဒ် ဆွဲတယ်။ သူ့ကာတွန်းမှာ ဖွင့်ဆိုချက် ထုံးစံအတိုင်း ထည့်မထားဘူး။ အဲဒီကာတွန်းကို ကြိုက်သူတွေ ရှိတယ်။ မှတ်ချက် မပေးသူလည်း ရှိတယ်။ ကျနော်နဲ့ သိတဲ့သူ လေးငါးယောက်ကတော့ အဲဒီကာတွန်းကို သဘောမကျဘူး တဲ့။ ဦးဝင်းတင်ကို နှိပ်ကွပ်ထားတာလို့ ယူဆပါသတဲ့။


စု-လွှတ်-တွေ့ ဆိုတာ ဦးဝင်းတင်ရဲ့ ကြွေးကြော်သံ။

မစ္စတာရစ်က ဦးဝင်းတင်ခရေဇီ။ အဖိုးကြီးကို နှိပ်ကွပ်ပါ့မလား။ ဒီကာတွန်း တင်တဲ့ကာလမှာ ထူးခြားတာ တခုဖြစ်တယ်လေ။ အဲဒါကြောင့် ဒီကာတွန်းဆွဲလိုက်တာ ဖြစ်မယ်။ အဲဒီတုန်းက မှတ်မိလား ဦးနေ၀င်းရဲ့သမီး ဒေါ်ခင်စန္ဒာဝင်း အကျယ်ချုပ်က ပြန်လွတ်လာတဲ့ကာလ။

မကြိုက်တဲ့သူရှိလည်း မတတ်နိုင်ဘူး၊ ဆက်ပြီး လျှာရှည်ရရင် - ဒေါ်စုကို လွှတ်ဖို့ပြောတာ ဒေါ်စုကို မလွှတ်ဘဲ ကျေးဇူးရှင်တွေက ဟိုဂျီးဒေါ်ကို လွှတ်လိုက်ပါလေရော။ ဒေါ်စန္ဒာဝင်းဆိုတာလည်း တကယ့်မြွေပွေး။ အခု သူက အာဏာမရှိ ဘုန်းမရှိတဲ့အချိန်မို့ တီကောင်ဖြစ်နေရတာ။ ဒါပေမယ့် မြွေပွေးဖြစ်ခဲ့ဖူးသူကို ကာတွန်းဆရာက ကြောက်ရှာသား။ ဒါကြောင့် စုမလွှတ်ဘဲ ဘာကြီးလွှတ်လိုက်ပါလိမ့် ဆိုပြီး ပြေးရရှာတယ်။ သန်းရွှေကြီးပုံကိုလည်း ကျက်သရေမရှိအောင် ဖန်တီးထားတယ် ထုံးစံအတိုင်း။

ကာတွန်းတွေ ကဗျာတွေကို ဖွင့်ဆိုချက် လုပ်ဖို့ လိုမလား။ အဖြေက အမျိုးမျိုး ဖြစ်ပါလိမ့်မယ်။

unorganized thoughts

ဒီနေ့ ခရစ်စမတ်နေ့။ တူးတူးသာတို့အိမ်မှာ ကော်ရည်ခေါက်ဆွဲချက်တယ်။ နေ့ခင်းတုန်းက သူတို့အိမ်ရောက်တယ်။ Merry X'mas လို့တောင် မပြောခဲ့မိတာ ခုမှ သတိရ။

ဟိုနေ့တုန်းကလည်း ခရစ်စမတ် ဆုတောင်းပွဲတခုကို ရောက်တယ်။ မြန်မာပြည်သား ကောလိပ်ကျောင်းသားကျောင်းသူတွေရဲ့ ပွဲ။ အစီအစဉ် ၈ ခုလောက် ရှိမယ် အဲဒီပွဲမှာ။ ဒုတိယအစီအစဉ်က တရားဟောဆရာမတယောက်က စကားပြောတယ်။ သူပြောတဲ့ထဲမှာ ဧမာနွေလ၊ ဧ၀ံဂလိ ဆိုတဲ့ စကားလုံးတွေလည်း ပါတယ်။ (ဧမာနွေလ ဆိုတာ ဘုရားသခင်ရဲ့သားတော် ဆိုတဲ့ အဓိပ္ပာယ်ရှိတယ်ဆိုလားပဲ။ ) ရှင်ပြန်ထမြောက်၊ နွားတင်းကုပ်၊ ရှင်ပေါလု ဆိုတဲ့ စကားလုံးတွေလည်း ပါတယ်။ ခရစ်စမတ် ဆိုတာ သခင်ခရစ်တော်ရဲ့ ကြီးမားတဲ့ချစ်ခြင်းမေတ္တာကို ဆင်နွဲခြင်း လို့လည်း ပြောသံ ကြားလိုက်တယ်။

ဆုတောင်းပွဲမှာ သီချင်း ဆိုတဲ့ ကြားဖြတ်အစီအစဉ်တွေပါတယ်။ သီချင်း ၄ ပုဒ်လောက် ပါတယ်။ သီချင်းတွေက နားထောင်လို့ သိပ်ကောင်းတာပဲ။ နောက်ဆုံးသီချင်းက Silent Night ဖြစ်မယ်။ ကင်မရာလည်း ပါမသွား၊ အသံဖမ်းစက်လည်း ပါမသွားတာ နောင်တ ရမိတယ်။ Silent Night သီချင်းက အကောင်းဆုံးဖြစ်မယ်လို့ ထင်တယ်။ ဆိုတဲ့သူက ငါးယောက်။ သူတို့ကလည်း အကြိမ်ကြိမ် ဆိုတီးကျင့်ထားတယ် လို့ ကျနော့်မဟေသီရဲ့သူငယ်ချင်းတယောက်က ပြောပြတယ်။

ဆုတောင်းပွဲက ပျင်းစရာ မကောင်းဘူး။ အင်မတန် အဆင်ပြေတယ်။ ဂီတသံတွေ ပါတာကြောင့်လည်း ဖြစ်နိုင်တယ်။ ဒါပေမယ့် ခရစ်ယာန် ကျောင်းသားလေးတွေကိုကြည့်ပြီး စဉ်းစားမိတာက ဒီလူငယ်လေးတွေ ပူးပေါင်းဆောင်ရွက်မှုတော်တော်လေး အားကောင်းပုံရတယ် ဆိုတာပဲ။ အားလုံးဝိုင်းဆိုတဲ့ သီချင်းအတွက် ကျနော့်ကို စာရွက်ပေးသေးတယ်။ မယူဖြစ်လိုက်ဘူး။ အားလုံး အင်္ဂလိပ်လို ဘာသာရေးသီချင်းတပုဒ် ဆိုကြတယ်။ အဲဒီသီချင်း သိပ်မခံစားတတ်ဘူး။ Silent Night ကို ဟိုငါးယောက် ဆိုသွားတာက နားထဲကရော မျက်လုံးထဲကပါ ထုတ်လို့မရ။ ( ဗုဒ္ဓဘာသာနဲ့ အစ္စလာမ်ဘာသာဝင်တွေ ဆုတောင်းပွဲလုပ်တဲ့အခါ ဂီတ/သီချင်း ပါပုံမရ။ မပါဘူး ထင်တာပဲ။ ဂီတအနုပညာနဲ့ဆိုရင် လူငယ်တွေ ဘာသာရေးနဲ့ ပိုထိတွေ့ဖြစ်မှာပဲ။ ပိုပြီး စုစည်းမိကြ၊ အသင်းအဖွဲ့နဲ့လုပ်တဲ့အကျင့် ရကြမှာပဲ။ ကိုယ့်ဘုရားသခင်ရဲ့ ကျေးဇူးတော် ဘာဘာညာညာတွေကို ဖွဲ့သီကြမယ်ဆိုရင် လူငယ်တွေလည်း လိုက်ဆိုကြမှာပဲ။ ထူးအိမ်သင်ကတော့ မဟာဝီရအိုဗုဒ္ဓ ဆိုပြီး လုပ်ထားတာတော့ ရှိတယ်။ ဒါပေမယ့် သံသေးသံကြောင်တွေထည့်ထားတာတော့ မကြိုက်ဘူး။ Silent Night သီချင်းလောက်လည်း မကြိုက်ဘူး။ သူကလည်း လူတွေကြိုက်အောင် စပ်ဆိုထားတာ ဟုတ်ချင်မှ ဟုတ်မယ်။ )

ဆုတောင်းပွဲလုပ်တဲ့နေရာက ဆိတ်ငြိမ်ရပ်ကွက်တခုထဲမှာ။ အဲဒီအိမ်မှာ ကြိုက်တာ ၂ ခုရှိတယ်။ အိမ်ရှေ့တခါး ညာဘက်မှာ ရုပ်သေးရုပ် ၂ ရုပ် ချိတ်ထားတာတွေ့တယ်။ ပြီးတော့ ခြံဝင်းထဲမှာလည်း သစ်ခွပန်းတွေ တွေ့တယ်။

ခရစ်ယာန်ဘာသာဝင်တွေနဲ့ ကျနော်က သိပ်အစိမ်းကြီးတော့မဟုတ်။ ငယ်တုန်းက နှစ်ချင်းခရစ်ယာန်ကျောင်းဝင်းတခုကို ရောက်ဖူးတယ်။ အဲဒီမှာ နွားတင်းကုပ်ထဲမှာ ကလေးမွေးတဲ့အခန်း ပါတဲ့ ပြဇာတ်ကို ကြည့်ဖူးတယ်။ ရန်ကုန်က အင်္ဂလီကန်ဘုရားရှိခိုးကျောင်းကိုလည်း တက်ဖူးတယ်။

မနေ့ကလည်း လူ ၂၀၀ ကျော်လောက်တက်တဲ့ ခရစ်စမတ်ပွဲတခုကို ရောက်တယ်။ ကိုယ်နဲ့သိတဲ့သူ အယောက် ၂၀ လောက်တော့ တွေ့ရတယ်။ အများစုက ခရစ်ယာန်တွေတော့ မဟုတ်ဘူး။ ဒါပေမယ့် ပျော်ကြ တွေ့ကြ ဆုံကြပေါ့။

ဒီစာမှာ အချက်အလက်တွေ ပြန့်ကျဲနေတာ တွေ့ရမယ်။ စတိုင်သစ်တော့ မဟုတ်ဘူး။ ကျနော့်အာရုံတွေက ပြန့်ကျဲနေတာကြောင့် ဒီပို့စ်ကလည်း အဲသလို ပြန့်ကျဲသွားတာဖြစ်မလားပဲ။

ဟိုထိပ်ဆုံးမှာ တင်ထားတာက ၁၉၄၅ ခုနှစ် ရန်ကုန်ကို ဗုံးကြဲတုန်းက ရိုက်ထားတဲ့ ဓာတ်ပုံ။ ( အင်္ဂလိပ်၊ အမေရိကန် စတဲ့ အနောက်တိုင်းမဟာမိတ်နိုင်ငံတွေက ကျဲတာလေ။ ဂျပန်တွေက ဆုတ်။ မြန်မာပြည်သားတွေ သောက်သောက်လဲ သေ။ အဲဒီကာလမှာတော့ တကမ္ဘာလုံး သေတာပါပဲ။ ကမ္ဘာစစ်လို့ သမိုင်းဆရာတွေ သတ်မှတ်တယ်လေ။ ) မြို့တော်ခန်းမက ပျက်စီးမသွားဘူး။ ဧမာနွေလ ဘုရားကျောင်းလည်း ပျက်ပုံမရဘူး။ သူ့ဘယ်ဘက်ဘေးက အဆောက်အဦကတော့ တွေ့တဲ့အတိုင်းပဲ။ လမ်းပေါ်မှာက လူတချို့နဲ့ မြင်းလှည်းတစီး။ ပန်းခြံက ၀ါးခြံစည်းရိုးနဲ့။

တရားဟောဆရာမ ပြောတဲ့ထဲမှာ ဧမာနွေလ ဆိုတာ ပါလို့ ဒီဓာတ်ပုံ တင်လိုက်ဦးမှဆိုပြီး တင်လိုက်တာပါ။ ပုံတင်တယ်ဆိုတော့လည်း စာ နည်းနည်းရေးရပြီပေါ့။ ဒီဘုရားကျောင်းကို မောနွေလ လို့ ထင်ခဲ့တာ၊ နောက်မှ ကိုယ်အဖတ်မှားမှန်း သိတယ်။ ဒါပါပဲဗျာ။ ခရစ်ယာန်တွေရော၊ ခရစ်ယာန်မဟုတ်တဲ့သူတွေရောကို ဒီရဲ့ ပြန့်ကျဲနေတဲ့ပို့စ်နဲ့ နှုတ်ဆက်ပါတယ်၊ ပျော်ရွှင်စရာ ခရစ်စမတ် ဖြစ်ပါစေ။

the beginning of a nick name

ဂျက်လီဆိုတဲ့ နာမည်ပြောင်တခု ကောက်ရထားတယ်။ အရောင်းမြှင့်တင်ရေးဗျူဟာတခုကြောင့် ရခဲ့တဲ့ နာမည်ပါ။ ပြီးခဲ့တဲ့ ၁၀ ရက်အထိ အလုပ်လုပ်ခဲ့တဲ့ ထမင်းဆိုင်မှာ လုပ်ဖော်ကိုင်ဖက် ၀န်ထမ်းအမျိုးသမီးတယောက်က ထမင်းဟင်း ပါဆယ် လာဝယ်တဲ့အမျိုးသမီးတွေကို တခုခု ပြောလေ့ရှိတယ်။

မင်းရဲ့ အင်္ကျီ ငါကြိုက်တယ် i like your blouse (သို့မဟုတ်) မင်းဆံပင်ပုံစံ ငါကြိုက်တယ်၊ မင်းဆွဲကြိုးက လှလိုက်တာ၊ စသဖြင့်။ တနေ့တော့ အလုပ်မများတဲ့အချိန်မှာ သူ့ကိုမေးမိတယ် "မင်းက သူတို့ကို ဟိုဟာကြိုက်လိုက်တာ ဒီဟာကြိုက်လိုက်တယ်ပြောတာ တကယ်ဟုတ်ရဲ့လား" လို့။ သူက - "ကြိုက်လို့ ကြိုက်တယ် ပြောလိုက်တာလည်း ရှိပါတယ်။ တခါတလေလည်း သူတို့ ကျေနပ်သွားအောင် ပြောလိုက်တဲ့သဘောပါ။ ပြောလိုက်တော့ သူတို့ ကျေနပ်သွားကြတာပါပဲ" တဲ့။

မှန်လိုက်လေ။ သူပြောသလိုပါပဲ။ အနည်းနဲ့အများ ကျေနပ်သွားကြဟန် ရှိပါတယ်။ မပြောလည်း ရပါရဲ့။ ဒါပေမယ့် အရောင်းဝန်ထမ်းတွေက ဖောက်သည်တွေကို ဒီလိုနည်းနဲ့ မဟာမိတ်ဖွဲ့ကြတာ။ သို့ကလို ပြောထားတော့ အဲဒီဖောက်သည်နဲ့ ကိုယ်နဲ့ အဆင်ပြေသွားပြီပေါ့။ ကိုယ့်ကို ဂွီဂွမ် မလုပ်တော့ဘူး။

အဲသလို မဟာမိတ်ဖွဲ့တာ လုပ်သင့်တယ်လို့ ပြောလည်း ရပါတယ်။ တခြားနိုင်ငံသားတွေနဲ့ယှဉ်ရင် အမေရိကန်စားသုံးသူတွေက သိပ်ပြီး ပြဿနာ ရှာတတ်သလိုပဲ။ ကျနော် အလုပ်ဝင်ခါစတုန်းက အတိုင်ခံရဖူးတယ်။ ငါ့ဟင်းကို ဒီကောင်တွေ နမ်းကြည့် ရှူကြည့်တယ် တဲ့ ဆိုင်ရှင်ကို လူတယောက်က သွားပြောတယ်။ သူ့ဟင်းကို ဘာကြောင့် နမ်းရမှာလဲ။ ကျနော်တို့က ဒီဟင်းထမင်းအနံ့တွေ နေ့တိုင်းလိုလို ရှူရှိုက်နေရတာ။

လူတွေက ဗိုက်ဆာတဲ့အခါ ပိုပြီး ဒေါသထွက်တတ်တယ်လေ။ ဆိုင်မှာက နေ့လည်စာ ထမင်းနဲ့ဟင်း ၀ယ်ရဖို့အရေး သူတို့ တန်းစီရသေးတာ။ ဒါကြောင့် ဒေါသစက်ကွင်းကလွတ်အောင် ကျေးဇူးရှင်တွေကို မဟာမိတ်ပြုကြတာ ဖြစ်နိုင်တယ်။

နိဂုံးချုပ်ရရင် ဆိုင်အောက်ဆုံးထပ်မှာ ဒိန်ချဉ်ဆိုင် တဆိုင် ရှိတယ်။ အဲဒီဆိုင်ဝန်ထမ်းတွေကတော့ စားသုံးသူတွေကို အထူးတလည် ပြောမနေပါဘူး။ Thanks a lot, Have a good day စသဖြင့်လောက်ပဲ ပြောကြတယ်။ ကျနော်လည်း စားလို့ကောင်းတာကြောင့် သွားထိုင်ဖြစ်တယ် မကြာခဏ။ တရက်တော့ သူငယ်ချင်းတချို့ စားရအောင်လို့ သူတို့အတွက်ရော ကိုယ့်အတွက်ပါ များများ ၀ယ်ဖြစ်တယ်။ များများဝယ်တော့ ဆိုင်ရှင်က "မင်းက ဂျက်လီနဲ့ တူတယ် " တဲ့။ ခါတိုင်း သွားထိုင်စားနေတုန်းကတော့ ဂျက်လီနဲ့ မတူဘူး များများဝယ်တဲ့နေ့မှ ဂျက်လီနဲ့ တူတဲ့သဘေား)

ဂျက်လီဆိုတာ တရုပ်သိုင်းကားထဲက ငနဲလေ။ ဒီအကြောင်း သူငယ်ချင်းတချို့ကို ပြန်ပြောပြဖြစ်ကတည်းက ကျနော့်မှာ နာမည်ပြောင်တခု ထပ်တိုးသွားတော့တာပါပဲ။ 'ဂျက်လီ' တဲ့၊ အင်း - ခက်ကပြီ။

ကိုယ့်အားကိုယ်ကိုး အကျဉ်းသား

[နိဒါန်း - ဖေဖော်ဝါရီ ၄၊ ၂ဝဝ၇ ရက်စွဲနဲ့ မိုးမခမှာ ထည့်ခဲ့ဖူးတဲ့ဆောင်းပါး။ မြန်မာပြည်ကထောင်တွေ အကျဉ်းသားတွေအကြောင်း။

ကိုယ့်ကို ထောင်ထဲပို့မယ့်ကားအတွက် ကိုယ်တိုင်ကားခပေးနေရတဲ့ အကျဉ်းသားတွေ ဘယ်နိုင်ငံမှာ ရှိမယ် ထင်ပါသလဲ။ ခွကျတဲ့၊ ရယ်စရာကောင်းတဲ့မေးခွန်းပါ။ တကယ့်အဖြစ်အပျက်ဆိုတာသိရင်တော့ ရယ်နိုင်မယ် မဟုတ်ပါ။

ထောင်ဆိုတာ ဘယ်ထောင်မှ မကောင်းပါဘူး။ ကမ္ဘာ့အဆိုးဆုံးထောင်တွေ စာရင်းပြုစုလိုက်ရင် မြန်မာပြည်ကထောင်တွေ ထိပ်ပိုင်းမှာ ရှိပါမယ်။

သောင်းနဲ့ချီတဲ့ မြန်မာပြည်က ပညာတတ်တွေ၊ နိုင်ငံရေးသမားတွေဟာ ဒီထောင်တွေထဲမှာ အမှုန့်ကြိတ်ခံခဲ့ရတာကြောင့် ထောင်စနစ်ပြုပြင်ရေးတွေဟာ အနာဂတ်မှာ ဖြစ်လာမှာပါ။ သူတို့တွေက ဒီပြုပြင်ပြောင်းလဲရေးကို ဦးဆောင်ကြမယ်လို့ ယူဆရပါတယ်။

လူထုအစိုးရ အုပ်ချုပ်တဲ့အချိန်၊ လာဘ်ပေးလာဘ်ယူမှု တဖြည်းဖြည်း လျော့ပါးသွားတဲ့အချိန် ရောက်ရင်တော့ အကျဉ်းထောင်စနစ် ပြုပြင်ရေးကို အစပြုလို့ရပါပြီ။

ဒီဆောင်းပါးကို ဘလော့ဂ်ပေါ်တင်ဖို့ ပြန်ဖတ်ကြည့်ပြီး စိတ်ထဲ ထပ်ပေါ်လာတာတွေကို ဆောင်းပါးအဆုံးမှာ နိဂုံးချုပ်ထားပါတယ်။]

ကိုယ့်အားကိုယ်ကိုး အကျဉ်းသား

ကားခလေးတွေ ထုတ်ထားမယ်
ကျနော်တို့ အဖနိုင်ငံတော်မှာ ဒုက္ခရောက်နေသူဆီက ငွေကိုညှစ်ယူရတာ လွယ်လှပါတယ်။ ရဲဝန်ထမ်း၊ ထောင်ဝန်ထမ်းတွေကတော့ အဲသလို ညှစ်တဲ့လုပ်ငန်းမှာ ကျွမ်းကျင်အဆင့်ပေါ့။ တရားရုံးက ထောင်ဒဏ်ချမှတ်လိုက်လို့ လူတစ်ယောက်ဟာ စိတ်ညစ်ညစ်နဲ့ အချုပ်ကားစီးပြီး ထောင်ကို သွားရပြီဆိုပါစို့၊ ကားပေါ်မှာပါတဲ့ရဲတွေက ကားခ တောင်းပါလိမ့်မယ်။ ပိုက်ဆံထွက်လာဖို့ သို့မဟုတ် ပိုက်ဆံမပေးနိုင်လို့ ရိုက်နှက်ရတာလည်း ရှိမှာပါ။ ကားထဲမှာပါတဲ့ မိုက်တိမိုက်ကန်း ဝါရင့်အကျဉ်းသားတစ်ယောက်ယောက်က ရိုက်တဲ့၊ နှက်တဲ့၊ ငွေတောင်းတဲ့ အလုပ်ကို လုပ်ပေးပါတယ်။ ကဲ - ကားခ ဘယ်လောက်ကျပါသလဲ။

ပြီးခဲ့တဲ့ ဗုဒ္ဓဟူးနေ့ (ဇန်နဝါရီ ၃၁) က ထွက်လာတဲ့ အစီရင်ခံစာတစ်စောင်အရဆိုရင် ကျပ် ၁ဝဝဝ ကနေ ၅ဝဝဝ အထိ ဖြစ်ပါသတဲ့။ ရန်ကုန်မြို့မှာဖြစ်နေတဲ့ ပေါက်ဈေးပါ။ ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း(မြန်မာနိုင်ငံ) က ပြုစုတဲ့ အစီရင်ခံစာမှာ အဲဒီဈေးနှုန်းအတိုင်း ရေးထားပါတယ်။ အစီရင်ခံစာရဲ့ အမည်က ‘၂ဝဝ၆ ခုနှစ် မြန်မာနိုင်ငံ အကျဉ်းထောင်များအခြေအနေ’ ဖြစ်ပါတ ယ်။

စိတ်ဝင်စားစရာ အချက်အလက်များ
၂ဝဝ၆ ခုနှစ်အတွင်း နိုင်ငံရေးအကျဉ်းသား သေဆုံး၊ လွတ်မြောက်စာရင်းကို အခုလို တွေ့ရပါတယ်။
ပြန်လွတ်လာသူ ၄၆ ဦး
သေဆုံးသူ ၆ ဦး

လွတ်လာသူ ၄၆ ဦး ရှိလို့ ဝမ်းသာကြိုဆိုလိုပေမယ့် ဖမ်းဆီး ထောင်ချခံရသူပေါင်းက ၇၈ ဦး ဖြစ်နေပါတယ်။
‘အမေက မွေး၊ ထောင်က ကျွေး’လို့ ထောင်ထဲမှာ ပြောလေ့ရှိပါတယ်။ အဲဒီခေတ် ကုန်သွားပါပြီ။ ခုတော့ အမေက မွေး၊ အမေကပဲ ကျွေးရပါတယ်။ ဟောဒီ အချက်အလက်တွေကို ကြည့်ပါဦး။

ထောင်သို့သွားသည့် အချုပ်ကားခ ၁ဝဝဝ မှ ၅ဝဝဝ
ရိုက်နှက်မှုသက်သာရန် လိုင်းကြေး ၂ဝဝဝဝ မှ ၃ဝဝဝဝ
သစ်သားကွပ်ပျစ်ပေါ် အိပ်လိုပါက ၁၅ဝဝဝ
(မပေးနိုင်ပါက သမံတလင်းပေါ်တွင် အိပ်ရန်။)

အချိန်မရွေး ရေချိုး၊ အဝတ်လျှော်နိုင်ရန် ၁၅ဝဝ
အချိန်မရွေး အပေါ့အလေးစွန့်ရန် ၁၅ဝဝ
ရဲဘက်အလုပ်ကြမ်းစခန်း မသွားလိုပါက ၁ဝဝ ဝဝဝ

အလုပ်သက်သာသော ရဲဘက်စခန်းများသို့ ထွက်လိုပါက ၁ဝဝ ဝဝဝ
ရှေ့တန်းစစ်ဆင်ရေး အထမ်းသမားမဖြစ်လိုပါက ၁ဝဝ ဝဝဝ
အခြားထောင်များသို့ မပြောင်းရွှေ့လိုပါက ၁၅ဝ ဝဝဝ

ထောင်အတွင်း အလုပ်မှ ကင်းလွတ်မှုရရန် ၂ဝ ဝဝဝ
ထောင်အတွင်း သက်သာသည့်အလုပ်ရရန် ၂ဝ ဝဝဝ
ဆေးခန်းပြ အမည်စာရင်းတွင်ပါရှိရန် ၁ဝဝ သို့မဟုတ် ကော်ဖီမစ် (၁)ထုပ်

ထောင်ဆေးရုံ ဆရာဝန်၏စမ်းသပ်မှု ခံယူလိုပါက ၅ဝဝ
(စမ်းသပ်သည်ဆိုသည်မှာ အခန်းထဲမှဆရာဝန်က အခန်းအပြင်တွင် ထောင်ပုံစံဖြင့်ရပ်နေသော လူနာအကျဉ်းသားအား လှမ်း၍ မေးမြန်းခြင်းဖြစ်သည်။)
ဆေးရုံတက်ရန် ၃ဝဝဝ
(လူနာ၏အခြေအနေကိုကြည့်ပြီး ဆုံးဖြတ်ခြင်းမဟုတ်ဘဲ ငွေကြေးရ မှ ဆေးရုံတင် ပေးခြင်းဖြစ်သည်။)
ဆေးရုံရောက်သည်နှင့် ပေးရသည့်ငွေ ၃ဝဝဝဝ
တာဝန်ကျဆရာဝန် ပြောင်းသွားပါက ၂ဝဝဝဝ

ဒီနှုန်းအတိုင်းဆို အကျဉ်းဦးစီးဌာနအရာရှိများအဖို့ ဝင်ငွေကောင်းသလောက် အကျဉ်းသားမိသားစုတွေအဖို့ ငွေထုပ်ပိုက်ပြီး ထောင်ဝင်စာ သွားတွေ့ရမယ့်ကိန်းပါပဲ။ အစီရင်ခံစာမှာ အကျဉ်းသားတွေ “ပိုက်ဆံမရှိလျှင် အကျဉ်းထောင်အတွင်း အသက်ရှင်ရန်အတွက် အလွန်ခက်ခဲသော အချိန်ကာလဖြစ်နေပေသည်” လို့ သုံးသပ်ထားပါတယ်။

ဟန်ဆောင်လူနာ
ထောင်ရောက်အောင်ပို့ပေးတဲ့ အချုပ်ကားအတွက် အကျဉ်းသားက ပိုက်ဆံပေးရပါသတဲ့။ အံ့သြစရာပေပ။ ဒါတင်ပဲလားဆိုတော့ မဟုတ်သေးပါဘူး။ ထောင်ထဲမှာ ‘ဟန်ဆောင် လူနာ’ ဆိုတာလည်း ရှိသတဲ့။
ပိုက်ဆံတတ်နိုင်တဲ့ အကျဉ်းသားက ဆရာဝန်တွေ၊ ထောင်အာဏာပိုင်တွေကို ချဉ်းကပ်ပြီး ဆေးရုံဆောင်မှာ တက်နေကြသတဲ့။ ဆေးရုံဆောင်မှာနေရတာ ပိုပြီး သက်သောင့်သက်သာရှိတာကိုး။ ဒီနည်းနဲ့ ဟန်ဆောင်လူနာ ဆိုတဲ့ လူတန်းစားတစ်ရပ် ပေါ်ပေါက်လာခြင်းလို့ ဆိုပါတယ်။

ပိုက်ဆံမပေးနိုင်တဲ့ အကျဉ်းသားတစ်ယောက်ယောက် နာဖျားခဲ့ရင်တော့ ဆေးရုံတက်ရောက်ခွင့်ရဖို့ “အလွန်ခက်ခဲသော ကိစ္စတစ်ခုဖြစ်နေ”ပါသတဲ့။ ရောဂါအခြေအနေ အတော်ဆိုးရွားမှ ဆေးရုံတက်ခွင့်ပြုမယ်၊ အဲဒီ လူနာအစစ်တွေဟာ ခုတင်ပေါ်မှာ မနေရဘဲ “ဟန်ဆောင်လူနာများ၏ ခုတင်များကြားရှိ သမံတလင်းပေါ်တွင် အခင်းမပါဘဲ နေထိုင်ကြရသည်” လို့ ဆိုပါတယ်။

သာယာဝတီအကျဉ်းထောင်ကဆရာဝန် ဒေါက်တာဝင်းဖေရဲ့ လက်သုံးစကားကိုလည်း ကိုးကားထားပါသေးတယ်။ အကျဉ်းသားတွေကို ပြောတဲ့ပုံက “ထောင်ဝင်စာ လာသလား၊ မလာရင်တော့ သေမှာပဲ” တဲ့။

ကိုယ်ထူကိုယ်ထ
သာယာဝတီထောင်အုပ်စုအတွက် ကိုယ်ထူကိုယ်ထ စနစ်နဲ့ ရိက္ခာရှာဖွေနေရတယ်၊ လယ်ထွန်တဲ့အခါ နွားနေရာမှာ အကျဉ်းသားတွေကို အစားထိုးပြီး ထွန်ယက်ခိုင်းပါတယ် တဲ့။ နွားသေရင် အစီရင်ခံစာတွေ အဆင့်ဆင့် ရေးတင်ရမယ်ဆိုတော့ လူတွေကိုပဲ ခိုင်းတဲ့သဘောဖြစ်ပါလိမ့်မယ်။

အကျဉ်းထောင်အသီးသီးမှာ ထောက်ပံ့တာ လျှော့ချလိုက်ပြီ၊ နောက် ၂ နှစ်ဆိုရင် ထောင်အာဏာပိုင်တွေက ထောင်ရဲ့ကုန်ကျစရိတ်ကို ကိုယ့်အစီအစဉ်နဲ့ ကိုယ်ရှာဖွေရမယ်လို့ ဆိုပါတယ်။ လာဘ်ပေး လာဘ်ယူမှုများ၊ နိုင်ထက်စီးနင်းပြုမှုများ၊ မတရားသောနည်းဖြင့် ရန်ပုံငွေရှာမှုများ တိုးသည်ထက် တိုးပွားလာမယ့်သဘောပါ။

တိုးတက်မှုများ
အကန့်အသတ်ဖြင့် စာရေးစာဖတ်ခွင့် ရရှိခြင်း၊
သောက်သုံးရေသန့် ရရှိခြင်း၊
ငွေကြေးနှင့်အထောက်အပံ့ပစ္စည်းများရရှိခြင်း
ဆိုတဲ့ တိုးတက်မှုတွေကိုလည်း အသိအမှတ်ပြုထားပါတယ်။ သို့ပေမယ့် ဒီတိုးတက်မှုတွေဟာ ထောင်တချို့မှာပဲ ဖြစ်ခဲ့တယ်၊ အကျဉ်းသားတချို့ပဲ ခံစားခွင့် ရခဲ့တယ်လို့ ဆိုပါတယ်။

၄၆ ဦးကို ပြန်လွတ်ပေးလိုက်တာလည်း တိုးတက်မှုပါပဲ။ လွတ်ရက်စေ့လို့ လွှတ်ပေးလိုက်တာကြောင့် ကျေးဇူးတင်ဖို့မလိုပါလို့ ပြောလို့မဖြစ်ပါဘူး။ လွတ်ရက်ကျော်နေပေမယ့် ဆက်ပြီးထောင်ကျနေသူတွေ အများကြီး ရှိတယ်မဟုတ်လား။

“နိုင်ငံရေးအကျဉ်းသားများအပေါ် နိုင်ငံတကာက စိတ်ဝင်စားမှုများလာပြီး ဖိအားပေးမှုများကြောင့် အကျဉ်းထောင်အခြေအနေများနှင့်ပတ်သက်၍ နအဖအနေဖြင့် အထူး သတိထားလာသည်ကို တွေ့ရှိရပေသည်။ သတင်းစာရှင်းလင်းပွဲများတွင် အကျဉ်းထောင်နှင့် နိုင်ငံရေးအကျဉ်းသားများ အကြောင်းကို အထူးပြု ဖြေရှင်းခြင်းများ ပြုလုပ်လာခဲ့သည်” လို့ အစီရင်ခံစာ တစ်နေရာမှာ သုံးသပ်ထားပါတယ်။ ဒါကြောင့်လည်း အထက်မှာဆိုခဲ့တဲ့ မဖြစ်စလောက်တိုးတက်မှုတွေ ဖြစ်ပေါ်လာပုံပါပဲ။


သုံးသပ်ချက်
ဒီလိုအခြေအနေတွေကြောင့် ထောင်ထဲကထွက်လာတဲ့သူတွေဟာ စာရိတ္တတွေ ပျက်စီးလာမယ်၊ လူဆိုးတွေလည်း အပိုးကျိုးမလာဘဲ ဆိုးသည်ထက် ဆိုးလာမှာပါ။

အပိုဝင်ငွေရဖို့၊ အထက်အရာရှိကိုပေးဖို့ ဝန်ထမ်းဆိုတာ လာဘ်စားရ၊ ငွေရှာရ၊ ညစ်ရပါတယ်။ အကျဉ်းဦးစီးဌာနက ဝန်ထမ်းတွေလည်း ဒီလိုပါပဲ။ အကျဉ်းထောင်ထဲက အခြေအနေဆိုးတွေဟာ အမြစ်တွယ်နေပါပြီ။ မြန်မာပြည်ဒီမိုကရေစီရပြီး နှစ်အတော်ကြာမှပဲ ဖြည်းဖြည်းချင်း ပြောင်းလဲယူနိုင်မယ်လို့ သုံးသပ်ရပါတယ်။ အခုတော့ အကျဉ်းသားတွေလည်း ထောင်အပြင်ဘက်ကလူတွေလိုပဲ ကိုယ့်အားကိုယ်ကိုးရုံပေါ့။ ။

[နိဂုံး - မြန်မာပြည်မှာ စစ်ပွဲတွေအကြောင်း ရုပ်ရှင်ရိုက်ရင် ယုတ္တိရှိအောင်ရိုက်လို့ မရသေးပါဘူး။ နည်းပညာနဲ့ မဆိုင်ပါ။ ဆင်ဆာဘုတ်နဲ့ ဆိုင်ပါတယ်။ မြန်မာ့တပ်မတော်က နောက်တန်းမှာ အရပ်သားတွေကို လုပ်အားပေး ခေါ်ခိုင်းပါတယ်။ တပ်စခန်းခြံစည်းရိုးကာဖို့ကအစ ကတုတ်ကျင်းတူးဖို့အဆုံး။
ရှေ့တန်းမှာ၊ စစ်မြေပြင်မှာလည်း အရပ်သားတွေကို အားကိုးရတာပါပဲ။ လက်နက်သယ်ဖို့၊ ရိက္ခာသယ်ဖို့၊ မိုင်းရှင်းဖို့၊ လိင်စိတ် ဖြေဖျောက်ဖို့။ ရုပ်ရှင်ရိုက်တဲ့အခါ ဒါတွေကို ထည့်လို့ဘယ်ရပါ့မလဲ။

ဒီဘလော့ဂ်ဖတ်သူဟာ မျက်ရည်လွယ်သူဖြစ်နေရင် ထိုင်းမြန်မာနယ်စပ်ကို ထွက်ပြေးလွတ်မြောက်လာတဲ့ အကျဉ်းသားတွေနဲ့ တွေ့ရင် ငိုမိမှာပါ။ မသေရုံတမယ်ကျွေးတဲ့ထမင်း ဆိုတာ ကြားဖူးမှာပေါ့။ သူတို့စားခဲ့ရတာ အဲဒါမျိုးမဟုတ်ပါဘူး၊ တဖြည်းဖြည်းသေအောင် ကျွေးတဲ့ထမင်းလို့ ဆိုကြပါတယ်။ ကျွဲနွားတွေနေရာမှာ အကျဉ်းသားတွေက ၀င်ပြီး လယ်ထွန်ပေးရတဲ့အကြောင်း၊ အသေအပျောက် ရေတွက်လို့မရကြောင်းတွေ ကြားရမယ်။

လင်းယုန်သစ်လွင်ရေးတဲ့ ယိုးဒယားမြန်မာမီးရထားလမ်း ကိုယ်တွေ့ချွေးတပ်မှတ်တမ်း ဖတ်ပြီးသူတွေက ဂျပန်တွေ အတော့်ကို ဆိုးခဲ့တာပဲ လို့ မှတ်ချက်ချကြတယ်။ ဒီနေ့ ဘ၀သစ် ရဲဘက်အလုပ်ကြမ်းစခန်း (အကျဉ်းသားတွေ အခေါ် ဘ၀ပျက်စခန်း)တွေရဲ့ မြင်ကွင်းကို မြင်ရကြားရရင်တော့ ဂျပန်တွေ သိပ်မဆိုးပါဘူးလို့ မှတ်ချက်ချကြမယ်ထင်ပါရဲ့။

တခါတရံ အကျဉ်းသားတွေဟာ ထောင်တွေ၊ ဘ၀သစ်စခန်းတွေကနေ လွတ်မြောက်ခွင့်၊ အရှင်ထွက် ထွက်ခွင့်ကြုံကြတယ်။ မြန်မာ့တပ်မတော်ရဲ့ စစ်ဆင်ရေးတွေအတွက် ရွေးချယ်ခေါ်ထုတ်ခံရလို့ပါ။

ဘ၀သစ်စခန်းတွေကို သာမန်အကျဉ်းသားတွေတင်မက နိုင်ငံရေးသမားတွေကိုလည်း ပို့ပါတယ်။ လွန်ခဲ့တဲ့ ၁၈ နှစ်က အဖမ်းခံရတဲ့ ရဟန်းသံဃာတွေ ဘ၀သစ်စခန်း အပို့ခံရတဲ့အကြောင်း
http://www.aappb.org/monkreport.pdf မှာ အင်္ဂလိပ်ဘာသာနဲ့ ဖတ်နိုင်တယ်။ မနှစ်က ဆန္ဒပြရင်း အဖမ်းခံရတဲ့ ရဟန်းသံဃာတချို့၊ မူဆလင်ဘာသာဝင်တချို့လည်း အခုအချိန်ဆို ဘ၀သစ်စခန်းအသီးသီးမှာ အရိုးပေါ်အရေတင်ဘ၀နဲ့ အလုပ်ကြမ်းလုပ်နေကြရမှာပါ။

ကျနော်တို့ ဒီရဲ့ငရဲခန်းတွေအတွက် ဘာလုပ်ပေးနိုင်မလဲ၊ ဘာလုပ်ကြမလဲ။ ကိုယ့်နိုင်ငံ ကောင်းတဲ့ဘက်ကို ပြောင်းလဲလာမှ ဒီငရဲခန်းတွေပပျောက်ရေးအတွက် တဖြည်းဖြည်း အကောင်အထည်ဖော်နိုင်မှာဖြစ်ပါတယ်။

နိုင်ငံရေးသမားတွေကိုချည်းပဲ အားကိုးလို့ မရပါဘူး။ ကျနော်တို့ကိုယ်တိုင်က နိုင်ငံရေးသမားတွေကို အားမရကြဘူးမဟုတ်လား။ ကိုယ်နိုင်သလောက် မြန်မာပြည်အရေးမှာ ၀င်လုပ်လို့ ရပါတယ်။ ကိုယ်နိုင်တာထက် ပိုလုပ်သင့်ပါတယ်။ လူမှုရေးဘက်ကဖြစ်ဖြစ်၊ နိုင်ငံရေးဘက်ကဖြစ်ဖြစ် ၀င်လုပ်နိုင်ပါတယ်။

ဘယ်တော့ ဒီမိုကရေစီရမလဲ မေးမနေပါနဲ့ဗျာ။ ခင်ဗျား ၀င်လုပ်လိုက်ရင် တရက်စောပြီး ပိုရမှာ ]